Huez a dicta veredicto mixto den caso di comisario di polis contra matutino

Huez a dicta veredicto mixto den caso di comisario di polis contra matutino

Posted on 06/10/2021 11:15 am AST | Updated on 06/10/2021 11:18 am AST

ORANJESTAD – E matutino AweMainta no mester rectifica contra comisario Trudy Hassell pa e articulo cu e matutino a publica contra dje. Asina huez a dicta e siman aki. Ta trata e caso unda cu e matutino a indica cu e comisario lo tabatin un relacion amoroso cu un persona cu recientemente a recobra su libertad despues di a sinta su castigo na KIA. Sra Hassell a demanda pa e matutino rectifica e articulo. Huez sinembargo no a mira e situacion asina, pero no a laga e matutino sin un advertencia. E abogado di sra Hassell, mr David Kock, ta considera e veredicto uno mixto. 

VEREDICTO MIXTO

Segun e abogado, debi cu AweMainta a trece rumornan encuanto e relacion cu e ex preso Juan “Blauw” Quant como noticia pero no a acerca sra Hassel y pone su reaccion den e mesun articulo, AweMainta a comete un acto illicito contra Sra Hassell. Pero nan no mester rectifica e rumor, pero corte ta sugeri si cu ta na su lugar pa nan publica cu e publicacion tabata sin base. “Awor cu ta staat vast cu AweMainta tabata fout, lo demanda pa un suma pa compensacion” e abogado a sigui bisa.” Manera mi a bisa cu veredicto particular. E ta manera un rectificatie pero no exactamente. juez ta sugeri Awemainta pa publica conforme e veredicto cu sra Hassell no tabatin un relacion amoroso cu sr Quant, ya cu e noticia ey ta un onrechtmatige daad pa cu sra Hassell” e abogado a finalisa bisando.  Por lesa e sentencia AKI.   

  • PG a bisa cu dia tin metemento di politica den OM, e lo retira

    PG a bisa cu dia tin metemento di politica den OM, e lo retira

    ORANJESTAD – Dia cu tin metemento politico den Ministerio Publico, e procurador general Bote ter Stege lo retira. Esey tabata su comentario diaranson mainta durante un conferencia di prensa despues di su bishita na formador. Ter Stege tabata e prome bishita di formador den cuadro di formacion di gobierno. E tema di metemento politico a bin dilanti durante e conferencia di prensa unda cu ter Stege a desmenti categoricamente cu gobierno ta mete cu Ministerio Publico (OM) y cu tin un relacion estrecho entre PG y formador. “Absurdo” e PG a bisa. Ademas e ta sigura tambe cu OM ta traha riba su propio tempo y no tin presion di ningun hende pa sea termina of pura un investigacion di tuma lugar. “Nos ta traha riba e tempo cu ta necesario pa nos, y niun otro hende ta determina e tempo pa nos”, ter Stege a sigui bisa. 

  • Kock: Detencion Benny Sevinger en principio ta valido pa 3 siman mas

    Kock: Detencion Benny Sevinger en principio ta valido pa 3 siman mas

    ORANJESTAD – Dia cu e 60 dianan di detencion preventivo di sospechoso principal di caso Avestruz Benny Sevinger vence, of poco prome, huez comisario lo ‘toets’ e situacion atrobe pa wak si ta laga sr Sevinger den libertad atrobe. Asina abogado David Kock a confirma pa e portal aki. Tin varios version ta circula riba detencion di Sevinger, for di cu ‘a haya ordo pa tene cera’, te na ‘lo cere te ora cu su caso bin dilanti’ pero ningun di e dos versionan ta cuadra segun e abogado. Segun Kock, su cliente ta simplemente cumpliendo cu su termino di detencion preventivo. 

