Lionel Messi ta gana su di 7 ‘Ballon d’Or osea Bala di Oro

Lionel Messi ta gana su di 7 ‘Ballon d’Or osea Bala di Oro

Posted on 11/29/2021 5:04 pm AST | Updated on 11/29/2021 5:04 pm AST

PARIS – E futbolita professional Lionel Messi a gana su di 7 Bala di Oro, un di e premionan futbolistico mas cotidia internacionalmente, y otorga pa e revista Frances France Football. Temporada pasa Messi a bira topscorer di e competencia Spaño cu 30 goal, pero zomer pasa pa prome biaha e la gana su prome premio cu Argentina ora cu esaki a gana e Copa America. E di dos tabata Robert Lewandowski (Bayern München) y number tres  Jorginho (Chelsea). Aña pasa e premio, e Ballon d'Or no a keda otorga debi na e pandemia.  

  • Prospecto Alexander Albertus “El Tiburón” a firma cu Los Angeles Dodgers

    Prospecto Alexander Albertus “El Tiburón” a firma cu Los Angeles Dodgers

    ORANJESTAD - Diasabra cu a pasa na oficina di Notaris Rodriquez-Taekema a tuma lugar e firmamento di e hoben shortstop Arubiano Alexander Albertus “El Tiburón” kende oficialmente a bira parti di e famia di e organisacion di Los Angeles Dodgers. Den presencia di su mayornan, rumannan, y amigonan Alexander a firma tur e papel necesario hunto e scout Mericano Matthew Doppelt kende ta na Aruba como representante di e organisacion di Los Angeles Dodgers na lugar di scout Lando Chirino kende pa motibo personal no por tey presente awe na Aruba. Tambe ta bon pa remarca cu Alexander a forma parti di Josue Herrera Baseball Academy na Republica Dominicana y Ceo 58 baseball & sports development di Sr. Conrad Orman, Brian Larmonie hunto cu BMC Facility. Den pasado Alexander Albertus a hunga y forma parti di e organisacion di WhiteShark, NBO Heat di Sr. Conrad Efrem Orman aki na Aruba.

  • Prospecto Daniel Benschop a firma oficialmente cu e organisacion di Chicago Cubs

    Prospecto Daniel Benschop a firma oficialmente cu e organisacion di Chicago Cubs

    ORANJESTAD - Awemerdia na Papiamento Restaurant a tuma lugar e firmamento di e prospecto Arubiano Daniel Benschop kende a firma oficialmente y lo forma parti di e famia di e organisacion Chicago Cubs. Den presencia di su mayornan, ruman, famia y amigonan y su agente Henry Martinez  Daniel a firma tur e papel necesario hunto Gian Guzman Director of DR Scout & International Crosschecker y Kenny Socorro Coordinator International Scouting kende ta representante di Chicago Cubs. Ta bon pa remarca cu Daniel Benschop ta bira e prome prospecto Arubiano cu ta wordo firma pa organisacionndi Chicago Cubs. Tambe Daniel a forma parti di Henry Martinez Academy na Republica Dominicana bou guia di e agente Henry Martinez. Tambe den pasado Daniel a hunga y forma parti di e organisacion di Stars Baseball Aruba.

  • Posibel apertura pa para ‘lockout’ den baseball grandes ligas di Merca

    Posibel apertura pa para ‘lockout’ den baseball grandes ligas di Merca

    WASHINGTON – Despues cu for di 2 di December aña pasa, tin un paro den mundo di baseball Mericano, tin indicacion cu lo tin un apertura diahuebs awor entre MLB y e hungadornan. Te cu awor, partidonan no ta papiando cu otro, ningun hende no sa kico ta bay pasa cu e temporada e aña aki, y si e springbreak lo cuminsa segun schedule. Por considera e situacion manera un strike, unda cu nada ta pasando, poniendo e temporada na peliger. Esaki ta conta tambe pa hungadornan di nos manera Xander Bogaerts, Ozzie Albies y Kenly Jansen. 

  • Corte ta dicta na fabor di tenista Djokovic y e por hunga den torneo habri di Australia

    Corte ta dicta na fabor di tenista Djokovic y e por hunga den torneo habri di Australia

    MELBOURNE – Un huez cu a atende e caso cu e tenista internacional y number 1 di mundo Novak Djokovic a entama, a dicta na fabor di e tenista, revocando e decision di kita visa pa e tenista drenta Australia pa defende su titulo otro siman den e torneo di tennis esta e Australian Open. E tenista tabata ‘cera’ den un hotel na e pais pendiente e caso y decision. Cu e sentencia, e huez a revoca e ‘detencion’ aki tambe, aunke no a mira e tenista mas.  

  • Entrenador di Aruba ta bira entrenador di seleccion nacional di fubol di Surnam

    Entrenador di Aruba ta bira entrenador di seleccion nacional di fubol di Surnam

    PARAMARIBO – Surnam a anuncia oficialmente cu e actual entrenador di e seleccion di futbol di Aruba, ex keeper di Ajaz Stanley Menzo a bira e proximo entrenador pa e seleccion di Surnam. Menzo (58) ta reemplaza  Dean Gorré, cu zomer pasa a stop. Menzo, prome cu e la traha pa Aruba, tabata entrenador na Hulanda pa ekiponan manera  AGOVV, FC Volendam y SC Cambuur. Despues e la bira entrenador cerca e.o.  Lierse SK y Ajax Cape Town di Sur Africa. Surnam no a logra clasifica pa e mundial di futbol di e aña aki bou di Gorré. E partido decisivo a wordo perdi cu score di 4-0 contra Canada. 

  • Bista Grafico di e Ceremonia di Clausura di e Weganan di Cali2021

    Bista Grafico di e Ceremonia di Clausura di e Weganan di Cali2021

    CALI - E Weganan di Cali2021 a termina diadomingo anochi cu un bunita ceremonia di clausura. Noticiacla ta presenta un bista Grafico di e Ceremonia di Clausura di e Weganan di Cali2021, cortesia di Comitee Olimpico di Aruba (COA). 

  • Powered by SETAR