SAN NICOLAS – E sindicato conoci como Federacion di Trahadornan di Aruba, a tene su prome Congreso Extra Ordinario pa aña 2022 aw diabierna. Meta di e congreso aki ta pa trece e delegadonan di FTA hunto, pa asina no solamente tene nan na altura di e ultimo desaroyonan di nos organizacion, pero tambe duna informacion tocante topiconan di interes general pa asina nan por eherse nan tareanan di delegado na un forma optimal. Potret cortesia FTA.
ORANJESTAD – Manera por a tuma nota den medionan di prensa recientemente den diferente pais a constata casonan di personanan cu symptomanan di un enfermedad parecido na un sorto di bruela. Na Hulandes a yama e enfermedad aki “apenpokken” (na ingles “monkeypox”). Diferente pais a raporta tambe un aumento den contagio di e casonan di apenpokken.
ORANJESTAD – Un grupo di 5 sindicato a manifesta den un marcha silencioso contra varios asunto cu ta problematico segun e sindicatonan. Nan a marcha for di tereno di ex DOW, drenta Weststraat, Schelpstraat, Kazernestraat, pasa tras di Cocolishi bira rechts pasa dilanti Willem III Toren bira rechts pasa dilanti Parlamento y Bestuurskantoor subi brug bai abou bek ex DOW. Despues lo tabatin un encuentro cu secretario di estado Hulandes Alexandra van Huffelen na su salida pa Corsou, cu e sindicatonan.
ORANJESTAD – Un vacacion familiar pa Aruba a bira un pesadia pa un famia Mericano. Tur esaki debi na e hecho cu un di e miembronan di famia tin ‘autismo no verbal’. E famia completo a bin Aruba dia 10 di mei ultimo, y ora cu nan kier a bula bay bek un siman despues, e yiu Elijah en cuestion di 15 aña, a haya un atake di panico abordo, cu mester a baha full e famia di e avion. E famia for di e momento ey, tin un siman ta buscando forma con pa biaha cu e hobencito sin cu e ta haya mas atake asina. Parti di e famia tabata poni pa biaha separa awe, mientras cu e mama, Jamie, ta busca alternativa pe y su yiu homber autista. Un opcion ta un avion ambulance of via boto, pasobra e yiu no kier tende di sub un avion, of un avion yena cu mas hende.
ORANJESTAD/PUERTO ESTRELLA – Un barco di bandera Venezolano Arcángel Miguel despues di a sali diasabra for di Aruba rumbo Colombia, a sink, causando morto di por lo menos 7 tripulante y lagando solamente un sobreviviente. E barco tabata ya den teritorio Colombiano y a keda alcansa pa un ola grandi cerca di Puerto Estrella. E barco a sali cu carga pa Santa Marta. E unico sobreviviente tabata Juan Carlos Sánchez Sánchez (34) cu tabata maneha e boto. Tur otro tabata drumi den nan camarote y a wordo gara di sorpresa ora e barco a keda alcansa pa e ola.