Oduber: Ta desmenti cu no ta paga ambtenaarnan no vacuna contra Covid19 si nan bay den cuarenta

Oduber: Ta desmenti cu no ta paga ambtenaarnan no vacuna contra Covid19 si nan bay den cuarenta

Posted on 01/14/2022 3:18 pm AST | Updated on 01/14/2022 3:20 pm AST

ORANJESTAD – “Ningun momento no ta pagando ambtenaar si nan bay den cuarenta y no a vacuna”. Asina minister di salud Dangui Oduber a reacciona riba e noticia cu a circula den cierto medio, y cu a bay asina leu cu gobernantenan Hulandes a haci pregunta riba e tema aki. E tema di e articulo en cuestion a bira conoci ora cu parlamentario Marisol Lopez Tromp a cuestiona e hecho aki, refiriendo na un memo cu lo ta bisa cu no ta paga ambtenaarnan si nan tin cu bay den cuarentena pero no ta vacuna. Gobierno di Aruba (lesa: Minister Dangui Oduber) a reacciona y purba coregi contenido di e articulo. “E articulo y su cabez ta incorecto y no ta basa riba hechos” e mandatario ta cuminsa na bisa. Segun e mandatario, e ta un ehempel evidente pa troce informacion cu metanan di crea sensacion.  

KICO TA E CASO

E mandatario a splica cu e articulo ta referi na un memo interno cu a wordo publica prome cu Omicron a yega Aruba y cual contenido no ta ni valido mes mas. Ademas, a palabra e contenido di e memo e tempo ey cu Direccion di Recurso Humano. “Ningun momento a pone cu lo no tin pago di salario durante periodo di cuarentena na un ambtenaar cu no a vacuna” e memo ta bisa. Loke e ta bisa si, ta cu mester tuma dianan di vacantie of ATV of timeback pa cubri e periodo aki cu pago. Esaki pasobra e dianan ey si ta cubri cu pago. Pues manera cu gobierno ta interprete, ta cu si un persona no ta vacuna, pero tuma su dianan liber cu e tin acumula, eseynan lo cubri su salario tanten. Pero cu si e no tuma esey, e ora e lo no ta cubri pa pago. 

INTERPRETACION

Por compronde cu esaki tabata porta un interpretacion incorecto cu trahadonan a duna e contenido di e memo. Por compronde cu si e persona en cuestion, no tin time back of ATV of dia di vacantie mas, e ora si e ta perde esaki den pago si e mester bay den cuarentena si e no ta vacuna. Mes momento e maneho ta cu ora cu test positivo, y ban den isolacion, e ambtenaar ta wordo registra como AO y pues e ta wordo paga, aunke cu e no ta vacuna. Mester bisa acerca cu ora cu Omicron a haci su entrada, a cancela e medida aki, y implementa otro medida pues e memo aki no ta ni valido mas. 

 

  • Arends: Otro luna Corte ta dicidi si Serlimar ta keda na bida

    Arends: Otro luna Corte ta dicidi si Serlimar ta keda na bida

    ORANJESTAD – Otro luna Corte ta dicidi si e compania Serlimar ta keda na bida. E mandatario responsabel pa e compania aki, Ursell Arends a recorda cu den principio di februari, Corte lo mester dicidi si ta extende e periodo di surseance van betaling. Esaki ta un decision cardinal y e decision di juez lo determina destino di e compania nacional aki.

