- Gotopo: Prolongacion di cierre frontera cu Venezuela ta un medida absurdo
- Ultimatum pa dicidi riba suma cu radionan mester paga DUCAPRO tur luna, a vence sin resultado
- Inflacion ta mas abou na Boneiru, mas halto na Sint Eustatius y Saba
- Gobierno Hulandes ta evaluando pa stop su paginanan riba Facebook
- Travel& Leisure: Aruba ta top lista di 10 resortnan all-inclusive den Caribe
Roald Lapperre ta bira Director-General Relacionnan den Reino na BZK
DEN HAAG - IR. R.P. (Roald) Lapperre ta bira e Director-General pa Relacionnan den Reino na e ministerio di Asuntunan Interior y Relacionnan den Reino (BZK). Conseho di minister a aproba e proposicion di minister Bruins Slot di Asuntunan Interior y Relacionnan den Reino. E nombramento ta entrante prome di september 2022.
E Director-General pa Relacionnan den Reino (DGKR) ta responsabel pa realisacion di un agenda integral pa Aruba, Corsou, Sint Maarten y pa Boneiro, Saba, Sint Eustatius, y tur otro tarea temporal, asignacion, programa y proyecto cu ta surgi for di esaki. Caminda otro ministerionan tin e responsabilidad, como partner ta fungi den un rol di duna direccion y cordinacion. Ademas DGKR lo bai pone atencion pa sigui desaroya e directorado-general. Tambe DGKR tin un rol den e area di seguridad riba e islanan y e ta presidente di e tim di crisis administrativo. Finalisando e DGKR ta encarga cu carteranan cu ta toca mas cu un ministerio den e hunta di directiva di e ministerio di BZK.
Roald Lapperre: “Mi ta sinti honra cu mi nombramento. Den e ultimo añanan mi a traha intensivamente ku Hulanda Caribense y den mi rol nobo, cu hopi placer y conviccion lo mi duna mi cooperacion na e agenda di colaboracion amplio cu e parti Caribense di Reino. Mi ta spera cu hunto cu coleganan na Den Haag y riba e islanan nos por traha riba amplia y profundisa aun mas e relacionnan riba multitud di tema cu ta conecta nos.”
“Cu Roald nos tin un director-general experencia pa e retonan di DGKR. Roald tin hopi experiencia riba tereno di maneho y sa tambe con cos ta funciona den ehecucion. E tin experiencia amplio den colaboracion dentro di departamento y colaboracion cu e parti Caribense di Reino. Roald tin conocemento y habilidad cu ta pone den un estado pa hunto cu otro departamentonan construi puentenan entre e ambicionnan politico-administrativo di Den Haag y interes di e paisnan y Hulanda Caribense. Hopi ansioso mi ta spera yegada di Roald,” e secretario-general Maarten Schurink ta bisa.
Roald Lapperre for di augustus 2017 ta director-general Medioambiente y Internacional na e ministerio di Infrastructura y Maneho di awa. Prome cu esaki e tabata entre otro Director di Maneho di awa general y Siguridad, tambe director-general Espacio y Awa suplente, na loke antes tabata ministerio di Infrastructura y Medioambiente y director Maneho di agricultura y Siguridad di alimentacion, tambe director-general Agro suplente, na loke antes tabata ministerio di Asuntonan Economico.
Roald a studia Ingenieria di Cultura na Universidad di Wageningen.
A yega na e nombramento aki a base di e procedura pa e grupo di top managers di Algemene Bestuursdienst. Bureau ABD y ministerio di BZK a haci e reclutamiento y seleccion pa e nombramento aki. Manera ta custumber, a haci e vacatura conoci di manera amplio, pa asina tur hende por solicita.
Gobierno Hulandes ta evaluando pa stop su paginanan riba Facebook
DEN HAAG – Tin chens cu gobierno di Hulanda por stop su actividad riba e red social Facebook. Esaki pasobra e compania madre di e compania, esta META, no ta dispuesto pa adapta cierto risico pa loke ta informacion personal di persona. Asina secretario di estado Hulandes Alexandra van Huffelen cu tin e cartera di digitalisacion tambe. Un conseho di ‘Autoriteit Persoonsgegevens’ a confirma den un conseho na e ministerio di Binnenlandse Zaken en Koninkrijkrelaties (BZK) di e risiconan en cuestion y a conseha pa no continua cu nan actividad riba Facebook.
