Mohamed: Unico cos pega na Arubus ta structura salarial pero ta trahando riba solucion

Mohamed: Unico cos pega na Arubus ta structura salarial pero ta trahando riba solucion

Posted on 06/22/2022 11:13 am AST | Updated on 06/22/2022 11:21 am AST

ORANJESTAD – E situacion na Arubus no ta completamente manera cu trahadonan y sindicato SEPPA ta pretende. Asina director di e compania Edwin Mohamed a splica na prensa despues di a tuma nota di e accion pafo. Varios cos e trahadonan a haya segun Mohamed, manera functie beschrijving y waardering, cu nunca nan no tabatin. Ta e structura salarial enberdad ta e unico cos cu nan no tin. Y segun Mohamed, e la ilustra dicon. Segun e director, e parti salarial no ta acorda, no ta aproba door di raad y pesey e no por sigui. A mustra cu e trahadonan no ta hopi bon informa, y ora cu tin reunion, ta masha tiki hende ta presenta pa scucha loke tin cu declara. E situacion financiero di pais Aruba no ta bon segun Mohamed. E la confirma cu e compania ta depende grandemente di subsidio di gobierno, y ta bezig cu un doorlichting, y un plan comercial strategico pa 10 aña, pues ta trahando pa salvaguardia e empresa pa hopi aña. “Desicionan ad hoc, decision pura, bou presion no ta decision corecto pa un compania” Mohamed a sigui bisa. E ta compronde e malcontento, pero progreso mester bay pa tur hende, incluyendo e compania. “Si e compania no por progresa, nos no por progresa hunto” Mohamed a sigui bisa. Potret cortesia Telearuba. 

  • Aruba ta elimina seguro obligatorio di Covid-19 pa bishitantenan

    Aruba ta elimina seguro obligatorio di Covid-19 pa bishitantenan

    ORANJESTAD – Oficina di turismo a informa diabierna atardi cu Aruba ta elimina seguro obligatorio de Covid-19 pa bishitantenan. Nan a recorda cu na juli 2020, Aruba a habri su frontera bek pa bishitantenan di Estados Unidos y a inicia cu e Aruba Visitors Insurance. Esaki tawata un innovacion den medio di pandemia, cu a wordo sigui despues pa otro destinonan. E seguro aki tawata obligatorio pa tur bishitante y di e forma aki a sigura cu tur caso di turista cu a test positivo durante nan estadia por a conta entre otro riba cobertura di acomodacion pa isola, transporte, test di covid y gastonan di dokter, hospital y ICU.  

  • SETAR: Ultimo dia pa haci cambio pa Buki Telefon 2023 ta 30 di juli 2022

    SETAR: Ultimo dia pa haci cambio pa Buki Telefon 2023 ta 30 di juli 2022

    (ADVERTORIAL)

  • SIMAR: Aumento di tarifa di awa di WEB ta un baño di awa friu

    SIMAR: Aumento di tarifa di awa di WEB ta un baño di awa friu

    ORANJESTAD – Sindicato di maestro SIMAR ta considera e anuncio di aumento di tarifa di WEB como un baño di awa friu, y a manda nan preocupacion pa prome minister Evelyn Wever Croes diahuebs atardi mes. Den e carta nan ta splica nan preocupacion y desaprobacion di e loke a sosode.  E noticia pa miembronan di e sindicato, a bin como un sorpresa total, y cu ta haci nan situacion financiero aun mas fastioso, banda di e recorte salarial. A comparti cu varios miembro ainda tin problema tur luna pa cera placa pa por cubri nan gastonan. Ademas nan tin duda ainda cu enberdad luna di juli 2022 lo nan haya e recuperacion manera priminti di e 5% di salario. “Nos ta en espera ainda di e decision definitivo di e recuperacion di 5% di salario” e presidente di sindicato ta bisa. A recorda cu awa ta un necesidad basico y primario y cu esaki lo aumenta e problemanan social den enseñansa. Acerca a bin e problema di luna di mei y juli di aumento drastico di gasoline, cu ta limita e mobilidad di varios miembro. 

  • Ministerio Publico ta habri bek riba diabierna

    Ministerio Publico ta habri bek riba diabierna

    ORANJESTAD – Ministerio Publico ta habri desde diabierna prome di juli 2022 normalmente desde 08.00 or di mainta. Asina vocero di e departamento, Ann Angela a bisa diahuebs. Manera ta conoci e departamento tambe a cera diaranson debi na e menasa di mal tempo. Tur afspraak pa busca e carta di buena conducta (vog) a wordo posponi pa diamars 5 di juli 2022. Por mantene e orario riba bo invitacion.

  • Analisis: 'Si bo a rabia cu ayera nada no a pasa...'

    Analisis: 'Si bo a rabia cu ayera nada no a pasa...'

    Si bo ta rabia cu ayera ‘nada’ no a pasa, y cu bo a gasta boshi placa cumpra yen di cos extra ‘pornada’, pensa cu awe e headline por tabata diferente. E por tabata “Islanan ABC destrosa pa tormenta Bonnie, hopi destruccion, famianan perdi, etc etc”. Awe bo ta lanta, contento cu bo propiedad ta unda e ta ainda, y cu bo tin un dia mas pa biba. E placa cu bo a gasta ayera, ta nada, compara cu loke bo por ta tin na gasto extra awe, si e mal tempo a pasa manera cu e tabata poni pa pasa. Un colega di prensa na Corsou ayera ainda ta conta con Thomas (un rabo) a lague cu 30 mil na gasto. Awor porta bo a gasta algun shen florin, (cu ta hopi, pero bo mester relativ’e si). Considera ayera un bon training. Corda semper, miho bon prepara, y alerta, cu trankil y sorprendi pa un mal tempo cu ta lagabo cu mas debe (cu bo tin caba) cu nunca. Y porta bo no ta un creente, pero algo a bolbe pone cu nos a scapa di loke por tabata un disaster natural. Be grateful, and move on!  Scirbi pa Tito Laclé.

  • Disturbio diaranson a produci 38 mm di awacero pa Aruba

    Disturbio diaranson a produci 38 mm di awacero pa Aruba

    ORANJESTAD - Meteo a di informa cu e peor di e mal tempo ta mustra di ta tras di lomba, sin causa daño mayor na Aruba. E mal tempo a pasa basta leew di nos, 90 km zuid di Aruba.  Ya pa 11or pm diaranson anochi National Hurricane Center a kita e status di Aruba di tropical storm warning. “Nos lo sigi monitor pa mira si un “rabo” por causa molester” prome minister Evelyn Wever Croes a bisa diaranson anochi laat. 

  • Powered by SETAR