  • Wever: No tin ‘deal’ ainda cu Hulanda riba puntonan di impasse

    Wever: No tin ‘deal’ ainda cu Hulanda riba puntonan di impasse

    ORANJESTAD – Contrario na raportahe di e matutino di Corsou Antiliaans Dagblad di dialuna, ainda no tin acuerdo definitivo entre Hulanda y Aruba riba e prolongacion di e protocol di supervision financiero. “Nos ta na mesa den negosacion cu Hulanda. E ta bayendo bon” e prome mandatario di Aruba a bisa noticiacla dialuna mainta. Pero e la sigura cu cos no ta manera ta wordo bisa.:” Nos no ta full cla ainda. Asina cu nos ta cla, mi ta laga sa”, e mandatario a sigui bisa. E matutino Hulandes awe mainta a papia sinembargo cu lo tin un acuerdo di prolongacion di 2 aña di e protocol, cu ta nifica segun e corant, continuacion awor di e nota di cambio di e Rijkswet di COHO. Esaki no un 'done-deal' manera e corant ta bisa, e mandatario a mustra e portal aki. 

  • Gobierno di Corsou a haya ayudo di Aruba pa cu maneho di Covid19

    Gobierno di Corsou a haya ayudo di Aruba pa cu maneho di Covid19

    ORANJESTAD - Awe mainta minister president Wever Croes y minister Dangui Oduber a topa cu minister president di Corsou Gilmar Pisas y minister di asuntonan social sra Larmonie di. Sr Pisas tawata tin hopi interes den e exit strategy di Aruba y como tal Aruba a comparti esaki cu nan awe pa por sali for di e pandemia.  A considera e un reunion uno hopi ameno. Corsou te cu diahuebs tabatin 11.773 caso activo y 422 caso nobo y 54 persona hospitalisa. 

  • Gobierno por anuncia cambio di medida contra Covid19 awe merdia

    Gobierno por anuncia cambio di medida contra Covid19 awe merdia

    ORANJESTAD – Den cuadro di e loke cu a keda informa den comienso di siman riba e asina yama 'exit strategy' pa cu medida di Covid19, noticiacla a compronde cu awe merdia gobierno y Crisis Team tin intencion di anuncia cierto cambionan den maneho di Covid19 y lo ta den forma di suavisacion di medida. E intencion segun e portal aki a compronde, ta cu ta trahando na caminda pa kita tur medida, y reemplasa esaki cu un maneho nobo diario cu nos tin cu biba cu ne. Asina e mandatario di salud Dangui Oduber a splica noticiacla. No tin fecha exacto pa kita tur medida, pero e intencion ta pa poco poco bay kitando esaki. Pa esaki lo tene 7 factor na cuenta pa yega eynan. 

  • Prome Minister Wever a reuni atrobe cu colega Secretario di Estado van Huffelen

    Prome Minister Wever a reuni atrobe cu colega Secretario di Estado van Huffelen

    ORANJESTAD/DEN HAAG -  Minister Presidente di Aruba Evelyn Wever y Secretario di Estado di Hulanda señora Alexandra van Huffelen a reuni virtualmente atrobe diahuebs mainta. E reunion tabata parti di continuacion di e conocemento di e mandatario Hulandes cu tur tres prome minister di e islanan Aruba, St Maarten y Corsou.  Prome Minister Wever-Croes a desea Secretario di Estado Sra. Van Huffelen, tur exito cu su funcion nobo y a bisa di tin tur confiansa cu lo sigui den bon colabracion cu e Secretario di Estado. Durante e reunion a trata diferente tema actual y punto di precupacion di Pais Aruba. 

  • Oduber: Omicron mas contagioso pero estadia den hospital ta mas cortico

    Oduber: Omicron mas contagioso pero estadia den hospital ta mas cortico

    ORANJESTAD – Recientemente Minister di Salud Publico Sr. Dangui Oduber a comparti algun datos cu e la ricibi di Hospital. Manera ta conoci dia 20 di december ultimo Gobierno di Aruba a anuncia cu a detecta e variante nobo di COVID-19 na Aruba, esta e variante di Omicron. Despues di casi 1 luna cu ta colectando datos di e variante aki, awor tin mas conocimento, mas informacion, mas data riba e desaroyo y comportacion di e variante aki. Minister Oduber a menciona cu mescos cu na varios otro pais na mundo, e variante di Omicron ta duna tur indicacion di ta hopi mas contagioso pero menos peligroso.

  • Powered by SETAR