Wever: No tin ‘deal’ ainda cu Hulanda riba puntonan di impasse

Wever: No tin ‘deal’ ainda cu Hulanda riba puntonan di impasse

Posted on 01/26/2022 10:42 am AST | Updated on 01/26/2022 10:46 am AST

ORANJESTAD – Contrario na raportahe di e matutino di Corsou Antiliaans Dagblad di dialuna, ainda no tin acuerdo definitivo entre Hulanda y Aruba riba e prolongacion di e protocol di supervision financiero. “Nos ta na mesa den negosacion cu Hulanda. E ta bayendo bon” e prome mandatario di Aruba a bisa noticiacla dialuna mainta. Pero e la sigura cu cos no ta manera ta wordo bisa.:” Nos no ta full cla ainda. Asina cu nos ta cla, mi ta laga sa”, e mandatario a sigui bisa. E matutino Hulandes awe mainta a papia sinembargo cu lo tin un acuerdo di prolongacion di 2 aña di e protocol, cu ta nifica segun e corant, continuacion awor di e nota di cambio di e Rijkswet di COHO. Esaki no un 'done-deal' manera e corant ta bisa, e mandatario a mustra e portal aki. 

REACCION ARUBA

E mandatario mas despues a bisa e portal aki awe mainta cu enberdad ta papiando cu e secretario di estado Hulandes y cu nan ta yegando na otro, pa loke ta e puntonan. Ta trata di 3 punto cu na December a keda pega. E mandatario a mustra cu Hulanda riba prolongacion di e protocol di supervision, a ofrece 3 aña di duracion y Aruba 1 aña. “Pero nos por biba cu 2 aña”, e mandatario a sigui biba. Una bez cu esey ta cla, e ora por aproba e nota di cambio di COHO pa cosnan sigui cana. Pero esey segun e mandatario, no ta un hecho ainda, mientras cu e matutino Hulandes ta haci como si fuera e ta cla. Y berdad, riba e tema di e recorte salarial, ainda no tin nada. “Otro siman nos tin un reunion cu tur e islanan y e secretario di Estado nobo, y eynan lo wak con nos ta yega riba e puntonan aki” e mandatario a sigui bisa. E intencion ta pa dia 4 di februari proximo durante e reunion di RMR, acorda e puntonan aki, y e ora por papia di un acuerdo. Prome no, e mandatario a sigui bisa. 

PROTOCOL

Manera ta conoci, fin di aña pasa cos a pega entre Aruba y Hulanda, ora cu Aruba a wordo confronta cu tres asunto cu a keda pega, cu ta entre nan e protocol nobo pa supervision financiero, e recorte salarial di 12.6% y e nota di cambio di COHO. Hulanda, cu inicialmente no kier a mara e protocol na un fecha, a ofrece un proposicion stipulando un protocol di maximo 3 aña (manera e protocol anterior), pero Aruba no a bay di acuerdo cu esaki pasobra a considera esaki mucho largo. Aruba a boga pa keda cla mas tempran y a opta/sugeri un protocol di 1 aña maximo, dunando Hulanda tempo pa keda cla cu e Rijkswet durante curso di aña. E tema di recorte di salario no a wordo traa tampoco, y e nota di cambio di COHO tampoco. E falta di acuerdo a conduci na un impasse cu ora cu mester a dicidi den e ultimo RMR di 2021, esaki a keda wanta te e proximo RMR, pa 2022. Consecuencia ta cu Aruba no a haya ok pa sosten di likides, y e peticion pa reduci e recorte di salario, a keda wanta tambe. 

 

  • Van Huffelen a topa lidernan sindical despues di e marcha pasivo

    Van Huffelen a topa lidernan sindical despues di e marcha pasivo

    ORANJESTAD – Secretario di estado Hulandes Alexandra van Huffelen a reuni cu e lidernan sindical cu algun rato prome a tene nan marcha den silencio, den VIP room na aeropuerto. Riba e potret exclusivo di noticiacla, por mira con e mandatario Hulandes a scucha nan preocupacionan prome cu e la subi avion pa Corsou pa continua cu su bishita di e tres islanan Aruba, Corsou, y St Maarten. 