Seleccion di futbol Hulandes PSV tin posibilidad pa titula campeon di Hulanda awe nochi
EINDHOVEN – E seleccion di futbol Hulandes PSV tin posibilidad pa titula campeon di Hulanda awe nochi. Awe nochi (ora di Hulanda) tin e partido entre PSV y Sc Heerenveen. Si nan gana, y Feyenoord no logra haya punto contra Go Ahead Eagles, e seleccion di Peter Bosz no por wordo alcansa mas. Hasta si PSV empata contra Heerenveen y Feyenoord perde di Go Ahead, e titulo ta di e ekipo di Eindhoven. Pa PSV, esaki lo ta e prome titulo nacional desde 2018.
Arubahuis a tene un ‘Ban Topa’ cu studiantenan na Den Haag
DEN HAAG – Arubahuis a tene un Ban Topa diaranzon anochi 24 di April cu studiantenan for di e region di Leiden, Den Haag, Delft y Rotterdam. Esaki a tuma lugar na De Haagse Hogeschool y a conta cu presencia di Minister Plenipotenciario mr. Ady Thijsen, Minister di Finanza y Cultura Xiomara Maduro, Minister di Labor, Integracion y Energia Glenbert Croes y directora di Gabinete di Aruba mr. Joselin Croes. Tambe tabata presente directora di Departamento di Recurso Humano (DRH) Omaira Lares.
Na Hulanda, partidonan formando formando gobierno, kier corta ‘eigen risico’ den cuido medico
DEN HAAG – E partidonan politico cu ta formando gobierno nobo na Hulanda ta deliberando pa haci cambionan drastico den cuido medico, particularmente e suma cu e ciudadano tin cu paga su mes, conoci como ‘eigen risico’, pa e haya e cuido. Nan ta sinti cu e suma actual, 358 euro, ta mucho halto. Y ta pensando pa sea baha esaki na mitar of elimina esaki completamente. E ta un deseo ferviente di e partidonan PVV y BBB. Nan ta kere cu e suma halto di eigen risico ta pone cu hopi ta evita pa haya ayudo medico. E otro dos partidonan VVD y NSC ta mas cauteloso, pasobra si elimina e suma, ta kita e concientisacion cu cuido no ta gratis. E intencion ta pa elimina abuso den cuido medico y ta pone hende pensa dos biaha prome nan bay pa e cuido cu porta ta innecesario. Si elimina e suma, e ta costa e pais 3.6 biyon euro pa aña.
Preocupa cu e nivel di gobernacion, Hulanda ta ofrece Aruba y Corsou curso pa por goberna miho
ORANJESTAD/WILLEMSTAD – Pa fortifica e poder di gobernacion riba e islanan di Reino Hulandes den Caribe, Universidad di Utrecht y de Haagse Hogeschool ta cbay ofrece un estudio parcial di ‘bestuurskunde’ hunto cu universidadnan di Aruba y Corsou. Asina e portal utoday di Hulanda ta raporta. E gabinete ta preocupa cu e gobierno di Corsou, segun secretario di estado Hulandes Van Huffelen. E ta plan tambe cu e minister Hulandes di Enseñansa Dijkgraaf a trata recientemente durante su bishita na Aruba y Corsou.
Rey Willem-Alexander no ta wak e serie Maxima pa no irita su mes riba e partinan incorecto cu por tin
AMSTERDAM – Rey Willem-Alexander no tin planea pa wak e serie riba su casa, Maxima. Asina e la declara e siman aki, na e portal Shownieuws. E no kier irita su mes riba e partinan ‘incorecto’ di e serie. “Mi a tende cu e ta un serie bunita, bon hinca den otro, pero mi ta bay irita mi mes na e cosnan cu ta incorecto (den e serie)” e Rey a bisa. E serie, titula Maxima, ta riba television Hulandes, desde diasabra. Maxima ta trata e bida di e Reina, te cu su compromise cu Willem-Alexander. Den e serie tin tambe un escena intimo cu e dosnan. E serie a kibra hopi record di television. Maxima mes a laga sa cu ainda e no tabatin tempo pa wak e serie dramatico.
Follow NoticiaCla
