- KVK: Mayoria compania ta pensa cu e scarsedad di trahado lo empeora
- HOH: Ocupacion di cama poco poco ta bek na normalidad na hospital
- Video: Ryçond Santos do Nascimento ta considera su entrada den AVP como un eror
- Mas turista Colombiano ta biahando pa Corsou envez di Aruba den 2024
- Minister a anuncia mando nobo temporal na Cuerpo di bombero
Aeropuerto di Aruba ta ricibi “Airport Carbon Accreditation Level 2”
ORANJESTAD – Aruba Airport Authority N.V. (AAA) compania cu ta maneha y opera Aeropuerto Internacional Reina Beatrix (Aeropuerto di Aruba) orguyosamente a anuncia su logro mas recien, e “Airport Carbon Accreditation Level 2”.
Aeropuerto di Aruba a drenta Airports Council International (ACI) su programa “Airport Carbon Accreditation” (ACA) na 2018 y desde e momento ei a tuma un cantidad di accion na fabor di medio ambiente. ACA ta e unico programa global y specificamente pa aeropuertonan cu ta certifica e esfuerso di aeropuertonan pa maneha y reduci nan emisionnan di carbon. E ta e programa ideal pa yuda aeropuerto contribui pa bira inclusivo, safe, resiliente y sostenibel tumando accionnan urgente pa combati cambionan climatico y su impactonan, segun metanan #11 y #13 di e metanan di desaroyo sostenibel di Nacionnan Uni.
Door di logra e Airport Carbon Accreditation Level 2, e asina yama “Reduction level” ACA ta duna balor na e esfuersonan haci door di Aeropuerto di Aruba pa maneha y reduci su carbon footprint. E accionnan tuma pa midi, maneha y reduci su carbon footprint ta inclui cambio di tur lus pa lusnan LED, e ponemento di timernan electrico den y rond di aeropuerto y e introduccion di airconan mas eficiente pa cu aire, pa menciona algun.
“Como parti di e strategia corporativo, cu ta den proceso di wordo desaroya hunto cu tur empleado di AAA, e ekipo na Aeropuerto di Aruba ta hopi dedica na reduci e carbon footprint di nos aeropuerto! Apesar di e efectonan obvio di 2020, e ekipo a sigui cu su esfuersonan pa maneha y mitiga nos carbon footprint. Level 2 ta duna nos e indicacion cu nos ta riba e bon caminda y ta duna nos e confiansa pa alcansa e siguiente nivelnan di e acreditacion internacionalmente reconosi hunto cu nos provedornan di servicio na aeropuerto. Nos ta contento, honra y orguyoso di obtene e acreditacion nobo aki y mi por garantisa cu e ekipo lo sigui traha di forma comprometi y dedica bayendo pa dilanti,” segun Jurgen Benschop, COO na AAA.
Airport Carbon Accreditation ta e unico programa global di certificacion institucionalmente aproba pa aeropuertonan y cu independientemente ta evalua y reconose esfuersonan di aeropuertonan pa maneha y reduci nan emisionnan di carbon via 6 nivel di certificacion: ‘Mapping’, ‘Reduction’, ‘Optimization’, ‘Neutrality’, ‘Transformation’ y ‘Transition’.
Danki na e programa Airport Carbon Accreditation, Aeropuerto di Aruba por contribui directamente na e metanan di desaroyo sostenibel diseña door di Nacionnan Uni y adopta door di AAA como su base principal. Esakinan ta un coleccion di 17 meta global diseña pa ta un base pa alcansa un futuro mihor y mas sostenibel pa tur hende. E metanan di desaroyo sostenibel a wordo introduci na 2015 door di e “United Nations General Assembly” cu e meta pa wordo alcansa pa aña 2030.
HOH: Ocupacion di cama poco poco ta bek na normalidad na hospital
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
Stampiaaruba cu exposion di stampia na Aruba pa celebra 17 aniversario
Oficina principal di DIMP ta cera awe diaranson pa mantencion
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
Den cuadro di reposicionamento, FPNA ta cambia su nomber pa Aruba Conservation Foundation
ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.
Parlamentario Ryçond Santos Do Nascimento ta invitado den Noticiacla LIVE awe nochi
ORANJESTAD – Parlamentario independiente Ryçond Santos Do Nascimento ta e invitado den e programa Noticiacla LIVE diamars anochi pa 9’or. Recientemente a cumpli un aña cu e parlamentario a distancia su mes di e partido berde AVP y a declara su mes independiente. Un aña despues ta toca temanan general y specifico cu e parlamentario. Un programa sigur interesante y al caso, cu periodista Tito Laclé. No perde!. Esaki riba tur Plataforma di Noticiacla, manera e Facebook page, website y e app.
AZV: Contracto cu dentista Mayra Rosales ta termina
ORANJESTAD - Organo Ehecutivo AZV a informa tur asegurado inscribi cerca dentista Mayra Rosales pa tuma nota cu e contracto entre OE AZV y dentista Mayra Rosales ta finalisa 30 di april 2024. Den caso cu tin un cita despues di 30 di april 2024, lo e asegurado mester tene cuenta cu e cita aki no ta wordo cubri mas door di OE AZV. Ta gradici dentista Rosales pa su añanan di servicio cu el a brinda na e aseguradonan di AZV. Tur clase di exito tambe ta e deseo di OE AZV pa dentista Mayra Rosales cu e continuacion di su practica priva.
Follow NoticiaCla
