- RMR no a tuma decision awe riba eliminacion di recorte salarial!
- Mescos cu Hulanda, Aruba ta declara cu bruela di macaco ta un malesa contagioso
- AZV: Pashentnan di dokter Vogel a pasa automaticamente pa dr Ho-Kang-You
- Cerbes Balashi ‘tapa cora’ den dos diferente color di boter pero cu mesun sabor y calidad
- Estudio Bounce: Aruba ta e pais cu mas ta depende di turismo na mundo
LabHOH Aruba ta brinda ayudo na isla ruman st. Eustatius
ORANJESTAD - Recientemente LabHOH Aruba a duna St. Eustatius asistencia den forma di material y aparato pa test PCR. Segun e laboratorio, e departamento di microbiologia di LabHOH ta acredita cu e standardisacion di ISO 15189 garantisando asina calidad y experticio. Naturalmente LabHOH no a duda den brinda sosten unda cu por y asina Aruba a yuda e departamento di Salud Publico (OG) na St. Eustatius. Un aparato di marca y modelo Abbott ID NOW a wordo fia pa por haci e Rapid NAAT test cu ta duna resultado den 20 minuut. LabHOH a kita e aparato aki temporalmente for di airport na Aruba pa asina por brinda nos islanan ruman asistencia den esaki. Ademas a manda algun “cartridges” pa por realisa e testnan y a yuda negosha cu diferente contactnan pa asina e departamento di OG por a ricibi masknan N95 riba termino corto.
Adicionalmente a manda un empleado pa comparti conocemento specifico y brinda asistencia unda cu por. Tambe na su turno e departamento di OG di Sint Eustatius ta dunando sosten na isla ruman Saba. Un efecto domino: comparti cu otro pa yuda otro den e tempo dificil aki cu tin ful mundo den su gara.
Mescos cu Hulanda, Aruba ta declara cu bruela di macaco ta un malesa contagioso
ORANJESTAD – Manera por a tuma nota den medionan di prensa recientemente den diferente pais a constata casonan di personanan cu symptomanan di un enfermedad parecido na un sorto di bruela. Na Hulandes a yama e enfermedad aki “apenpokken” (na ingles “monkeypox”). Diferente pais a raporta tambe un aumento den contagio di e casonan di apenpokken.
AZV: Pashentnan di dokter Vogel a pasa automaticamente pa dr Ho-Kang-You
Cerbes Balashi ‘tapa cora’ den dos diferente color di boter pero cu mesun sabor y calidad
Sindicatonan a tene marcha silencioso pa expresa malcontento
ORANJESTAD – Un grupo di 5 sindicato a manifesta den un marcha silencioso contra varios asunto cu ta problematico segun e sindicatonan. Nan a marcha for di tereno di ex DOW, drenta Weststraat, Schelpstraat, Kazernestraat, pasa tras di Cocolishi bira rechts pasa dilanti Willem III Toren bira rechts pasa dilanti Parlamento y Bestuurskantoor subi brug bai abou bek ex DOW. Despues lo tabatin un encuentro cu secretario di estado Hulandes Alexandra van Huffelen na su salida pa Corsou, cu e sindicatonan.
Vacacion familiar pa Aruba a bira un pesadia debi na yiu autista, y famia ta ‘pega’ na Aruba
ORANJESTAD – Un vacacion familiar pa Aruba a bira un pesadia pa un famia Mericano. Tur esaki debi na e hecho cu un di e miembronan di famia tin ‘autismo no verbal’. E famia completo a bin Aruba dia 10 di mei ultimo, y ora cu nan kier a bula bay bek un siman despues, e yiu Elijah en cuestion di 15 aña, a haya un atake di panico abordo, cu mester a baha full e famia di e avion. E famia for di e momento ey, tin un siman ta buscando forma con pa biaha cu e hobencito sin cu e ta haya mas atake asina. Parti di e famia tabata poni pa biaha separa awe, mientras cu e mama, Jamie, ta busca alternativa pe y su yiu homber autista. Un opcion ta un avion ambulance of via boto, pasobra e yiu no kier tende di sub un avion, of un avion yena cu mas hende.
Barco a sali di Aruba diasabra, a sink causando morto di 7 persona bayendo Colombia
ORANJESTAD/PUERTO ESTRELLA – Un barco di bandera Venezolano Arcángel Miguel despues di a sali diasabra for di Aruba rumbo Colombia, a sink, causando morto di por lo menos 7 tripulante y lagando solamente un sobreviviente. E barco tabata ya den teritorio Colombiano y a keda alcansa pa un ola grandi cerca di Puerto Estrella. E barco a sali cu carga pa Santa Marta. E unico sobreviviente tabata Juan Carlos Sánchez Sánchez (34) cu tabata maneha e boto. Tur otro tabata drumi den nan camarote y a wordo gara di sorpresa ora e barco a keda alcansa pa e ola.
Follow NoticiaCla
