- Joran vd Sloot na Merca a declara su mes no culpabel di extorsion
- Conocido personahe den farandula y Catochi na Corsou, 'Joe Black' a fayece
- Ex-trahador di DIMP a keda deteni pa a tuma placa bou mesa
- Banco Central di Aruba ta mantene e reserva obligatorio na 25,5 porciento
- Gobierno ta trahando riba plannan pa conmemora 150 aña cu a aboli sclavitud na Aruba
IVA: A cera practica di ortodontista y a detene
ORANJESTAD – IVA a raporta diamars cu a cera practica di ortodontista y a detene. Riba diamars 21 di november 2021, Inspeccion di Salud Aruba (IVA) a haci un bishita di inspeccion na un practica di e ortodontista Abdalhadi Kawaiah pa stop e ortodontista di traha inmediatamente. IVA ya caba tabata den un trayectorio pa prohibi e ortodontista aki di traha. Esaki pa motibo cu e no tin e autorisacion rekeri mas pa traha como ortodontista na Aruba. Na yegada na e practica, IVA a haya prueba cu e ortodontista ta trahando ainda. Pues a stop e di traha y a pasa e caso pa Ministerio Publico (Openbaar Ministerie) pa persecucion penal.
ADVERTENCIA NA JUNI 2022
IVA a adverti e ortodontista na comienso di juni 2022 caba cu e no mag di sigui traha pa motibo cu su peticion pa inscribi den e registro di AruBIG na DVG no a wordo aproba. Despues cu IVA a ricibi un notificacion cu e ortodontista lo ta trahando ainda, a dicidi di haci un bishita di inspeccion pa stop e di traha inmediatamente. Sinembargo, pa motibo cu e ortodontista no a duna su cooperacion, IVA a dicidi di pasa e caso over pa Ministerio Publico.
INSCRIBI DEN REGISTRO
Prome cu por traha na Aruba como ortodontista of dentista, bo mester ta inscribi den e registro di AruBIG cu ta wordo maneha door di Departamento di Salud Publico (DVG). DVG ta e instancia cu ta controla si un dunado di cuido tin e papelnan/educacion rekeri pa por eherce su trabou como dunado di cuido. Esaki conforme e Landsverordening beroepen in de gezondheidszorg. Cu introduccion di e registro di AruBIG, tin 5 grupo di dunadonan di cuido cu mester ta registra, esta dokter (incluyendo specialista), dentista (incluyendo specialisacionnan manera p.e. ortodontista), fisioterapista, boticario y partera. Den e proximo añanan lo agrega: enfermera, psicologo (gezondheidspsychologen) y psicoterapista. Manera cu bo ta inscribi den e registro aki, bo tin e autorisacion rekeri pa traha na Aruba pa locual bo a inscribi p’e. Por ehempel, un neurologo mag traha solamente como un neurologo of un partera mag di traha solamente como un partera.
MONITORIA CALIDAD
IVA, cu ta un instancia completamente separa di DVG, ta e instancia cu ta monitoria e calidad di cuido cu ta wordo duna na Aruba. Pues nos ta monitoria despues cu un dunado di cuido ta registra y ta trahando caba y nos lo actua ora cu constata cu tin un peliger pa cu e calidad di cuido y/of ora cu dunadonan di cuido ta actua contra ley. Riba 31 di maart 2022 tur dunado di cuido a haya un notificacion di IVA cu lo duna un multa ora cu constata cu tin un dunado di cuido trahando cu no ta registra den e registro di AruBIG y pues no ta autorisa pa traha na Aruba. E suma di e multa por bay te un maximo di Afl. 500.000 pa cada violacion di articulo den ley.
MINISTERIO PUBLICO
Sinembargo, IVA por dicidi tambe di pasa casonan over pa Ministerio Publico pa persecucion penal. Por dicidi pa haci esaki ora cu IVA a adverti y actua contra un dunado di cuido caba, pero cu e dunado di cuido ta keda viola ley of ora ta trata casonan hopi delicado. Mas detayes por lesa den nos maneho ‘Onbevoegde beroepsbeoefenaars’ riba nos website www.iva.aw.
Pa siguridad di tur pashent, ta sumamente importante pa e dunado di cuido tin e autorisacion rekeri y ta registra den e registro di AruBIG. Si tin cualkier persona cu lo por ta na altura di tipo di casonan similar, por tuma contacto cu IVA telefonicamente: 526 2160, via whatsapp: 593 6373, via Facebook (Inspectie Volksgezondheid Aruba) of via email na [email protected].