  • Corte ta dicidi otro luna si reconteo di voto por tuma lugar ainda

    Corte ta dicidi otro luna si reconteo di voto por tuma lugar ainda

    ORANJESTAD – Otro luna huez lo dicidi si por tin un reconteo di e votonan di e eleccion Parlamentario di dia 25 di juni 2021.  Un total di 3 votador, cu ta miembro di partido AVP a cuminsa e caso como votador contra pais Aruba (lesa:gobierno di Aruba) pa e hecho cu no kier a haci un reconteo di e votonan.A pidi specificamente reconteo di a. tur voto, sino b. reconteo di votonan invalido pa no ta mucho trabou. Segun abogado Desiree Croes, a kere inicialmente cu e caso lo no a sigui, debi cu (awor) ex presidente di Conseho Electoral (CE) Glenn Thode a duna ordo pa destrui e stembiljetten di e eleccion. Y si esaki tabata e caso, lo no tabatin sentido pa continua cu e caso. A resultado sinembargo cu e presidente nobo di CE a opta pa no destrui e biyetenan aki. Esey a pone cu e caso por a sigui. 

  • OM: Esnan cu multa pendiente, no por bandona Aruba pa e.o. vacantie

    OM: Esnan cu multa pendiente, no por bandona Aruba pa e.o. vacantie

    ORANJESTAD - Ministerio Publico lo cuminza intensiva e cobramento di boetnan habri entrante e siman aki. Ta trata di boetnan di aña 2019 te inicio di 2021 cu ta habri ainda. Den e cuadro ey Grenspolitie lo para viaheronan y atende nan riba nan boetnan habri prome cu nan lo wordo permiti pa sigui cu nan viahe.  Grenspolitie tin un mashin di pin di Ministerio Publico, loke ta facilita e pagamento na frontera prome cu sali cu vakantie. Banda di esaki por paga online via cuenta bancario 4000905 na ArubaBank bao mencion di e parketnummer y e letter cu ta parece riba e carta. Esnan cu ta prefera pa paga nan boet personalmente na balie di Ministerio Publico por haci un afspraak di antemano via nos website (www.omaruba.com).  E accion aki lo dura te fin di aña y lo bira cada biaha mas pisa. Ministerio Publico lo sali activamente en busca hendenan cu keda sin paga y e hendenan aki lo core riesgo pa mester sinta nan detencion preventivo den KIA.  

  • Presidente di Haiti a keda asesina den su cas awe marduga

    Presidente di Haiti a keda asesina den su cas awe marduga

    PORT-AU-PRINCE – Presidente Haitiano  Jovenel Moïse a keda asesina diaranson mainta den su cas. Asina e prome minister Claude Joseph a confirma. E casa Martine Moïse a keda herida den e atake y tabata haya atencion medico. Supuestamente un grupo di homber papiando spañoa ataca e cas den careda di 1’or di marduga ora cu nan a tira riba Moïse y su casa.  

  • Corte a rechasa peticion di AVP pa wanta cu destruccion di stembiljetten pendiente caso sumario

    Corte a rechasa peticion di AVP pa wanta cu destruccion di stembiljetten pendiente caso sumario

    ORANJESTAD – Corte a rechasa peticion di partido AVP (specificamente srs Arthur Dowers, Mike de Meza y sra Mervin Wyatt Ras den representacion di e partido) pa no destrui e stembiljetten di eleccion, pendiente un caso sumario cu e partido a entama contra pais Aruba e siman aki. Manera ta conoci, e partido a entama un caso cu e meta pa ordena un reconteo di e votonan invalid di e ultimo eleccion. Mientras cu ta warda e caso bin dilanti, a pidi un asina yama ‘orde maatregel’, esta un medida temporario, cu mester a resulta den un paro di destruccion di e bijetenan di voto, te ora cu e caso tuma lugar. Pero huez no a mira razon pa haci esaki awe. Por mira den e sentencia cu huez no ta mira necesario pa tin un reconteo tampoco. Pues por bien ta cu e caso sumario tambe lo no tin exito den e caso aki. Por lesa e sentencia AKI. 

  • Powered by SETAR