RIVM: Tin 7 caso mas positivo di variante Britanico na Aruba

RIVM: Tin 7 caso mas positivo di variante Britanico na Aruba

Posted on 03/4/2021 3:08 pm AST | Updated on 03/4/2021 3:22 pm AST

ORANJESTAD – E siman aki (diamars) Hulanda a informa Aruba cu a detecta 7 caso nobo mas di e variante Britanico na Aruba. Esaki ta valido pa e ultimo dos siman cu a pasa. Asina prome minister Evelyn Wever Croes a informa noticiacla diahuebs durante conferencia di prensa. Cu e shete nan nobo, total Aruba (taba)tin 21 caso total. Tabatin pasobra mientrastanto tur e casonan ta di hende cu a recupera di e virus caba. Esey no ta kita afo cu e variante tambe a plama, aunke segun e mandatario, e no a plama mes hopi cu a kere. Informacion cu e portal aki tin sinembargo, ta bisa otro.   

PROBLEMA CU HULANDA

Riba pregunta di e portal aki, pakico diripiente no ta anuncia semanalmente mas riba casonan positivo di e variante siendo cu esey tabata e palabracion, e mandatario a culpa Hulanda pa e fayo ey. Segun e mandatario, ta te diamars cu a pasa, (2 di maart) Hulanda a informa Aruba di e casonan ‘nobo’ aki. Pero pa varios siman no a informa nada y e ora Aruba tambe ta lubida di puntra mas e ora. E ta un sistema complica segun Hulanda, cu e mandatario mes no por a splica, di e loke el a tende diamars, pero a dicidi di envez di un comunicado diaranson, pa suministra e informacion di e variantenan nobo aki  diahuebs den un conferencia di prensa. E mandatario a bisa mes momento cu e variante na Aruba no ta plamando mes hopi cu a kere inicialmente. 

INFORMACION DIFERENTE

Informacion sinembargo diferente cu e portal aki tin, ta mustra cu varios scol a keda afecta, y mientras cu no kier bisa esaki publicamente, lo ta trata di e variante cu ta plamando mas lihe y pesey varios mucha ta hayando esaki. E portal aki por confirma cu tin por lo menos un scol unda cu prome tabata docente cu a test positivo pa cual a manda henter un klas cas pa dos siman. E klas a reanuda despues di 2 siman, solamente pa confronta un alumno cu a test positivo. Atrobe mester a manda henter e klas cas. Tambe tin casonan pero cu ta bon sera, na otro scolnan grandi, pero unda cu e informacion ta hermeticamente cera. 

  • Aruba a ricibi e prome otorgamento predicado Real den e parti Caribense di Reino Hulandes

    Aruba a ricibi e prome otorgamento predicado Real den e parti Caribense di Reino Hulandes

    ORANJESTAD - Su Mahestad Rey Willem-Alexander a otorga e derecho di hiba e predicado Real (predicaat Koninklijk) na e empresa Arubiano, Aruba Aloe Balm N.V. Ta prome biaha desde introduccion di e predicado Real door di Rey Willem I na 1815 cu a otorga e predicado na un organisacion den e parti Caribense di Reino Hulandes. Awe Gobernador di Aruba, Su Excelencia Alfonso Boekhoudt, a haci entrega di e Certificado (Oorkonde) y Disposicion Real (Koninklijke Beschikking) relaciona cu e predicado, na e propietarionan di Aruba Aloe Balm N.V.

  • E weekend aki lo organisa 2 dia nacional di vacunacion

    E weekend aki lo organisa 2 dia nacional di vacunacion

    ORANJESTAD – Den cuadro di e Campaña Nacional di Vacunacion, diasabra y diadomingo awo dia 24 y 25 di april, Aruba lo realisa su prome vacunathon! E vacunathon ta unicamente pa aplicacion di e prome dosis di e vacuna.

  • Entrante dialuna varios medida contra Covid19 ta suavisa na Aruba

    Entrante dialuna varios medida contra Covid19 ta suavisa na Aruba

    ORANJESTAD – Entrante dialuna awor, e Toque de Queda actual ta cuminsa 11pm envez di 10’or y negoshinan por cera 10’or di anochi envez di 9’or. Tambe e gebiedsverbod ta cuminsa pa 7or y mei envez di 7pm, y gymnan ta habri dialuna atrobe. Ademas drive by events por continua atrobe entrante dialuna. Asina prome minister Evelyn Wever a anuncia diabierna mainta durante e conferencia di prensa di gobierno pa Covid19. Segun e mandatario, e motibo di e suavisacion ta cu e cifranan di tanto contagio, hospital y vacunacion ta bayendo bon. Ainda tin poco preocupacion pero e ta suficientemente bon cu por a suavisa e medidanan aki. 

  • Conocido comerciante Yolanda Ling a bay sosega

    Conocido comerciante Yolanda Ling a bay sosega

    ORANJESTAD – For di diahuebs merdia tabata circula rumor cu un di e rumanan di e famia cu un tempo tabata doño di Ling & Sons, Yolanda Ling a fayece. Noticiacla a confirma esaki despues, y a confirma tambe mesora cu e no a fayece di Covid19 manera cu tabata specula. E tabata malo den hospital y complicacion cu su salud a pone cu el a perde e bataya awe. E ta laga atras dos yiu, di cual uno ta conocido miembro di partido politico MEP, Sharlene Starke y e ruman Cliff. Yolanda ta ruman di Clifton Ling cu hunto cu e otro ruman muher a maneha e supermercado grandi Ling & Sons. Hopi ta considere como un shon di hende, un hende di bon curazon y sigur un trahado duro. Noticiacla ta manda palabra di forza pa famia Ling y cu Yolanda Ling sosega na paz. 

  • Aruba a registra un morto mas y 32 caso nobo di Covid19

    Aruba a registra un morto mas y 32 caso nobo di Covid19

    ORANJESTAD  -Segun resumen di awe a registra un total di 32 caso nobo di Covid-19, di cual 6 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 677 test. 'Postivity rate' entre nos residentenan ta 16% y 46 persona a recupera.

  • AZV: Ta buscando opinion medico den exterior tocante caso baby Ronin

    AZV: Ta buscando opinion medico  den exterior tocante caso baby Ronin

    ORANJESTAD - Mientrastanto cu famia di e awor conoci Baby Ronin ta organisando campaña pa genera fondo pa manda nan criatura pa Merca, Organo Ehecutivo AZV tambe a tuma nota den prensa di un situacion fastioso cu un di nos aseguradonan ta hayando su mes aden. Aunke nan no ta bisa esey na inicio di nan comunicado, ta trata di e caso di Baby Ronin. ParticularmenteA ZV a dicidi e ora di informa comunidad di Aruba di e procedura pa cuido medico den exterior y asina por comprende con AZV ta atendiendo cu e caso specifico aki di nos asegurado. Aunke Aruba tin hopi specialismo medico, por sosode cu bo ta bira malo y haya un malesa cu na Aruba no por yuda bo. Bo specialista e ora ey ta haci un peticion na AZV pa bo haya cuido medico den exterior. Solamente cu un aprobacion adelanta di AZV, e gastonan di cuido medico den exterior ta wordo cubri. Akinan ta conta cu mester tin paspoort na ordo y of otro documentonan legal, por ehempel den caso cu ta aplicabel, un visa valido. 

  • Powered by SETAR