Parlamentario Daphne Lejuez ta forma parti di partido Accion21

Parlamentario Daphne Lejuez ta forma parti di partido Accion21

Posted on 04/7/2021 3:31 pm AST | Updated on 04/7/2021 3:32 pm AST

ORANJESTAD – Parlamentario independiente Daphne Lejuez diaranson a contesta un pregunta cu hopi tabatin pa algun tempo: Kico ta para di su futuro como politico. Diaranson el a participa cu el a uni su mes oficialmente cu e partido politico nobo Accion21 y lo forma parti di e lista mas sigur pa e proximo eleccion. E lider di e partido Miguel Mansur durante un conferencia di e partido su lansamento diaranson mainta, a presenta sra Lejuez oficialmente. Pa loke ta e parlamentario, el a bisa cu ta recien durante e fin di siman santo el a tuma e decision final, ora cu e la sondea e idea cu su dos yiunan. Nan a insisti pa e sigui y e ora e decision tabata tuma. Y e ta sinti su mes bon cu e partido nobo aki. 

DECISION FACIL?

“E no tabata un decision facil, mirando cu originalmente mi no tabata tin e intencion di continua den politica,” sra. Lejuez ta expresa. Despues di e caida repentino di Gobierno, y despues di a delibera cuidadosamente den seno familiar, e fin di siman di Pasco Grandi, sra. Lejuez a dicidi di tog bay continua den politica pa asina por sigui sirbi su pais, sigur mirando tur e retonan grandi cu nos como pais y como ciudadano lo bay ta enfrentando, segun e ta comenta. Particularmente, mi yiunan ta su yiunan a encurash’e pa sigui y purba na continua haci un diferencia, y no ‘give up’ asina facil. Pues, awe sra. Lejuez a anuncia oficialmente cu lo sigui como candidato di e team di Accion 21, lidera pa su amigo y visionario sr. Miguel Mansur.

PAKICO ‘ACCION 21’?

Segun sra. Lejeuz a declara durante e rueda di prensa: ‘Loke a atraemi na e partido Accion 21 primeramente ta e hecho cu e ta un partido nobo y no-tradicional. Conociendo Sr. Miguel Mansur personalmente, y despues di a scucha su ideanan y solucionan pa cu nos Pais pa e situacion financiero y socio-economico cu nos ta bibando, na unda ta brinda opcionan realistico y implementabel a corto, medio y largo plaso den cuadro di e Landspakket y tambe SDG’s, mi ta sinti cu esakinan ta cuadra cu mi vision.” Sra. Lejuez ta haya cu mas cu tur cos, e ta cuadra cu e Aruba cu e kier wak pa nos hendenan y futuro generacionan. “Na unda lo restructura y reforma nos aparato gubernamental pa haci esaki mas eficiente, productivo, accesibel y transparente pa trece bek confiansa den gobernacion,” sra. Lejuez a sigui expresa.

PUEBLO KIER MIRA ALGO DIFERENTE!

Sra. Lejuez a sigui na splica cu e vision di Accion 21 ta uno cu lo tin atencion pa revitalisa nos economia, pa asina nos por atrae inversion, crea cuponan di trabou pa nos comunidad y crea oportunidadnan pa nos por stimula nos studiantenan regresa nan Pais. Esaki ta un team enfoca na crea un comunidad mas husto y unda lo enfoca riba derechonan fundamental, inclusion y cu riba nivel social tur ciudadano por hiba un bida digno.

  • Marisol Lopez Tromp ta bay eleccion como lider di partido MAS

    Marisol Lopez Tromp ta bay eleccion como lider di partido MAS

    ORANJESTAD – Ex minister Marisol Lopez Tromp ta bay lidera partido Movimiento Aruba Soberano (MAS) durante e proximo eleccion. E ex mandatario a confirma esaki diahuebs atardi, despues di ricibi su uittreksel for di Camara di Comercio. Lopez a inscribi su mes un dia anterior como e presidente y lider di partido. Su ruman muher Lelicia Tromp ta e tesorera y Secretario ta Alexander Wernet. A bisa cu ta trahando riba e lista di candidato, y cu lo tin un campaña mas trankil mirando cu ta trata un tempo di pandemia, pero e lo ta hopi skerpi si. 

  • Wever: Gobierno preparando pa tuma asistencia social di Covid19 over di Cruz Cora

    Wever: Gobierno preparando pa tuma asistencia social di Covid19 over di Cruz Cora

    ORANJESTAD - Conforme rekisito pa cu sosten di likides, como tambe manera indica den e prome Agenda di Ehecucion 2021 di e Landspakket di Aruba, Gobierno ta informa cu entrante 1 di juli 2021 pais Aruba lo ta tumando encargo di programa temporal relaciona cu asistencia social durante e crisis di COVID-19.

