ORANJESTAD - Manera por a spera, e conocido ex boxeador Mericano Floyd Mayweather a comparti potretnan di su bishita cortico na Aruba diahuebs anochi. Algun potret na Renaissance Island ora cu e ta duna e flamingonan di come y uno ora cu e ta drenta laman na Palm Beach. Cu e potretnan aki riba su cuenta di instagram, Mayweather a duna Aruba un cobertura miyonario si tene na cuenta cuanto siguidornan e tin mundialmente (28.8 miyon riba instagram) so, ta un propaganda inmenso. Aña pasa el a bishita Aruba tambe y bishita Renaissance Island tambe, un di e lugarnan cu mas e gusta. Durante su estadia riba e isla, e la reserva 2 cabana completo pa henter e dia. Mayweather a yega Aruba algun dia pasa cu su yet priva y e siguiente anochi a celebra su cumpleaños cu un fiesta priva unda cu e artista local Angelo Figueroa a toca. Potretnan ta di e instagram account di Mayweather.
ORANJESTAD - Diasabra 27 di April, riba dia di rey, un grupo di cuidadano concerni a protesta durante e protocol di gobierno. E mensahe cu e grupo kier a trece dilanti ta entre otro: pa duna naturalesa un prioridad, pa para e construccion di hotels, pa tuma e crisis di medioambiente na serio, pa relfeha riba e efecto nan colonial di Hulanda, y pa tin accion pa cambio di clima.
BOGOTA – E conocido cantante Colombiano Yeison Jimenez a confesa cu droga a hera daña su presentacion di concierto aña pas ana Aruba. Den un entrevista cu e programa radial ‘Los 40 Colombia’, e la conta un anecdota di loke a sosode cu ne Aruba aña pasa. Por corda con na April di aña pasa riba un diasabra, e mester a bin Aruba pa duna concierto, pero a wordo debolbe bek riba e mesun avion debi na problema di permiso. Un dia despues, riba diadomingo 16 di April 2023 e la bolbe, pa cumpli cu e concierto. Ta durante e concierto aki, cu su episodio a tuma lugar.
ORANJESTAD – Conocido presentador di television Hulandes Yvon Jaspers a tende cu e ta un condecorado Real, ora cu e tabata na Aruba e siman aki. E la yega Aruba diahuebs, y a haya e yamada diabierna mainta. Pesey e no por a ricibi e premio personalmente. Tabata alcalde di Loenen aan de Vecht, di su premio, cu e la ricibi pa su trabou di television. E ta enfoca riba e bida di cunukeronan Hulandes entre otro.
ORANJESTAD - Diabierna 26 di april 2024 pa 7’or di mainta (ora local) a publica e edicion special di Staatscourant incluyendo un lista di e personanan na kende a otorga un Condecoracion Real e aña aki. Tradicionalmente e momento festivo aki, tambe conoci como Ocasion General, ta relaciona cu e cumpleaño di Su Mahestad, Rey Willem-Alexander, cu ta e Granmaestro di e condecoracionnan. Por otorga un condecoracion na personanan cu a duna un contribucion special na e sociedad.
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.