Cas di popular columnista a bira blanco di atake cu bala di kelki

Posted on 09/14/2021 6:31 pm AST | Updated on 09/14/2021 6:38 pm AST

ORANJESTAD – Den fin di siman y despues awe atrobe, popular columnista Rona Coster Cahan tabata victima di un tipo di ‘atentado’, unda cu sea un persona of personanan desconoci a tira cu bala di kelki riba su cas y auto y causa destruccion. “Mi no kier pensa cu e ta un atentado” Coster a bisa Noticiacla diamars. E la confirma cu e prome ‘atake’ tabata diadomingo mainta, riba su auto y otro area, y awe diamars, a tira atrobe pero e biaha aki riba su bentana di oficina. E no a penetra pasobra e tabatin ‘safety glass’, cu a proteha esaki. Diabierna tabatin e prome atake, pero e biaha ey e tabata riba cas di su bisiña. Pero mirando cu diadomingo y awe tabata riba dje specificamente, ta mustra cu e mes ta e blanco di e atakenan aki.  

REPRESAYA

Coster no kier pensa cu e por ta represaya contra contenido di su columna popular Bati Bleki, y cu hendenan na Aruba awor a ban den e direccion aki. “Mi no kier pensa esey” Coster a sigui bisa. E la mustra cu e atencion cu el a haya di autoridad, tabata hopi. Esaki ta obvio mirando cu ta trata di un persona conoci y popular y esaki ta pone cu posiblemente e ta haya e extra atencion aki. “E no mester ta asina. Tur hende mester haya mesun atencion asina” Coster a sigui bisa. “Hasta minister (Andin Bikker) a yama y a ofrece ayudo” Coster a bisa. Polis a bin y a haci nan trabou y ta considera e loke a sosode como serio y a priminti di lo tin extra vigilancia e dianan cu ta bin. Coster mes a bisa cu ta analisando imagen di video, pa wak kico por saca afo. 

BATI BLEKI

E columna di Coster ta conoci pa masha hopi aña caba, cu a cuminsa den prensa local manera Diario y awendia e ta riba su propio portal Bati Bleki, unda cu Rona no ta sconde su comentario riba e dia cotidiario di nos isla. Y e no ta sconde su frustracion of palabra fuerte ora cu esaki ta necesario y esey ta pone cu na Aruba e por haya contrincantenan cu no ta di acuerdo cu su forma di skibi. Amigonan ta sugeri cu den e caso aki, posiblemente ta represaya pa e forma con Coster a bin ta skibi riba e problema di autonan UTV y ATV cu ta causa destruccion na nos naturalesa. Pero Coster mes no por confirma esey. 

  • Update: Hoben cu a cay di 3 piso na Paseo Herencia a fayece

    Update: Hoben cu a cay di 3 piso na Paseo Herencia a fayece

    PALM BEACH – E hoben cu a cay for di 3 piso na e centro comercial Paseo Herencia diadomingo atardi laat, a fayece diadomingo anochi laat, a consecuencia di su heridanan. Vocero suplente di polis Liliana Rasmijn a confirma  cu pa 10:40pm diadomingo anochi, docter a constata morto di e hoben L. A. Figueroa Flores naci na Venezuela di 20 aña di edad. E caso ta sigui bou investigacion.

  • Situacion di hoben cu a cay di tres piso di Paseo Herencia ta critico

    Situacion di hoben cu a cay di tres piso di Paseo Herencia ta critico

    PALM BEACH – E situacion di e hoben cu a cay diadomingo anochi pa mas o menos 7or di anochi for di e di tres piso di Paseo Herencia Shopping Mall, ta hopi critico. Asina vocero di polis Liliana Rasmijn a bisa prensa diadomingo anochi. Ta trata di un caso unda cu for di informacion compila,un hoben( masculino) di 20 aña a cay di e di 3 piso na Paseo Herencia. No ta conoci exactamente unda precies e hoben aki a cay. Pero ta for di e area di garashi di parkeer, a saca e ambulance cu e victima, mirando cu tabata mas cerca. Polis a cera e area pa por a haci e investigacion. E hoben ta den ICU y su situacion ta hopi critico.

  • Despues di persecusion, polis a gara ladron di waverunner te na Zeewijk

    Despues di persecusion, polis a gara ladron di waverunner te na Zeewijk

    ZEEWIJK - Despues di un persecucion di casi 4 ora riba laman, polis a logra pone man riba e homber conoci como 'Mathilda' cu a joyride un waverunner mas trempan. Durante casi 4 ora e persona a sa di burla di autoridad cu a usa boto y helicopter pa gar'e pero sin exito. E persecusion a hiba polis di Surfside, te Barcadera, Palm Beach, pa despues gara e persona riba beach na Zeewijk. 

  • Tjon: Lo habri solicitud atrobe pa un Alto Comisario di polis nobo

    Tjon: Lo habri solicitud atrobe pa un Alto Comisario di polis nobo

    ORANJESTAD – Gobierno (lesa: Cuerpo Policial di Aruba) ta bay habri solicitud bek pa un Alto Comisario di polis nobo. Asina minister nobo di husticia Rocco Tjon a bisa e periodista Tito Laclé durante e programa Noticiacla LIVE e siman aki. “Un di e reunionan cu mi tabatin caba cu DRH, Departamento di recurso Humano, ta pa habri e funcion” refiriendo na e funcion di Alto Comisario. E no ta kere den apunta un management team, y ta pensa cu mester tin un hende na cabez pa dirigi e departamento. 

  • Ciclista a bira malo y fayece durante careda na Calabas

    Ciclista a bira malo y fayece durante careda na Calabas

    CALABAS - Diaranson atardi laat un ciclista a bira malo durante un coremento y fayece. Tabata pa 6.49 cu Central di Polis ta haya un melding cu den e mondinan na Calabas un ciclista lo a bira malo. Na yegada  di patruya a bin constata cu e persona no ta reaccionando. Personal di Ambulans a purba reanima e persona pero envano.  Pa 8.10 Dokter Texier a constata morto di e homber Wilson Ibarra Ortega di 57 aña di edad. Cuerpo Policial ta manda palabranan di condolencia na e famia di e fayecido.

  • Tjon: Kier independisa scol di polis pa e.o. resolve scarsedad di polis

    Tjon: Kier independisa scol di polis pa e.o. resolve scarsedad di polis

    ORANJESTAD – Ta e intencion pa independisa skol di polis na Aruba. Asina minister nobo di husticia Rocco Tjon a bisa e siman aki den e programa popular Noticiacla LIVE na e periodista Tito Laclé. Segun sr Tjon, e hecho cu e no ta independisa, ta strobe su progreso, y cu esaki mester compronde, cu ta limita su capacidad incluyendo capacidad di polis cu por gradua y contribui cu proteccion di nos isla. 

  • Powered by SETAR