Multitud a causa problema durante entiero di periodista stima na Israel

Multitud a causa problema durante entiero di periodista stima na Israel

Posted on 05/13/2022 10:59 am AST | Updated on 05/13/2022 11:00 am AST

JERUZALEM – E entiero di periodista di Al Jazeera,  Abu Akleh a bira un chaos cu a pone cu trupanan Israeli mester a establece orden atrobe. Riba imagen televisa, por a mira con polis ta purba controla e multitude, usando violence. Dado momento esnan cu tabata carga e caha di morto, mester a core drenta un edificio pa proteccion. Pero prome cu esey, durante di e disturbio, e caha a wordo poni riba vloer. 

  • Cantidad di victima di tiroteo na Texas a aumenta te 21 persona

    Cantidad di victima di tiroteo na Texas a aumenta te 21 persona

    TEXAS – E cantidad di morto di e tiroteo den un pueblo den estado di Texas diamars, a aumenta ten a 21 persona. E victimanan mientrastanto a keda identifica y ta muchanan entre 8 y 10 aña di edad y tin por lo menos 2 adulto tambe, docente cu a perde nan bida. E tirador tambe a fayece, aunke e no ta conta den e conteo. E tirador ta un homber di 18 aña, Salvador Ramos cu tabata bay scol secundario na e mesun lugar unda cu e scol primario ta ubica. Presidente Mericano Joe Biden a condena e tiroteo y a cuestiona e politiconan Mericano pa cu e impasse riba pasamento di ley necesario cu tin cu prohibi e tipo di arma cu a wordo usa. 

  • Tiroteo na un scol basico na Merca a laga 14 mucha morto

    Tiroteo na un scol basico na Merca a laga 14 mucha morto

    UVALDE – Durante un tiroteo na un scol basico na Merca na Uvalde den estado di Texas, 14 mucha y un docente a fayece. Un dama di 66 aña ta critico. Segun informacion, e wela di e hoben tirador di 18 tambe a wordo tira mata prome. Y tin mas mucha cu a keda herida y transporta pa hospital. No ta conoci kico e motibo di e tiroteo ta .  

  • Congresista Mericano acusa di a usa fondo publico pa vacacion familiar pa Aruba

    Congresista Mericano acusa di a usa fondo publico pa vacacion familiar pa Aruba

    WASHINGTON – Un congresista Mericano, Republicano  Alex Mooney di West Virginia ta den problema y ta wordo acusa di a usa fondonan publico pa financia un trip pa Aruba pa su famia ilegalmente. E mes ta desmenti tur esaki, pero e noticia a hala hopi atencion nacional na Merca. Ta trata di e asina yama watchdog OCE, cu ta vigila accionan di politiconan Mericano y ta tene nan honesto. Segun e acusacion, e congresista a acepta un biahe pornada pa Aruba of a haya un super bon deal pa e biahe. E lo a usa mas di 10 mil dollar pa e trip pa keda na un hotel luhoso riba Palm Beach. Regla di cas, ta prohibit congresistanan pa intencionalmente tuma regalo y ley federal ta pone restriccion riba miembronan di congreso pa ricibi nan. E congresista ta sigura cu e la paga e placa bek caba, y no a haci nada illegal. “No a usa fondo publico pa e biahe aki” e congresista a insisti. 

  • Biden: Merca dispuesto pa usa violencia pa defende Taiwan

    Biden: Merca dispuesto pa usa violencia pa defende Taiwan

    Tokio – Merca ta prepara pa defende Taiwan militarmente si China invadi e isla aki. Asina e presidente Mericano Joe Biden a bisa durante su bishita na Hapon. ‘ Nos ta para ainda tras di Un politica di un China. Pero esey no kier men cu China por tuma Taiwan over sin mas” e presidente a bisa. E remarke presidencial ta interesante si tene na cuenta cu semper Merca tabata keda superficial riba e tema.  

  • Gasprom a cera e cranchi di gas pa Finlandia tambe

    Gasprom a cera e cranchi di gas pa Finlandia tambe

    HELSINKI (ANP/RTR) – E compania di estado Ruso Gazprom ta para diasabra cu suministro di gas pa Finlandia. Esaki pasobra e pais a stop di paga Rusia den e moneda Ruso manera cu Rusia a exigi. Esey ta nifica cu e compania di Finlandia Gasum lo prove gas di otro paisnan. Fuera di Finlandia, Polonia y Bulgaria tambe a wordo corta di e distribucion di gas for di Rusia.  

  • Paisnan G7 ta manda 18 biyon euro como sosten pa Ucrania

    Paisnan G7 ta manda 18 biyon euro como sosten pa Ucrania

    BRUSELAS – E miembronan di e paisnan G7 ta di acuerdo pa duna Ucrania e suma di 18.4 biyon euro na ayudo. Ta trata di presstamo y donacion na e pais afeca pa e guera, y cu promesa cu mas ayudo financiero lo bin si ta necesario. E invasion Ruso ta costa Ucrania hopi placa. E sosten biyonario ta pa por paga cuentanan coriente riba termino corto. E paisnan miembro ta  Canada, Merca, Francia, Italia, Japon, Gran Britania y Alemania. Union Europeo tambe ta particpa pero no ta un pais y como tal no ta un miembro. Rusia tambe tabata miembro pero despues cu nan a invadi Crimea na 2014, a saca nan for di e grupo cu e tempo ey tabata G8.   

  • Powered by SETAR