  • Van Huffelen a saluda ‘tur e pal’i muhernan’, y Maduro a canta awe mainta

    Van Huffelen a saluda ‘tur e pal’i muhernan’, y Maduro a canta awe mainta

    ORANJESTAD – Secretaria di estado Hulandes Van Huffelen a saluda ‘tur e pal’i muhernan’ den sala, y Minister di finanza Maduro a canta awe mainta durante e seminario ‘Women Leadership Seminar! Strong Woman Choose to Challenge. Tabatin algo pa tur hende durante e seminario dirigi riba hende muher den aula di Universidad di Aruba awe mainta. Por lo menos, asina e mainta a cuminsa cu e prome (di varios) orador y panelista. Den e raportahe aki, ta enfoca riba e prome dos oradornan. 

  • Van Huffelen a yega Aruba pa un bishita di 24 ora so

    Van Huffelen a yega Aruba pa un bishita di 24 ora so

    ORANJESTAD – Dialuna anochi riba buelo di KLM, secretario di estado Hulandes Alexandra van Huffelen a yega Aruba pa un bishita di 24 ora y a cuminsa mesora cu un serie di encuentro. E biaha aki su bishita ta den cuadro di conoce cierto gruponan local pa e sinti loke ta biba na Aruba. E lo tin un combersacion di un ora cu prome minister Wever Croes, pero esaki no ta un bishita cu lo trata temanan politico necesariamente, cu excepcion di e tema recorte salarial. E lo ta orador principal durante un seminario riba hende muher diamars mainta. Diamars anochi mes e mandatario ta biaha pa Corsou,unda cu e lo keda te diahuebs pa despues e sigui pa St Maarten. 

  • Wever: Parlamento awor a keda pa dicidi si nan tambe ta mantene recorte salarial

    Wever: Parlamento awor a keda pa dicidi si nan tambe ta mantene recorte salarial

    ORANJESTAD - Na e momentonan aki Parlamento ta den deliberacion pa tuma un decision acerca di e condicionnan impone pa Hulanda pa por paga e 12.6% bek. Asina premier Wever Croes a bisa dialuna atardi despues di a reuni cu Parlamento riba e tema. Prome Minister Evelyn Wever - Croes reuni cu Parlamento pa trata e recorte di salario di empleadonan publico y semi-publico cu pronto lo stop. 

  • Wever-Croes na sindicatonan: Si no ta kere ami, kere Hulanda!

    Wever-Croes na sindicatonan: Si no ta kere ami, kere Hulanda!

    ORANJESTAD – Prome minister Evelyn Wever Croes a manda mensahe na sindicatonan cu si nan no kere gobierno riba e anuncionan haci siman pasa cu entrante juli lo cuminsa paga 5% bek riba salario y na januari 2023 lo elimina recorte di 12.6%, kere Hulanda cu a saca un comunicado riba e tema diabierna mainta. no ta compronde e motibo di e marcha di protesta diamars awor. E mandatario a bisa dialuna mainta durante conferencia di prensa cu e tin mucho poco informacion pa e duna un informacion concreto riba e marcha. E la sigura cu e la purba informa su mes den fin di siman aki riba e declaracionan sindical haci. Asina mes e ta respeta e derecho di manifesta, y a mustra cu no a haya invitacion pa haya un manifiesto. Ademas e la sigura cu e no a haci declaracion pasobra sindicatonan a reacciona, sino mas bien e informacionan a ‘coincidi’, ya cu e mandatario no tabata na altura mes cu e mesun momento tabatin un conferencia di prensa di e sindicato diabierna mainta. 

  • Wever-Croes: No ta spera nada concreto durante bishita di Van Huffelen diamars

    Wever-Croes: No ta spera nada concreto durante bishita di Van Huffelen diamars

    ORANJESTAD – Prome minister Evelyn Wever Croes no ta spera cu algo ‘concreto’ lo sali di e bishita cortico di un dia di secretario di estado Hulandes Alexandra van Huffelen diamars awor. E mandatario Hulandes lo ta di bishita pa apenas un dia na Aruba e siman aki, durante cual e ta parti di un seminario y despues lo tin un combersacion di ‘apenas’ un ora cu prome minister Wever Croes. Asina e mandatario a bisa dialuna mainta durante un conferencia di prensa ora cu un periodista a puntra e mandatario si ta spera algo concreto sali for di e bishita cortico aki. Asina mes, lo sigui trata e tema di recorte salarial, adelantando e decision di diaranson awor den Conseho di Minister di Reino cu tin cu dicidi finalmente riba e recorte di 12.6%. 

  • Powered by SETAR