Gobierno a reconoce 6 baluarte musical di pais Aruba

Gobierno a reconoce 6 baluarte musical di pais Aruba

Posted on 11/23/2022 5:41 pm AST | Updated on 11/23/2022 5:47 pm AST

ORANJESTAD – E siman aki, durante un evento special den Sala di John F. Kennedy Education Center, ministerio di cultura a   a reconoce 6 baluarte musical di nos Pais Aruba. Ta trata di sr. Victor Camacho, sr. Hyacintho (Casin) Giel, sra. Gina Werleman, señora y representante di Sr. Felix (Chucho) Hoek, sr. Roland (Chicho) Kock , sr. Cesar Olarte y sr. Ivan Quandus y tur nan respectivo famia y amistadnan presente. E mandatario a expresa palabra di felicitacion na cada musico riba nan gran dia, Dia internacional di Musica na honor di Santa Cecilia, patrona di musiconan. 

DIA DI MUSICO

E mandatario a sigui trece dilanti cu riba Dia Internacional di musico, pa su persona ta un honor como Minister di Cultura pa celebra e ocasion aki hunto cu e musiconan den compania di nan famia y sernan keri. Ta mas importante ainda pa reconoce cada musico pa nan creatividad y talento pa educa y entretene nos comunidad y contribui na enrikece nos cultura musical. Y e mandatario a sigui pa repasa e carera musical impresionante di cada persona. 

VICTOR CAMACHO

Sr. Victor Nicolas Camacho, ta pianista cu a representa Aruba den varios pais internacionalmente y tambe a toca deleitando nos bishitantenan di exterior den varios hotel local. Actualmente e ta solo pianist na Riu Palace Hotel. Sr. Camacho tambe a composita y aregla obranan pa Voz-I-Landia Escolar y a produci varios disco honrando sr. Rufo Wever y sr. Padu Lampe tur dos den feliz memoria. Victor tambe a toca hunto cu Savaneta Steelpan na Cas di Cultura na aña 1965 pa nos ex Reina Juliana y Prins Bernard tur dos den feliz memoria.

HYACHINTO ‘ CASIN’ GIEL

Sr. Hyacintho (Casin) Giel, como musico ta tocado di guitara y piano. Y como cantante, e ta cantante di ranchera y bolero. Casin a lanta su mesun banda ‘Cassenger Sweet Band’ y  ta miembro y co-fundador di varios banda na Aruba manera Super Combo Casino y Triple S. Ademas di ta miembro y co-fundador, Casin ta compositor di mayoria di e cancionnan di Doble Sabor. Casin den temporada di carnaval tambe ta participa como compositor den Festival di Tumba. Casin Giel: pa semper Aruba su prome Rey di Tumba.

FELIX 'CHUCHO' HOEK

Sr. Felix (Chucho) Hoek, a wordo representa pa su sra. Gina Werleman. Chucho como musico a aregla y compone pa varios cantante y banda. Chucho ta conoci tambe pa aregla y compone jingle pa varios organisacion y compania. Chucho tabata integrante y a dirigi diferente banda musical y a acompaña varios banda den festival- y conciertonan. Chucho tabata docente di guitara clasico y electronico y baho. Tambe, ela duna les di teoria di harmonia, areglo y solfeo y ta actualmente e director di Stichting Arubaanse Muziekschool/Scol di Musica Rufo Wever.

ROLAND ‘CHICHO’ KOCK

Sr. Roland Naricisio (Chicho) Kock, su carera musical ta como tocado den banda y steelband. Chicho ta toca varios instrumento manera baho, guitara, drum, conga y timbal. Un musico cu a toca den banda, na hotel y hasta den steelband. E la toca cu hopi cantantenan renombra local y internacional. Tambe Chicho tabata toca baho y canta den coro di Sensacion del Caribe.

CESAR OLARTE

Sr. Cesar Olarte ta bini di un generacion di famianan musical y a crece den ambiente di musica ranchera hunto cu e grupo Mariachi Perla de Aruba. For di edad hoben Cesar a domina genero di musica manera R&B urbano y a deleita publiconan local y internacional. Cesar a gana varios premio entre otro un Grammy Latino cu e produccion di Chichi Peralta y Son Familia.

IVAN QUANDUS

Sr. Ivan Quandus, tocado di guitara, steelpan y guitara bass. Ivan hunto cu sr. Carlos Bislip, sr. Delbert Bernabela ta forma parti di trio di jazz, the Aruba Art Ensemble.  Ivan a toca tambe na diferente jazz festival local, den region y internacionalmente. Ivan a forma parti como basista di varios banda cu a duna presentacion den hotelnan local.

Minister di Cultura a menciona durante su discurso cu e carera musical di cada un di e 6 musiconan aki ta impresionante, locual a wordo treci dilanti ta djis un parti chikito di nan trayectoria musical. E mandatario a conta cu e mes gusta musica masha hopi. Tur mainta y anochi e ta scucha musica y tin ora e ta baila tambe. Na trabou tambe e ta gusta pone musica, sigur despues di un dia hopi pisa, musica ta relaha su persona hopi.

