Gobierno no a keda cla awe cu tur detayes pa cu BTW

Gobierno no a keda cla awe cu tur detayes pa cu BTW

Posted on 05/13/2022 5:05 pm AST | Updated on 05/13/2022 5:06 pm AST

ORANJESTAD – Gobierno awe no a keda cla ainda pa determina e cantidad di tasa y e porcentahe di e impuesto indirecto cu kier introduci entrante 1 di januari 2023, cu ta e Belasting op Toegevoegde Waarde (BTW). Asina minister di finanza Xiomara Maduro a splica noticiacla diabierna atardi. Di otro banda, gobierno a tuma decision riba cierto parti aunke no a bisa cua.   Manera cu e mandatario a bisa e portal, ministerraad lo mester a tuma decision awe riba e puntonan cardinal di BTW.  “Tin decision pero detayes ta sigui otro simoan pasobra tin un informacon cu ta pending”. Y a compronde cu  e informacion cu ta pending, ta determina e decision pa sa kico ta bira e porcentahe y cuanto. 

POSIBILIDADNAN

Entre e decisionan cu mester a tuma ta cuanto e haltura di e porcentahe di BTW ta bira, y si ta mantene dos porcentahe, esta uno pa productonan mas barata y otro pa productonan cu ta cay den un bracket mas halto, of si ta tene na un solo porcentahe cu ta haci henter e proceso mas facil tambe pa e.o. e comerciante. A compronde cu mientras cu e ta beneficia e consumidor pa tin dos tasa, pa e comerciante cu tin cu administra esaki, e ta bira un problema logistico basta grandi y cu ta costa tempo y placa. 

INVESTIGACION

A compronde cu tin informacion cu gobierno lo ta wardando ariba di un investigacion cu un instancia ta haciendo pero cu no ta cla y cu ta wordo presenta te otro luna, esta juni. Pues ta bira dificil pa determina algo sin cu e informacion ey ta cla. Asina mes, tabata e mesun minister cu a sigura cu awe durante conseho di minister lo a tuma decisionan crucial pa cu e BTW. Lo warda awor pa otro siman gobierno haya mas informacion y wak di e ora lo presenta e decisionan final. 

  • Van Huffelen a topa lidernan sindical despues di e marcha pasivo

    Van Huffelen a topa lidernan sindical despues di e marcha pasivo

    ORANJESTAD – Secretario di estado Hulandes Alexandra van Huffelen a reuni cu e lidernan sindical cu algun rato prome a tene nan marcha den silencio, den VIP room na aeropuerto. Riba e potret exclusivo di noticiacla, por mira con e mandatario Hulandes a scucha nan preocupacionan prome cu e la subi avion pa Corsou pa continua cu su bishita di e tres islanan Aruba, Corsou, y St Maarten. 

  • Van Huffelen a saluda ‘tur e pal’i muhernan’, y Maduro a canta awe mainta

    Van Huffelen a saluda ‘tur e pal’i muhernan’, y Maduro a canta awe mainta

    ORANJESTAD – Secretaria di estado Hulandes Van Huffelen a saluda ‘tur e pal’i muhernan’ den sala, y Minister di finanza Maduro a canta awe mainta durante e seminario ‘Women Leadership Seminar! Strong Woman Choose to Challenge. Tabatin algo pa tur hende durante e seminario dirigi riba hende muher den aula di Universidad di Aruba awe mainta. Por lo menos, asina e mainta a cuminsa cu e prome (di varios) orador y panelista. Den e raportahe aki, ta enfoca riba e prome dos oradornan. 

  • Van Huffelen a yega Aruba pa un bishita di 24 ora so

    Van Huffelen a yega Aruba pa un bishita di 24 ora so

    ORANJESTAD – Dialuna anochi riba buelo di KLM, secretario di estado Hulandes Alexandra van Huffelen a yega Aruba pa un bishita di 24 ora y a cuminsa mesora cu un serie di encuentro. E biaha aki su bishita ta den cuadro di conoce cierto gruponan local pa e sinti loke ta biba na Aruba. E lo tin un combersacion di un ora cu prome minister Wever Croes, pero esaki no ta un bishita cu lo trata temanan politico necesariamente, cu excepcion di e tema recorte salarial. E lo ta orador principal durante un seminario riba hende muher diamars mainta. Diamars anochi mes e mandatario ta biaha pa Corsou,unda cu e lo keda te diahuebs pa despues e sigui pa St Maarten. 

  • Wever: Parlamento awor a keda pa dicidi si nan tambe ta mantene recorte salarial

    Wever: Parlamento awor a keda pa dicidi si nan tambe ta mantene recorte salarial

    ORANJESTAD - Na e momentonan aki Parlamento ta den deliberacion pa tuma un decision acerca di e condicionnan impone pa Hulanda pa por paga e 12.6% bek. Asina premier Wever Croes a bisa dialuna atardi despues di a reuni cu Parlamento riba e tema. Prome Minister Evelyn Wever - Croes reuni cu Parlamento pa trata e recorte di salario di empleadonan publico y semi-publico cu pronto lo stop. 

  • Wever-Croes na sindicatonan: Si no ta kere ami, kere Hulanda!

    Wever-Croes na sindicatonan: Si no ta kere ami, kere Hulanda!

    ORANJESTAD – Prome minister Evelyn Wever Croes a manda mensahe na sindicatonan cu si nan no kere gobierno riba e anuncionan haci siman pasa cu entrante juli lo cuminsa paga 5% bek riba salario y na januari 2023 lo elimina recorte di 12.6%, kere Hulanda cu a saca un comunicado riba e tema diabierna mainta. no ta compronde e motibo di e marcha di protesta diamars awor. E mandatario a bisa dialuna mainta durante conferencia di prensa cu e tin mucho poco informacion pa e duna un informacion concreto riba e marcha. E la sigura cu e la purba informa su mes den fin di siman aki riba e declaracionan sindical haci. Asina mes e ta respeta e derecho di manifesta, y a mustra cu no a haya invitacion pa haya un manifiesto. Ademas e la sigura cu e no a haci declaracion pasobra sindicatonan a reacciona, sino mas bien e informacionan a ‘coincidi’, ya cu e mandatario no tabata na altura mes cu e mesun momento tabatin un conferencia di prensa di e sindicato diabierna mainta. 

  • Wever-Croes: No ta spera nada concreto durante bishita di Van Huffelen diamars

    Wever-Croes: No ta spera nada concreto durante bishita di Van Huffelen diamars

    ORANJESTAD – Prome minister Evelyn Wever Croes no ta spera cu algo ‘concreto’ lo sali di e bishita cortico di un dia di secretario di estado Hulandes Alexandra van Huffelen diamars awor. E mandatario Hulandes lo ta di bishita pa apenas un dia na Aruba e siman aki, durante cual e ta parti di un seminario y despues lo tin un combersacion di ‘apenas’ un ora cu prome minister Wever Croes. Asina e mandatario a bisa dialuna mainta durante un conferencia di prensa ora cu un periodista a puntra e mandatario si ta spera algo concreto sali for di e bishita cortico aki. Asina mes, lo sigui trata e tema di recorte salarial, adelantando e decision di diaranson awor den Conseho di Minister di Reino cu tin cu dicidi finalmente riba e recorte di 12.6%. 

  • Powered by SETAR