Minister di Australia a revoca visa di tenista number uno di mundo

Minister di Australia a revoca visa di tenista number uno di mundo

Posted on 01/14/2022 11:28 am AST | Updated on 01/14/2022 11:31 am AST

MELBOURNE – Minister Australiano di imigracion Alex Hawke a revoca e visa di e tenista number uno di mundo Novak Djokovic., Esaki kier men cu e tenista mester bandona e pais pronto, sino por participa y defende su titulo na e toreno di tennis Habri di e pais cu ta inicia dialuna awor. E tenista a apela e decision ey. E minister ta sigura cu a tuma e decision den bienestar di e comunidad Australiano. A invita e tenista pa un combersacion diasabra awor, y te ora e y e por keda den e lugar cu e ta, y no den e hotel obliga di Melbourne unda cu e mester a keda ora cu a prohibie entrada. Despues di e combersacion ey, lo detene Djokovic. Pero tanten Corte no dicidi, e tenista mester keda Australia. Ta premira cu e huez ta dicidi mas tarda diadomingo mainta ora di Hulanda. 

 

 

  • Homber ta tira varios studiante den universidad Aleman

    Homber ta tira varios studiante den universidad Aleman

    HEIDELBERG – Un homber arma a tira varios studiante   na un Universidad Aleman dialuna merdia, den e ciudad di Heidelberg. Lo tin 4 studiante herida. E homber mes a tira su mes mata despues segun polis a raporta. No ta conoci kico e motibo di e tiramento tabata.  

  • OTAN a manda refuerso militar este di Europa debi na menasa military Ruso

    OTAN a manda refuerso militar este di Europa debi na menasa military Ruso

    BRUSELAS – E organisacion OTAN (Organizacion di Tratado di Atlantico Norte) ta manda mas avion di guera y bapor pa Este di Europa. Esaki ta pa fortifica e trupanan caba staciona den e parti di laman Baltico di Lituania. E motibo ta e menasa military Ruso na frontera cu Ucrania. Moscu a manda mas di 100 mil militar na e frontera. “OTAN lo sigui tuma tur medida necesario pa proteha  aliadonan y defende nan” e hefe di OTAM Jense Stoltenberg a bisa. Rusia, como reaccion a tilde OTAN di crea tension cu Ucraina. E fortificacion di arma segunRusia ta bay liña recta contra e exigencianan cu Rusia a pone riba mesa pa OTAN, cu ta reduccion di presencia military na Este di Europa. 

  • Conocido cantante y actor Meat Loaf a fayece diabierna

    Conocido cantante y actor Meat Loaf a fayece diabierna

    CALIFORNIA – E cantante y actor Mericano conoci artisticamente como Meat Loaf a fayece na edad di 74 aña diabierna. Su strea a luci na 1977 cu su prome album Bat out of Hell, y a sigui un racha di exito grandi den añanan 70, 80 y 90 pero na tur, a genera exitonan mas di 6 decada na tur. E motibo oficial di su morto no ta conoci pero a compronde cu esaki tabata pa motibo di Covid19.  

  • Principe Andrew di Inglatera ta perde titulonan Real debi na caso civil di abuso sexual

    Principe Andrew di Inglatera ta perde titulonan Real debi na caso civil di abuso sexual

    LONDON – E titulonan di Duke y otro titulonan military y real a wordo kita di Principe Britanico Andrew. Asina Palacio Buckingham a anuncia diahuebs. Cu esaki Principe Andrew lo stop di usa e titulo di Su Altesa Real prome cu su nomber. E titulo di Duke, lo wordo dun ana otro miembronan di famia Real. E motibo di e cambio ta e hecho cu e principe ta confronta un caso civil na Merca di abuso sexual ora cu e victima tabatin 17 aña. Algo cu e la nenga semper. Un huez a dicta diaranson cu e caso presenta pa e victima, lo continua, despues cu e principe a haci intento pa para esaki. 

  • Practicamente henter Europa ta color cora scur, debi na contagio di Covid19

    Practicamente henter Europa ta color cora scur, debi na contagio di Covid19

    BRUSELAS – E cantidad di contagio na Europa ta aumentando asina hopi, cu practicamente henter Union Europeo ta color cora scur, cu ta e nivel mas halto di alarma. Solamente Romenia y e parti mas grandi di Polonia y Hungria ta riba e color cora regular. E carchi a keda publica diahuebs pa e departamento di salud Europeo ECDC. E carchi ta basa riba e cantidad di contagio di ultimo dos siman. E region mas afecta ta esun Spaño Navarfra, unda cu ultimo dos siman a haya 48 mil hende positivo. Esaki ta 7403 caso riba 100 mil hende.  

  • Yiu di imigrantenan Arubiano na New York ta bira vice presidente di condado di Brooklyn

    Yiu di imigrantenan Arubiano na New York ta bira vice presidente di condado di Brooklyn

    NEW YORK – Yiu di imigrantenan di Aruba biba na New York a keda apunta pa bira e vice presidente di e condado di Brooklyn na New York. Ta trata di miembro di asamblea Diana Richardson, cu a nace na Brooklyn, pero ken su mayornan ta Arubianonan cu a muda pa Merca.  Den su trabou nobo, Richardson lo ta enfoca pa atende cu asunto di inseguridad di cuminda, reduci violencia di arma y sostene e directivanan di comunidadnan di Brooklyn. Sigur un logro pa un famia di Aruba. 

  • Powered by SETAR