Ministerio Publico a pidi periodista despensa pa a detene durante Toque de Queda

Ministerio Publico a pidi periodista despensa pa a detene durante Toque de Queda

Posted on 05/3/2021 3:34 pm AST | Updated on 05/3/2021 3:45 pm AST

ORANJESTAD – Casi un aña despues cu polis a detene e periodista Sharina Henriquez durante Toque de Queda, Ministerio Publico a pidi e periodista en cuestion despensa y a seponeer su caso tambe. Den un carta di Procurador General Ter Stege, ta admiti cu e detencion tabata uno no corecto. Asina e periodista a informa su coleganan di prensa den un conferencia di prensa dialuna mainta. Ademas, gobierno Hulandes (BZK) a palabra cu lo haci cosnan diferente otro biaha, ora cu raporta asuntonan asina. 

KICO A PASA

Tabata diadomingo dia 22 di maart aña pasa cu polis a detene Henriquez durante e dos anochi di e prome Toque de Queda cu Aruba a conoce ora cu e pandemia di Coronavirus a cuminsa na Aruba algun dia prome. E anochi ey, polis riba orden di fiscal na turno, a detene Henriquez pasobra e lo tabata riba caminda sin permiso (prensa lo no tabata permiti pa ta riba caya) y a boei e y hibe warda di polis na Macuarima. Eynan el a permanece 2 ora y despues por a bay cas. Pero esaki a pone cu el a keda registra tanto cerca Ministerio Publico como Polis. 

KEHO

E periodista en cuestion a entrega keho contra su detencion despues, unda cu a mustra riba e.o. ‘detencion illegal’, ‘uso illegal di medida pa detencion, incluyendo boei y transporte di polis, e forma illegal di marca un persona como un sospechoso, y e detencion illegal di un persona y e daño di imagen di e persona a consecuencia. 

INTERNACIONAL

Segun Henriquez, debi na e forma con Aruba a atende cu e caso, Hulanda a baha un posicion riba lista internacional di con ta trata cu periodistanan y nan libertad. Segun Henriquez, esun culpable di esaki ta gobierno cu ta esun cu a informa instancianan responsabel incorectamente di kico a sosode. 

  

 

 

 

  • Aruba ta registra apenas 5 caso positivo di Covid19 awe

    Aruba ta registra apenas 5 caso positivo di Covid19 awe

    ORANJESTAD - Segun resumen di awe  , a registra un total di 5 caso nobo di Covid-19, di cual 3 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 553 test. 'Positivity rate' entre nos residentenan ta 8 % y 13 persona a recupera.

  • AHATA a distribui su ‘Hurricane Preparedness Guide 2021’

    AHATA a distribui su ‘Hurricane Preparedness Guide 2021’

    ORANJESTAD - Aruba Hotel & Tourism Association (AHATA) a distribui su ‘Hurricane Preparedness Guide 2021’ pa yuda tur compania miembro planea pa e temporada di horcan. 

  • Aruba a raporta 12 caso positivo nobo di Covid19 awe

    Aruba a raporta 12 caso positivo nobo di Covid19 awe

    ORANJESTAD -  Segun resumen di awe  , a registra un total di 12 caso nobo di Covid-19, di cual 4 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 628 test. 'Positivity rate' entre nos residentenan ta 15 % y 11 persona a recupera.

  • Hospital a conoci aumento leve di pashent di Covid19 e siman aki atrobe

    Hospital a  conoci aumento leve di pashent di Covid19 e siman aki atrobe

    ORANJESTAD – Cantidad di pashent interna pa Covid19 a bolbe aumenta levemento e siman aki na Aruba. Diamars ainda e tabata 5 den cuido regular, y a bula diaranson y diahuebs te na 12 y awor 13 pashent total den cuido regular. Den ICU e cifra ta fluctua tambe, unda cu e ultimo siman tabatin varios caso di persona cu tabata den ICU cu a fayece (por lo menos 4) cu a pone cu e cifra a keda reduci. Aworaki e ta fluctua entre 3 y 5. E cifra diabierna cu a keda raporta, tabata 4 den ICU. Asina mes e cifra ta hopi mas abou cu loke tabatin ultimo dos lunanan unda cu a yega ten a 40, y mas cu ayudo di esnan di Corsou. Pero aworaki e situacion ta ‘bou di control’, aunke a nota un aumento leve e siman aki. 

  • Ta evaluando si lo permiti turistanan cu a vacuna contra Covid19, di no test ora drenta Aruba

    Ta evaluando si lo permiti turistanan cu a vacuna contra Covid19, di no test ora drenta Aruba

    ORANJESTAD – E declaracion di prome minister Evelyn Wever Croes e siman aki riba cambio di maneho pa loke ta Covid19, a causa poco confusion inicial. Ta trata di e anuncio cu bo no tin cu test mas ora cu bo biaha y bolbe Aruba, si bo a haya bo dos vacunanan caba. Tabatin e pregunta, ken exactamente ta considera den e grupo aki. A specifica despues cu ta trata solamente di residentenan di Aruba cu a haya dos vacuna caba, y di cual e di dos ta mas cu 14 dia pasa,  y cu ta nan no mester test ora cu nan biaha y bolbe Aruba. Nan so tin e health app cu por proba e certificado en cuestion. Mesora a surgi hopi pregunta, manera kico ta considera ‘residentenan’ y si ta solamente hendenan inscribi na Aruba, of tambe esnan di Aruba cu bolbe nos isla y cu a haya vacuna den exterior. Tambe a surgi e pregunta si esaki ta conta pa turista tambe. Aki e mandatario a bisa cu otro siman DVG lo duna mas informacion riba e tema. 

  • Gino Winklaar apunta formalmente como director permanente di KIA

    Gino Winklaar apunta formalmente como director permanente di KIA

    ORANJESTAD - Recientemente Minister di Husticia  mr. Andin Bikker, a entrega e decreto nacional (Landsbesluit) di e nombracion como director di Korrectie Instituut Aruba (KIA) na Gino Winklaar. Esaki a sosode den presencia di varios otro hefenan di departamento di husticia. Cu e decreto aki den man, awor si e proceso di nombracion a keda cla formalmente. 

  • Powered by SETAR