Na Corsou, homber sinta den su vehiculo a keda sefta ku bala

Na Corsou, homber sinta den su vehiculo a keda sefta ku bala

Posted on 10/13/2021 10:32 am AST | Updated on 10/13/2021 10:32 am AST

WILLEMSTAD - Ayera mainta Kòrsou a registrá otro kaso di asesinato. Di seis pa aña 2021. E homber ku tabata sinta den su vehíkulo a keda sefta ku bala.Ayera mainta alrededor di dies pa dies, Sentral di Polis a haña informashon di un habitante ku e la tende zonido i dalmentu di porta di outo den e área di Tera Kòrá i a nota ku tin un vehíkulo para mei mei di kaminda. Mesora a dirigí unidat polisial na e sitio, kaminda nan a haña un SUV ku un persona di sekso maskulino aden i e tabatin herida di bala prinsipalmente na e parti ariba di su kurpa. Na e momentu ei, ainda e vehíkulo tabata sende.

Personal di ambulans ku a presentá na e sitio no por a hasi nada mas pa e víktima i alrededor di binti pa diesdos, dòkter di polis a konstatá morto di e hòmber Ramon E. Melendez Requena, nasé na Kòrsou, 21 yanüari 1992. Riba òrdu di fiskal di Ministerio Públiko a konfiská e kurpa sin bida. Investigashon den e kaso aki ta kontinuá. E vehíkulo tambe a keda konfiská i transportá pa warda di polis pendiente mas investigashon.

Djis despues di e asesinato ya informashonnan a kuminsá sirkulá di posibel problema ku e víktima lo tabatin. Tin papia di problema ku latinonan i ku por ta trata di reglamentu di kuenta. Na e sitio kaminda e asesinato a tuma lugá, ta alegá di bista públiko. Ta solamente si un hende tin algu di hasi eibanda, ta drenta e kaya ei. E asesinato a tuma lugá den un kaya sin nòmber ku tabata ser usa ántes ora tabata drecha e kaminda prinsipal di Bándabou. E kaminda aki ta keda kantu di esun prinsipal, na altura di Tera Kòrá. E hanchi ta hopi sera pa palu i na un distansia basta alegá a likidá e hòmber. NOTA: E articulo ta scirbi den Papiamento fonetico di Corsou.

  • Huespednan a keda herida despues cu glas di piscina na hotel Sandals na Corsou a rementa

    Huespednan a keda herida despues cu glas di piscina na hotel Sandals na Corsou a rementa

    WILLEMSTAD – Glas di e pisina infinito na e hotel nobo na Corsou Sandals a rementa ora cu un grupo di huesped tabata den dje, lagando varios di nan herida. Gerencia di e hotel despues a confirma cu ‘e piscina infinito a experencia un problema cu un di e panelnan di glas pa cual mester a cera e area obligatoriamente”. E informacion di polis ta papia di 8 huesped, mientras cu e gerencia ta papia di ‘ un grupo chikito di huesped’ a haya sosten mesora y atencion medico pa heridanan minimo’. Sinembargo polis ta raporta cu por lo menos 4 a wordo transporta cu ambulance pa hospital pa tratamento y observacion.  E gerencia a sigura cu e hotel ta sigui habri y cu ta reparando e piscina en cuestion y cu por usa otro piscinanan di e facilidad. Mester bisa cu e noticia a plama hopi lihe y te hasta prome minister di e isla, Pik Pisas a presenta personalmente pa atende cu e situacion. E forma con e incidente a sosode, a crea un impacto, bisando cu ta e glas a rementa, heridando multiple turista. Tin informacion cu e piscina tabatin mucho hende den dje, pa cual e incidente lo a tuma lugar. 

  • Na Corsou hoben di 16 aña ta perde bida den accidente di trafico

    Na Corsou hoben di 16 aña ta perde bida den accidente di trafico

    WILLEMSTAD - Awe mainta alrededor di 06.19’or, Sentral di Polis a risibí informashon di un aksidente bastante grave ku a tuma lugá riba Weg naar Westpunt na altura di Krakeel.Na yegada di e promé unidat, el a bin topa ku e vehíkulo ku a aksidentá kontra di un kantor di number.

  • Na Corsou a haña turista perdi den estado avansa di descomposicion

    Na Corsou a haña turista perdi den estado avansa di descomposicion

    WILLEMSTAD - Despues di 5 dia intenso, outoridatnan a kulminá búskeda di hòmber turista ku tabata pèrdí. Ta trata di un ulandes di fakansi pa un siman ku su famia na Kòrsou. E persona aki tin komo kustumber mainta e ta Sali keiru ku un di e yunan den área di Jeremí. Djamars mainta el a bai pero sin e yu. Ora a pasa i e no a regresá, e famia a bati alarma na polis.

  • Oficina di turismo di Corsou tin un director nobo

    Oficina di turismo di Corsou tin un director nobo

    WILLEMSTAD   – Resientemente Hunta di Supervishon di Curaçao Tourism Development Foundation (CTDF) a enkaminá un proseso pa selekshoná un Counterpart Statutair Directeur pa Ofisina di Turismo di Kòrsou (CTB). For di e proseso aki sr. Muryad de Bruin a keda selektá komo e kandidato pa okupá e funshon aki entrante 1 di yüli 2022. 

  • Conocido autor di e buki ‘Nancho van Bonaire’, Diana Lebacs a fayece

    Conocido autor di e buki ‘Nancho van Bonaire’, Diana Lebacs a fayece

    WILLEMSTAD – E conocido autor, actor y educador di Corsou Diana Lebacs (74), popular pa entre otro e buki ‘Nancho van Bonaire’ a fayece dialuna despues di un tempo cortico di malesa. E tabata hopi conoci pa literatura pa mucha den añanan 70 manera e buki menciona di Nancho cu a Sali na 1975. Na 1976 e la ricibi e premio Silver Stylus, un di e premionan mas halto di Hulanda pa literature hubenil pa e buki ey. Na 2003 e la ricibi e premio inaugural Prins Bernhard Cultuurfonds Caribisch Gebied (PBCCG Cultuurprijs, Prince Bernhard Caribbean Cultural Fund Prize) pa e buki   Caimin's geheim y na 2007 a keda condecora como Ridder in de orde van Oranje Nassau. E tabata casa cu Pacheco Domacasse cu a fayece na maart di e aña aki y ta laga 2 yiu atras. Noticiacla ta manda palabra di condolencia na famia di Diana. 

  • Autoridad a detene Hulandes na Corsou pa asesinato di Peter R. de Vries

    Autoridad a detene Hulandes na Corsou pa asesinato di Peter R. de Vries

    WILLEMSTAD – Autoridad na Corsou a detene un Hulandes di 27 aña pa su envolvimento na e asesinato di e periodista Hulandes Peter R. de Vries aña pasa. Ademas a detene un otro Hulandes pero na Spaña. Ambos persona lo wordo extradita proximamente pa Hulanda. Ambos persona lo tabata de e caya unda cu de Vries a wordo tira mata. Ambos a filma e asesinato y reparti e video, segun e portal Hulandes Het Parool. Segun e portal, tin sospecho cu a filma e asesinato intencionalmente, cu e intencion pa sensasionalisa e caso mas ainda.  

  • Powered by SETAR