Trading Economics: Aruba number 7 di paisnan cu tasa di impuesto mas halto di mundo

Trading Economics: Aruba number 7 di paisnan cu tasa di impuesto mas halto di mundo

Posted on 06/10/2021 2:22 pm AST | Updated on 06/10/2021 2:23 pm AST

NEW YORK – Aruba ta number 7 den paisnan cu e tasa di impuesto mas halto na mundo. Un noticiac cu ta keda circula y cu awe ta bin di parti di e fuente Trading Economics. E pais Ivory Coast ta lidera e lista di 10 y Irlanda y Portugal ta cera e lista, ambos empata na di 10 lugar. E canal di television CNBC-TV18 a bay haci un comparacion di Merca unda cu esnan rico ta paga menos impuesto, y a compara esaki cu paisnan rond di mundo. Hulanda ta na di 9 lugar. Y paisnan grandi manera Japon ta na di 3 lugar y asina por sigui.  

  • Yiu di tera dr Jose Sprok nombra Decano di Medicina na Costa Rica

    Yiu di tera dr Jose Sprok nombra Decano di Medicina na Costa Rica

    SAN JOSE – E yiu di tera Jose Sprok a wordo nombra como Decano di Medicina na UCIMED, Universidad de Ciencas Medicas, cu ta su Alma Mater. Sprok, yiu di conocido Nelson Sprok di Conar NV, a bandona Aruba na 1985 pa bay studia medicina na Costa Rica, pues e tin 36 aña caba unda cu el a studia y bira un medico general, cirujano vascular periférico, cirujano cardiovascular y a optene su maestria den hospital management. E ta casa cu un Costaricense Gilda Jimenez, tin un yiu muhe y haci su bida eynan. Den pasado recien el a aplica pa bira e director medico di Aruba pero pa motibo politico mas sigur, esaki no a bira un realidad. Aruba por ta orguyoso di su yiu di tera cu a haci un nomber pa su mes y sigur pa Aruba. 

  • E legendario merenguero Johnny Ventura a muri a consecuencia di atake di curason

    E legendario merenguero Johnny Ventura a muri a consecuencia di atake di curason

    SANTO DOMINGO – E legendario merenguero Dominicano uan de Dios Ventura Soriano, miho conoci como Johnny Ventura of  El Caballo Negro   a fayece diaranson na edad di 81 aña, di un atake di curason. Su famianan a confirma e noticia. Ventura fuera di tabata cantante, a sirbi como vice alcaklde y alcalde di Santo Domingo entre 1994 y 2002. Conocido cantante di Aruba Robert J’eandor a toca y canta cu ne den su tempo cu el a biba na Republica Dominicana.

  • Hulanda a logra cantidad record di medaya riba un dia na Tokyo

    Hulanda a logra cantidad record di medaya riba un dia na Tokyo

    TOKYO – Hulanda a logra un dia record di medaya diaranson cu no menos cu 8 medaya riba un solo dia durante e Weganan Olimpico na Tokyo. Esaki ta bin despues di varios dia di problema y decepcion Hulandes unda cu varios atleta prominente no a logra. Ultimo biaha cu Hulanda a logra asina hopi medaya tabata na 1928 ora cu nan a logra 7 medaya riba un dia na Amsterdam durante e Weganan Olimpico.   

  • Awor ta Italia tin problema di mal tempo

    Awor ta Italia tin problema di mal tempo

    AMSTERDAM – Desde e mal tempo na Hulanda y Belgica, awor ta e parti norte di Italia na Como a haya su mes cu tempestad dje teribel ey cu a produci scenarionan horendo manera autonan cu ta bolter manera piedra di domino door di inundacion. Hulanda ta bolbe raporta posibilidad pa consecuencia debi na mal tempo e siman aki.   

  • CDC ta recomenda pa hasta esnan full vacuna, bisti tapaboca den lugarnan cera atrobe

    CDC ta recomenda pa hasta esnan full vacuna, bisti tapaboca den lugarnan cera atrobe

    NEW YORK - Centers for disease control CDC a revoca un decision anterior riba bistimento di tapaboca y diamars a añadi e recomendacion pa esnan completamente vacuna, bisti un tapaboca den lugarnan cera den area di transmission substancial di coronavirus. Ademas ta sugeri pa hendenan completamente vacuna por scohe pa bisti tapaboca no obstante e nivel di transmission, no obstante e nivel di transmission, particularmente si nan no ta immune of tin risico halto pa contagia cu e virus of si tin hende cu no tin sistema immune, cu risico halto di contagio of tin un malesa severo of no ta completamente vacuna.  Tambe a añadi e informacion cu hendenan completamente vacuna por scohe pa bisti tapaboca cu a bin den contacvto cu un persona sospecha di ta infecta of ta contagia cu Covid19, pa test 3 pa 5 dia despues di e contacto, y pa bisti tapaboca den lugar cera pa 14 dia of te ora cu nan ricibi nan resultado negativo di test. Mes momento CDC a sugeri bistimento universal pa tur docente, staf, alumno y bishitante di scolnan, no obstante e status di vacuna. 

  • Aruba su uniform Olimpico a haya reconocemento internacional!

    Aruba su uniform Olimpico a haya reconocemento internacional!

    TOKYO – E uniform Deportivo di e delegacion di Aruba durante e apertura di e Weganan Olimpico 2020 na Tokyo a hala atencion internacional, y particularmente den dos publicacion grandi cu ta People’ s Magazine y Yahoo.com.  Ambos a comparti e mesun informacion y texto y potret, pero tin dos diferente mercado. Segun e descripcion di e articulo, e delegacion di Aruba ‘ a trece colornan briyante na e ceremonia di apertura, cu e colornan berde y blauw berde den nan conhunto completo cu sombre’. 

  • Powered by SETAR