E prome sospechoso cu tabata deteni den caso Apollo  ta liber

E prome sospechoso cu tabata deteni den caso Apollo ta liber

Posted on 09/14/2021 5:46 pm AST | Updated on 09/14/2021 5:47 pm AST

ORANJESTAD – Ministerio Publico a dicidi pa stop e detencion di e sospechoso K.J.G.M. awe. G.M. a wordo deteni riba 6 di September ultimo relaciona cu e investigacion di e asesinato di Poentje Castro. OM no ta considera cu ta necesario mas pa G.M. keda deteni. E ta sigui como un sospechoso den e caso.

  • Melony Paesch: No por acepta castigo di 240 ora pasobra e ta inocente

    Melony Paesch: No por acepta castigo di 240 ora pasobra e ta inocente

    ORANJESTAD – Melony Paesch a apela su sentencia pasobra e no por acepta castigo di 240 hora di castigo pa e caso Ibis pasobra e ta inocente. Durante e caso di apelacion Ibis diamars atardi, Hof a duna e sospechoso Melony Paesch e chens pa su ultimo palabra. Aki el a expresa cu e no ta sinti su mes mucho bon. Emocionalmente e la expresa cu e la mira e estatua di dama husticia cu no tabatin confiansa aden. Pero awor e ta sinti hopi rabia y tristeza. Segun Paesch, durante 4 aña y mey e ta sufriendo y ta hacienda anotacionan di tur esaki. E la presenta cu su anotacionan y a bisa cu ta prome biaha cu e ta para den un caso penal. El a bisa cu e ta para pa  defende su nomber pa por sigui como un comerciante hoben. Tambe e ta puntra con leu OM tin cu bay den su bida. Tur esaki door di un informante fantasma cu te dia di awe no ta conoci, a hink’e den e caso aki. E ta bisa cu nunca e no a bringa riba caya of menasa hende. E ta puntra tambe kico ta haci cu e bida di e informante aki ta den peliger y e otro 100 nan no. E ta puntra su mes si realmente e informante aki ta existi. Tambe e ta puntra si ta ok pa OM sconde declaracionan cu no ta cumbini nan. E ta mustra cu e dos personanan importante den e caso no tey. Ta trata di e informante y e empleado di Melony cu a wordo interoga y su declaracion a disparce. Segun Paesch, nan a bay cu e grabacionan cu nan no a usa. A papia di e inval na cas unda cu a drenta nan cas 2 biaha, pone aparato den nan cas y persigui e y su yiunan. Pesey e no ta confia OM y husticia na Aruba. E ta contento si cu a haya chens di expresa su mes. Nan ta acuse di a laba 209 mil florin. E ta splica cu e mester a bringa contra un grupo asina poderoso y den 1 minuut siman pasa, a reduci e suma cuestiona di 209 mil pa 111 mil florin. E ta bisa tambe cu tur cos ta sosode na su momento. Awor el a haya expertonan financiero cu a demonstra cu e no a laba placa. “Ami a apela apesar cu OM no a sigui persigui”. E no por a acepta e castigo di 240 ora di trabou comunitario, pasobra e ta inocente. “Mi ta un trahador duro y apesar di pandemia, mi a logra bin cu un negoshi y hende ta confiami pa busca cos pa nan”. E ta splica con e la bay di cas pa biba den un apartamento chikito pa por sobrevivi. Huez na final di esaki a cera e tratamento di caso y lo dicta sentencia dia 12 di October pa 1’or y mei via video conference. 

  • Abogado Illis: Rapport financiero ta mustra cu Paesch no a laba placa

    Abogado Illis: Rapport financiero ta mustra cu Paesch no a laba placa

    ORANJESTAD – E apelacion den caso penal Ibis cu ta inclui ex minister Paul Croes y su señora a sigui diamars merdia despues cu a pospone esaki algun siman atras. Motibo tabata discrepancia den e parti financiero di e caso y cu mester a investiga un rapport financiero. Awe Hof a mutra cu tin diferente reaccion di recherche riba e rapport financiero di e expertonan accountant cu a señala fayonan den calculacion. 

  • Periodistanan Andrade y Espinoza a contradeci otro den corte den caso Kinikini

    Periodistanan Andrade y Espinoza a contradeci otro den corte den caso Kinikini

    ORANJESTAD – E dos periodistanan conoci Nelson “Speed” Andrade y Marko Espinoza den corte diamars mainta a contradeci otro riba declaracionan riba e asunto di portafoon (radio) di polis. Uno no ta corda kico a sosode (Speed) y e otro  (Espinoza) ta declara cu Speed a dune informacion di e portafoon en cuestion. Manera ta conoci, aunke nan dos a hala nan caso di apelacion aden den e caso di Kinikini, a ordena nan pa presenta si como testigo pa e parti di e polis Kenneth Rasmijn, cual caso si a sigui.

