IMSAN a celebra cu e di 500 pashent a keda trata exitosamente cu radiotherapia

Posted on 09/22/2022 4:15 pm AST | Updated on 09/22/2022 4:19 pm AST

ORANJESTAD – Diahuebs merdia IMSAN a celebra cu e di 500 pashent a keda trata exitosamente cu radiotherapia. Pa esaki a tene e ceremonia di ‘ring e bel’ door di e pashent en cuestion. Na e occasion aki,  minister di Salubridad Publico Sr. Dangui Oduber a bay ImSan pa yuda conmemora e hecho aki. Tabata riba dia 2 di april di aña 2020 cu e departamento di radiotherapia a trata nan prome pashent y na 11 di november di aña 2020 e di 100 pashent. Un proyecto e cu Gobierno a kere aden, a pone fondonan disponibel cu awor ta dunando su fruto.

MASTERPLAN

Segun informacion di gobierno, henter e masterplan di expansion di ImSan a cuminsa oficialmente na april di aña 2018 y tabata un inversion grandi di 60 miyon florin. Den e masterplan a percura pa bin cu un departamento di radiologia cu su CT-Scan y un departamento di policlinica di wowo caminda ta haci operacion di retina. A construi salanan di operacion cu mashinnan avansa, cu ImSan su mesun anestesista pa asina haci operacionnan ey mes. Tambe a bin cu un departamento pa sterilisacion di ekiponan medico y converti ImSan den un hospital di estadianan corto cu 22 camber. A bin cu un “Spoed Eisende Hulp” cu cambernan pa ricibi ambos adulto como mucha y claro sin laga afor e departamento di Radiotherapia.

Esaki a nifica cu pashentnan residencia aki na Aruba no mester bai mas den exterior pa esaki. Esaki ta significa cu e pashentnan lo keda den su seno familiar. Na mes momento esaki lo reduci e costonan di AZV pa cu pashentnan cu ta wordo manda den exterior pa tratamento di radiologia. Tambe a percura pa pone 1 miyon florin di AZV disponibel pa percura pa e cambernan den ImSan bai den uzo pa pashentnan por pasa anochi na e hospital.  

E minister encarga a   felicita e director encarga, Dr.Joel Rajnherc y full team di ImSan Aruba y partners Di Miami Cancer Institute y Baptist Health. Awe ImSan a marca historia un biaha mas y ta considera e “milestone” aki como uno historico pa cuido medico y cu nos tur na Aruba mester ta orguyoso di dje.

 

  • Tempo instabil den zona a genera varios hos riba laman awe

    Tempo instabil den zona a genera varios hos riba laman awe

    PALM BEACH – Diahuebs mainta, e situacion di tempo tabata di tal forma cu esaki a genera algun hos riba laman, pero bon bisto for di tera. Riba e hotel strip di Palm Beach esaki tabata bon bisto y den careda di 10'or y mei por a nota varios di e hosnan. For di varios dia caba e stuacion di tempo ta instabil cu ta pone cu e islanan ABC ta haya retonan interesante. Corsou p.e. tabatin un anochi yena cu strena cu lamper, y Aruba basta awacero varios caminda. 

  • Richard Frank (VWI) ta cuestiona varios asunto di Utilities NV den NoticiaCla LIVE

    Richard Frank (VWI) ta cuestiona varios asunto di Utilities NV den NoticiaCla LIVE

    ORANJESTAD – E presidente di e asosacion VWI (Vereniging van Werknemers met een Individuele Arbeidsovereenkomst in dienst van de Water- en Energiebedrijf Aruba (W.E.B.) N.V.), Ir. Richard Frank ta invitado den e programa NoticiaCla LIVE diahuebs anochi. Durante e programa aki, e presidente di VWI lo trata temanan manera e proceso di destaho publico riba molina di biento, credibilidad di director di Utilities NV y mucho mas. Tambe kico ta pasa si sigui cu e plan pa cumpra fuel oil for di Venezuela. No perde e programa aki sigur cu ta cuminsa pa 9’or awe nochi riba plataformanan di NoticiaCla esta Facebook, e website (check e button LIVE) y e app tambe (e button LIVE). 

  • Diasabra lista positivo di remedi cubri pa AZV ta cambia

    Diasabra lista positivo di remedi cubri pa AZV ta cambia

    ORANJESTAD – Manera ta conoci, conforme e Decreto Nacional di dia 13 di juli 2022, entrante 1 di oktober proximo e lista positivo di remedinan cubri pa AZV ta conoce cambio. Kico ta bay cambia y con e asegurado por prepara pa e cambio? 

  • Mey ora di yobida a laga parti di Palm Beach inunda

    Mey ora di yobida a laga parti di Palm Beach inunda

    PALM BEACH - Un 30 minuut di awacero na Palm Beach diaranson mainta a laga un parti inunda cu e nivel di awa  a yena casi na dak di un auto purbando di pasa. Na tur e awa a cay pa 45 minuut straight, y despues di 30 minuut mas of menos cu e tabata cay, e situacion a bira asina. Potret ta cortesia di Arnalda Lampe. 

  • CBS ta buscando encuestador part-time pa e Encuesta di Mucha y Hoben 2022!

    CBS ta buscando encuestador part-time pa e Encuesta di Mucha y Hoben 2022!

    ORANJESTAD - Cuminsando diabierna 14 di oktober, Oficina Central di Estadistica (CBS) ta organiza un encuesta tocante mucha y hoben “Child & Youth Survey 2022”. E proposito di e encuesta aki ta pa haya un mihor bista di diferente tema di importancia pa mucha y hoben. 

  • ATA a organisa conferencia di Dia Mundial di Turismo

    ATA a organisa conferencia di Dia Mundial di Turismo

    ORANJESTAD - Dia Mundial di Turismo ta wordo celebra riba 27 di september tur aña y en conexion cu esaki, A.T.A. a organisa su conferencia anual un biaha mas, e biaha aki den persona, den presencia di mas di 300 persona, despues di 2 aña cu el a ser efectua den forma virtual. 

  • Powered by SETAR