- Sarah Quita ta sigui prepara pa su competencianan internacional
- Corte Spaño a dicta atrobe cu mester extradita Hugo Carvajal pa Merca
- Edificio di ex Aduana na Playa ta bira proyecto di Vivienda
- Gobierno a firma MOU pa e edificio nobo pa Aduana
- Aruba a registra total di 19 caso positivo nobo di Covid19 awe
Un William Shatner emocional a gracidi Jeff Bezos pa su minutnan den espacio
TEXAS – Un William Shatner (90) emocional, diaranson mainta a gradici Jeff Bezos pa e oportunidad di por a bay den espacio un rato den e cohete BlueOrigin. “Mi ta spera cu mi no ta perde e sentimento aki nunca” Shatner a bisa, brasando e biyonario doño di e compania cu a manda Shatner den espacio pa algun minuut. “Masha danki” e ex actor di e serie popular Star Trek a bisa finalmente.
Corte Spaño a dicta atrobe cu mester extradita Hugo Carvajal pa Merca
MADRID – Corte Spaño diaranson a dicta atrobe cu mester extradite e ex spion Venezolano Hugo Carvajal pa Merca. Asina e portal Britanico BBC ta raporta. Atrobe, pasobra den pasado caba a dicta (2019) pa e wordo extradita, pero despues a cambia di pensamento. E ta wordo busca na Merca pa cargo di traficacion di droga y colaboracion cu e grupo terorista Colombiano Farc. Segun e portal, por ta tambe cu Carvajal por tin informacion importante incriminatorio contra presidente Venezolano Nicolas Maduro. Na 2019 Carvajal a kibra relacion cu Maduro y a huy pa Spaña. E veredicto di awe ta sigui e decision di gobierno Spaño pa no otorga sr Carvajal asilo politico.
Homber cu a tira 17 hende mata na un scol na Florida na 2018 a admiti culpabilidad
PARKLAND – E homber Nicolaz Cruz (21) awe mainta a admiti culpabilidad pa a tira 17 persona mata riba tereno di Marjory Stoneman Douglas High School na Parkland, Florida dia 14 di februari 2018. E ta algo inusual cu ta sosode, ora cu un persona admiti culpabildad na inicio di e caso. Esey ta pone e ora cu e caso no tin cu tuma lugar mas y ta djis pasa pa sentencia e persona. Huez Elizabeth Scherer repetidamente a puntra e homber y cada bez e tabata contesta cu e ta admiti. Su admission por resulta den castigo di prison di bida largo. Esaki ta considera e caso di tiroteo masivo mas serio na Merca, mas cu esun di Columbine High School unda cu 15 persona a resulta morto na 1999.
Saudi Arabia ta converti plataforma petrolero den atraccion turistico
RIYADH – Saudi Arabia tin plan pa converti un Plataforma petrolero den un parke extremo aquatic grandi. Ta trata di un Plataforma di 150 mil meter cuadra cu lo inclui 3 hotel, 11 restaurant y multiple actividad acuatico manera montaña ruso actuatico, bungee jumping y mucho mas. No ta conoci ki tempo e proyecto lo ta completa, pero e lo ta staciona dilanti Saudi Arabia.
A.T.A. a promove Aruba na Reino Uni durante evento di CTO
LONDON - Despues di 18 luna, durante cual e protocolnan relaciona na e lucha contra COVID-19 a haci dificil y hasta imposibel pa organisa eventonan “face to face”, e division di Caribbean Tourism Organization pa Europa y Reino Uni (CTO Chapter UK & Europe) tabata anfitrion di nan prome evento presencial riba dia 23 di september ultimo na Leonardo Hotel London City.
Ex secretario di estado Mericano Colin Powell a fayece di Covid19
WASHINGTON – Ex secretario di estado Mericano Colin Powell (84) a fayece a consecuencia di complicacion di Covid19 dialuna mainta. E tabata un top oficial military cu a bira e prome secretario di estado pa bira secretario di estado di color, bou di presidente George W. Bush na 2001. Powell tabata completamente vacuna segun su famia.
Un homber a hinca un Parlamentario Britanico mata diabierna
LONDON – Un parlamentario Britanico David Amess (69) a fayece diabierna despues di a keda hinca varios biaha durante un bishita di trabou na Essex. Polis a bisa cu un homber di 25 aña a keda deteni, riba sospecho di a comete e asesinato. E parlamentario tabata atende cu su hendenan ora cu e la keda asesina. E tabata parlamentario for di 1983 y ta laga 5 yiu atras.
Follow NoticiaCla