  • Abogado Illis: Rasmijn no a malversa portafoon di polis y como tal mester declare liber

    Abogado Illis: Rasmijn no a malversa portafoon di polis y como tal mester declare liber

    ORANJESTAD – Durante e caso awe mainta di apelacion di portafoon di polis, conoci como Kinikini, e ex polis Kenneth Rasmijn ta para riba cu e no ta culpable den e caso aki. Abogado Demis Illis a bis Hof cu su cliente, esta Rasmijn ta keda para ariba cu e no a facilita e portafoon di polis na e periodista Nelson “Speed” Andrade. E ta bisa si cu ta un hecho cu na December 2015 e portafoon a disparce. A conclui cu for di e tempo ey, e periodista Marko Espinoza tabatin e radio. E abogado ta haya ta straño cu ta na Espinoza su cas so a registra e portafoon y no na cas di Rasmijn of su oficina. Rasmijn no ta desmenti cu su portafoon tabata den poder di otro, pero no sa di esaki. Y tampoco por conclui cu ta Rasmijn ta esun cu a facilita Andrade e portafoon. Rasmijn ta desemtni cu Marko a entrega e portafoon na dje. Marko ta bisa cu el a haya e portafoon di Andrade, pero no sa for di ken Andrade a haya esaki. Andrade (segun e otro relato), ta bisa cu e no ta corda. Tambe e abogado ta mustra cu loke cu Winklaar ta bisa cu a registra e radionan, no ta corecto. Rasmijn a mustra cu tabatin bruhamento di radio/portafoon. Rasmijn tabatin e portafoon di e ruman di Winklaar , un otro colega M. tabatin e radio di M. A mustra cu ta na 2017-2018 a notifica cu e portafoon a perde. Ta kere cu na mei 2017 a cuminsa cu investigacion y ta e tempo ey tabatin bruhamento di radio. Ta kere cu entre 2016-2018 e portafoonan tabata bruha. Rasmijn ta sigura cu e no tabatin su portafoon cu e tabata laga na oficina y cu otronan por a yega na esaki. E ta mustra cu a hunga falso cu ne y a tira culpa riba dje. E abogado a sigui mustra cu Winklaar a bisa cu tabatin un bruhamento entre Rasmijn y D. Pero esey no ta corecto. A mustra cu no por papia di malversacion pasobra ningun momento Rasmijn a pasa su radio na otro y a pidi Hof pa declara Rasmijn liber. Hof a cera e tratamento y a bisa cu ta dicta sentencia dia 11 di October pa 1:45pm. 

  • Caso di apelacion penal Ibis cu ex minister Croes ta sigui awe merdia

    Caso di apelacion penal Ibis cu ex minister Croes ta sigui awe merdia

    ORANJESTAD – Awe tardi ta tuma lugar e continuacion di e caso di apelacion di Ibis, cu ta trata ex minister Paul Croes y su señora Melony. E caso ta continacion di e prome tanda, unda cu na final a dicidi di sigui e caso awe, pa duna partidonan chens pa analisa un rapport financiero, cu tin cu determina e certesa di e cantidad di placa cu ta ‘den wega’ aki. Esaki pasobra abogadonan di e ex mandatario a mustra cu Ministerio Publico a confronta nan cu sumanan cu lo a wordo ‘laba’ cu no ta cuadra. Y esey ta hopi importante pa e cargo contra e cliente riba labamento di placa. Como tal e 3 huesnan a determina pa duna tempo pa analisa tur cos y bin bek awe tardi, y presenta e loke a investiga. E caso ta continua pa 2’or y mei. Keda pendiente pa e relato despues di e caso. Unabez cu e caso termina, e hueznan lo cera e caso y pone un fecha pa dicta e sentencia.  

  • Ministerio Publico a seponeer caso di Minister Lampe contra SKOA

    Ministerio Publico a seponeer caso di Minister Lampe contra SKOA

    ORANJESTAD – Riba e ultimo dia di trabou di minister Rudy Lampe, Ministerio Publico a dune un ‘regalo di despedida’ door di seponeer e denuncia cu e la haci recientemente contra Stichting Katholiek Onderwijs Aruba (SKOA). E minister a haci denuncia riba 19 di augustus 2021 contra SKOA, e bestuur y algun persona lia na e bestuur.

  • Powered by SETAR