RECONOCEMENTO

Na nomber di Gobierno y Pueblo di Aruba, como Minister di Cultura ela gradici cada un di e musiconan pa nan obranan maestral. Obranan cu a toca, inspira y a contribui na enrikece nos herencia cultural musical. E mandatario a expresa palabra di danki na e musiconan pa ta digno embahador di nos idioma Papiamento y danki tambe pa expone nos cultura y promove nomber di nos Pais Aruba den exterior por medio di nan  talento musical.Victor, Casin, Chucho, Chicho, Cesar, y Ivan, un danki di curason pa boso tremendo contribucion na cultura di nos Pais tabata palabranan di Minister Xiomara Maduro.

 

 

  • Gobierno y ATA a lansa proyecto di ehercicio inovativo ‘QR Fit’ pa local y turista

    Gobierno y ATA a lansa proyecto di ehercicio inovativo ‘QR Fit’ pa local y turista

    ORANJESTAD – Awe tardi gobierno y Aruba Tourism Authority a lansa un proyecto innovativo caminda nos localnan y turistanan pa medio di nan telefon, por scan un QR code cu lo ta accesibel riba e caminda di Boardwalk Malmok y nan lo por scohe diferente hercisio.

  • Despues di retraso di 2 aña, ta inicia fase 3 di proyecto Baby Beach

    Despues di retraso di 2 aña, ta inicia fase 3 di proyecto Baby Beach

    ORANJESTAD – Despues di retraso di 2 aña, ta inicia fase 3 di proyecto Baby Beach.  Dialuna mainta Minister Dangui Oduber tabata na Baby Beach caminda e a anuncia cu ta sigui traha ariba e masterplan di Seroe Colorado den e caso aki e proyecto di Baby Beach, anunciando e Fase 3 di Baby Beach su MasterPlan. E proyecto aki mester eleva henter e area rond di e playanan aki teniendo na cuenta e importancia di conserva nos naturalesa, creando asina un desaroyo di embeyesimento di e area na un manera sostenibel.

  • Parlamento a aproba e ley pa Centro di Husticia nobo (ex-Codemsa) unanimamente

    Parlamento a aproba e ley pa Centro di Husticia nobo  (ex-Codemsa) unanimamente

    ORANJESTAD - Diamars ultimo Parlamento a trata e ley cu finalmente ta duna minister di Husticia Rocco Tjon e luz berde pa por ehecuta e proyecto di ex-Codemsa, cual pronto lo bay wordo comberti den un centro di Husticia, caminda lo bay ubica diferente departamentonan hudicial hunto bou un solo dak. Aunke cu a inicia cu e proceso aki di algun tempo atras, tin un motibo pa cual e ley a tarda un poco pa wordo aproba, esaki pa motibo cu e la wordo adapta completamente, mirando cu e proyecto a nace for di ex-minister di Husticia Sr. Bikker durante Gabinete Wever-Croes I. E adaptacion ta ensera cu mas departamento lo bay wordo ubica akinan hunto cu otro departamentonan cu no tawata tin un luga fiho pa traha. 

  • Top di Hooiberg lo haya un mirado y ta renoba e trapinan tambe

    Top di Hooiberg lo haya un mirado y ta renoba e trapinan tambe

    ORANJESTAD – Gobierno di Aruba dialuna a anuncia comienso di e trabounan na e trapi di Hooiberg. E trabounan lo wordo ehecuta pa e contratista Jash Development VBA. E trabounan ta encera drechamento di e trapinan, como tambe reconstruccion di e gazebo cu ta na un cuarto di haltura di Hooiberg. Mas na halto lo traha tambe un mirado unda por para y tin un bunita bista di nos isla.

  • Ministernan ta subi avion pa Hulanda pa pidi ayudo pa sali di e debe di 900 miyon

    Ministernan ta subi avion pa Hulanda pa pidi ayudo pa sali di e debe di 900 miyon

    DEN HAAG – Otro siman premier Wever y minister di finanza Maduro ta subi avion rumbo pa Hulanda pa atende varios asunto.  Realidad ta sinembargo cu e meta principal ta pa wak con por convence Hulanda pa yuda cu e debe cu Aruba a admiti di no por paga bek otro aña October 2023. Un debe di 900 miyon florin cu Hulanda a fia Aruba durante pandemia cu condicion cu e mester wordo paga full otro aña. Pa consume local, e prome mandatario ta bisa cu e meta principal ta ‘e caso di Aruba, con nos ta recuperando y nos ta presenta esaki cu cifra y cu estadistica. Nos lo presenta e caso real di Aruba’. Hulanda ta bon na altura di esaki caba y realmente no mester di splicacion con y kico tur Aruba a haci y ta haciendo. 

  • Arends: Acto di crueldad contra animal tumando lugar na Hooiberg Kavel

    Arends: Acto di crueldad contra animal tumando lugar na Hooiberg Kavel

    ORANJESTAD - Ministerio di Naturalesa diabierna mainta a raporta di a tuma nota cu tin actonan di crueldad ta wordo cometi contra pushinan den bisindario di Hooiberg Kavel. Diferente pushi ta wordo tira cu skopet di bala di kelki cu e consecuencia cu 3 diferente pushi a muri. Esaki ta wordo considera como un acto di crueldad contra animal y ta castigabel pa ley. Actonan di crueldad contra cualkier animal ta algo inaceptabel y nos ta spera cu esaki por stop mas pronto posibel. “Nos lo sigui monitoria e situacion aki gravedad di e actonan aki cu banda di ta cruel e ta forma un peliger pa tanto animal como e ser humano” e mandatario a bisa.

  • Powered by SETAR