Croes: ATA ta monitorea e traslado di Joran vd Sloot pa Merca y su efecto pa Aruba
ORANJESTAD – Mientras cu e sospechoso principal di desaparicion di e Mericano Natalee Holloway na 2005, Joran vd Sloot a yega Merca diahuebs for di Peru pa confronta cargo di extorcion, oficina di turismo di Aruba (ATA) ta monitoriando e noticia di e traslado tambe. Te cu awor efecto negativo di e traslado ta minimo y no ta rekeri accion adicional. Asina CEO di oficina di turismo di Aruba Ronella Croes a bisa Noticiacla diabierna. A bin e pregunta debi cu varios media tabata menciona Aruba bek cu e noticia di 2005, incluyendo e seguridad di nos isla. “Nos ta monitor tur outlets. Multiple biaha pa dia” Croes a sigura e portal aki. “ Nos crisis team ta on for di dia cu e anuncio a sali. Nos ta tambe tene promocion planea na cuenta y asina ta pone pausa riba algun y ta re-activanan ora ta prudente!”.
Wever: Gobierno ta controla prijs di productonan den “canasta basico” tur dia
Gobernador Boekhoudt a duna sanger awe anticipando dia di duna sanger otro siman
ORANJESTAD - Otro siman 14 di juni rond mundo ta celebra Dia di Dunado di Sanger. Esaki ta un oportunidad pa literalmente duna algo na un prohimo desconoci y pa mustra solidaridad cu otro ser humano. Donacion di sanger ta salba bida y cu cada donacion, nos por brinda speransa y alivio na e personanan cu ta depende di esaki. Anticipando esaki, awe mainta Gobernador di Aruba Alfonso Boekhoudt mes a pasa pa duna sanger. E potret ta cortesia di S.E. Gobernador Boekhoudt
Dia Mundial di Oceano 2023,ta tempo pa pone atencion na e oceano
ORANJESTAD - Dia Mundial di Oceano ta un dia observa mundialmente tur aña riba dia 8 di juni. E dia aki ta dedica pa eleva conscientisacion di e importancia di e oceano y pa promove un maneho sostenibel di e recursonan cu e ta duna asina hopi na henter mundo. Mientras cu Aruba un isla chikito den Caribe, nos ta rondona completamente pa lama y di e oceano, esaki ta haci cu e dia aki ta uno ainda mas importante pa nos isla. Pa celebra e dia aki y pone luz riba dje, Nacionnan Uni a bini cu e tema ‘Planeta Oceano, e marea ta cambiando’. Na ingles, Planet Ocean: the tides are changing. Cu esaki ta busca pa splica cu e nivel di lama pues e marea halto of abou a bin ta cambiando. United Nations (UN) tin planea un evento virtual na unda lo pasa e programa cu ta tuma lugar na headquarters di UN riba e dia aki. Directie Natuur en Milieu (DNM) ta invita un y tur pa sigui e livestream event aki cu ta importante pa participa. Asina por haya sa kico tur ta e esfuersonan necesario pa cu e oceano y cualnan ta su reto y potencialnan.
Departamento di Aduana ta informa cu no lo tin sistema di ASYCUDA diadomingo dia 11 juni di 2023
Dentista Marsman ta denuncia dos dentista cuestionabel trahando como orthodontista
ORANJESTAD – Diaranson e dentista Hendrik Marsman a haci denuncia di otro caso contra supuesto dentista cu lo ta haciendo cosnan illegal. Den pasado e la haci denuncia publico caba unda cu e biaha ey, e dentista ey a keda deteni pa autoridadnan competente. Awor Marsman a bolbe mustra cu ‘tin fuerte indicasion cu tin 2 dentista ta traha como orthodontista aki na Aruba y cu nan certificado ta cuestionabel’. Segun e dentista haciendo e denuncia, supuestamente e dos dentistanan aki nan ta riba prueba den e ARUBIG, esta un sorto di “visitatie traject”. “Pero echo ta, cu si ta asina, cu ta 3 dentista a traha na Aruba como specialista di beugel. Pues ta traha y cobra como specialista sin cu nan tin e studio universitario como orthodontista”, Marsman ta bisa. E ta puntra cu si awor tin professor na DVG cu ta evalua e capacidat di e dentista como orthodontist ? “Ta con e“visitatie project” ey ta hinka den otro y mas importante, pakiko nan a hanja esey? Ta dentista basico nan ta anto? Si ta esey, laga nan traha como dentista anto” e ta puntra.
Follow NoticiaCla