  • Minister Lampe na SKOA: Mi no tin motibo pa rectifica

    Minister Lampe na SKOA:  Mi no tin motibo pa rectifica

    ORANJESTAD – Minister di enseñansa Rudy Lampe a bisa cu e no tin nada di rectifica na Stichting Katoliek Onderwijs Aruba (SKOA). Cu esaki e ta contesta e exigencia di e fundacion escolar di un dia prome cu a exigi e mandatario ‘rectifica acusacionan infunda’. Tabata diamars cu e minister  tabata presente den conferencia di e partido RED. E mandatario a papia di dos tema di cual uno tabata Cannabis y e exigencia di SKOA pa e rectifica su declaracion, algo cu el a bisa cu no tin base pa haci.

  • Den programa ‘Politica ta Cruel’, PPA a bisa cu no ta traha cu MEP of AVP

    Den programa ‘Politica ta Cruel’, PPA a bisa cu no ta traha cu MEP of AVP

    ORANJESTAD – Partido PPA Transforma no ta dispuesto pa traha cu partido MEP y partido AVP, si yega asina leu den eleccion y cu mester forma un coalicion eventualmente. Asina e lider nobo Lisette Malmberg a bisa durante e programa Politica ta Cruel cu ta un coleboracion cu Den Cayente, riba e Plataforma Sopi Mix Studi. E programa tabatin hopi informacion politico di maneho di e partido PPA, pero tabata casi na final di e programa tabatin un parti interesante unda cu dos periodista invita a haci e pregunta si e tabata dispuesto pa traha cu AVP, el a contesta no. Y despues a puntra mescos pa MEP, y aki tambe el a bisa no. E ta dispuesto pa sinta cu partidonan chikito y por forma un tipo di aliansa. Pero, no por papia ainda di un ‘block’, pasobra ta mucho tempran y e no sa si ta necesario. “Pero e ta un posibilidad” Malmberg a sigui bisa. Algun persona ta pensa cu e 'move' aki di sra Malmberg, no tabata esun miho, ya cu for di un principio bo ta 'schakel' bo mes 'uit', si yega asina leu pa forma gobierno. Algun ta considera esaki un fayo di nobato politico y ta spera cu por 'reconsidera' e pensamento aki. Pero cu un declaracion asina, for di comienso e ta nifica cu e partido ta cera su mes di inclusion di un posibel coalicion real, mirando cu e realidad ta cu cualkier coalicion, lo mester wordo forma cu sea un di e dos partidonan grandi mas sigur, a lo menos cu bin un sorpresa y cu e partidonan 'chikito' logra saca suficiente asiento cu e ta cambia e panorama pa e dos partidonan grandi AVP y MEP.  E programa ta pasa un of dos biaha pa siman y ta un tipo di podcast unda cu 4 persona (incluyendo e invitado) ta sinta na un mesa vierkant y papia riba politica. Potret ta cortesia Politica ta Cruel. Por mira e programa completo AKI. 

  • Partido politico PPA a presenta su lider nobo Lissette Malmberg

    Partido politico PPA a presenta su lider nobo Lissette Malmberg

    SAN NICOLAS – Cu 10 siman faltando pa eleccion parlamentario 2021 di Aruba, partido PPA a presenta su imagen y lider nobo diahuebs anochi. Den un bachi nobo, y na e sede ‘bieu’ di e partido, e conocido comerciante y pastor religioso sra Lissette Malmberg a keda presenta como e lider nobo di e partido. Sra Malmberg den su discurso, a sigura cu e movimento ta cla pa convence ‘ciudadonan’ manera e mes a yama e votadornan potencial pa e partido, pa ‘bay parlamento’, esta pidiendo nan pa uni cu e partido den su bachi nobo. Basa riba 7 principionan fundamental, Malmberg kier trece e cambio cu mester pa logra trece Aruba dilanti atrobe.

  • Den 4 siman Quanten Consortium ta duna contesta definitivo

    Den 4 siman Quanten Consortium ta duna contesta definitivo

    ORANJESTAD - Den 4 siman e consorcio cu yama Quanten Consortium por duna un contesta definitivo si nan ta bay sigui cu e plan di reapertura di refineria di Aruba. Asina prome minister Evelyn Wever a bisa diahuebs despues di a reuni cu e dos personanan en cuestion Jeff Meyers y Karl Welch. E portal aki no por a verifica informacionan suministra pa e dos personanan aki, y ta meramente inform e loke cu e la ricibi di parti di gobierno. 

  • Powered by SETAR