Tres minister di gabinete Wever Croes a vacuna contra Covid19

Posted on 02/22/2021 6:51 pm AST | Updated on 02/22/2021 6:54 pm AST

ORANJESTAD – Dialuna atardi tres minister di Gabinete Wever Croes a vacuna contra Covid1   9. Un decision cu segun informacion di e prome mandatario na noticiacla, a wordo tuma dialuna merdia. Manera cu e portal aki a informa mas prome, tabata preocupa cu e cifra di registro inicial di e grupo di 60+ cu mester a cuminsa vacuna e siman aki. E grupo aki ta mas of menos consisti di 17 mil persona. Pero ta apenas 5 mil so a registra, pues lagando 12 mil afo. Esey a pone cu contrario na e prome decision di no vacuna awor, y warda nan turno netchi manera tur hende, a opta pa tuma e rumbo aki. Tabatin hopi di e grupo cu no kier vacuna, cu kier a mira gobernantenan vacuna prome, y wak despues con ta bay. Y si nan vacuna, esta e gobernantenan, lo esnan cu ta contra, tambe dicidi. Por lo menos, esey tabata e gritonan eyfo. Y cu esey den mente, minister presidente Evelyn Wever Croes, Minister di Salud Dangui Oduber y minister di Economia Xiomara Maduro, a vacuna na Centro Libertador Betico Croes dialuna atardi. Nan tur a bisa cu nan no a sinti nada y cu nan a keda bon bon. 

  • RIVM: Tin 7 caso mas positivo di variante Britanico na Aruba

    RIVM: Tin 7 caso mas positivo di variante Britanico na Aruba

    ORANJESTAD – E siman aki (diamars) Hulanda a informa Aruba cu a detecta 7 caso nobo mas di e variante Britanico na Aruba. Esaki ta valido pa e ultimo dos siman cu a pasa. Asina prome minister Evelyn Wever Croes a informa noticiacla diahuebs durante conferencia di prensa. Cu e shete nan nobo, total Aruba (taba)tin 21 caso total. Tabatin pasobra mientrastanto tur e casonan ta di hende cu a recupera di e virus caba. Esey no ta kita afo cu e variante tambe a plama, aunke segun e mandatario, e no a plama mes hopi cu a kere. Informacion cu e portal aki tin sinembargo, ta bisa otro.   

  • Encuesta: Resistencia contra vacuna pa Covid19 a disminui

    Encuesta: Resistencia contra vacuna pa Covid19 a disminui

    ORANJESTAD – Segun e ultimo encuesta di noticiacla riba vacunacion contra Covid19, e resistencia entre esnan encuesta a disminui. Anteriormente tabatin un division casi di 50%, pero awor esaki a bira menos. Mientrastanto e proceso di vacunacion a cuminsa, mester bisa si cu entre esnan cu a participa na e encuesta,  mayoria a indica cu nan no a vacuna, pero ‘solamente’ 31% a bisa cu nan no kier tuma e vacuna at all. Esey ta un diferencia pues positivo. Pero atrobe, e encuesta no ta uno scientifico representativo, pero si ta duna un bista di kico ta biba eyfo. Un total di 501 persona a participa (e cantidad minimo pa e encuesta por tin un tipo di validez ta 500 persona). 

  • Diaranson tabata Dia Mundial di Bestia y Matanan salvahe

    Diaranson tabata Dia Mundial di Bestia y Matanan salvahe

    ORANJESTAD – Diaranson dia 3 di maart, 2021 a observa Dia Mundial di Bestia y Matanan Salvahe. Durante e di 68 asamblea general di Nacionnan Uni (UNGA), a proclama esaki riba 3 di maart 2013. E fecha aki ta e aniversario di firmamento di e convenio internacional cu ta regla traficacion internacional di especienan di flora y fauna cu ta bou menasa of ta den peliger, conoci como ‘Convention International Trade in Endangered Species of Wild Fauna and Flora (CITES).’

  • E raiz di obesidad ta profundo

    E raiz di obesidad ta profundo

    ORANJESTAD - Dia 4 di Maart ta dia mundial di Obesidad. Na Mundo 800 miyon hende ta biba cu obesidad. Na Aruba 36% di nos poblacion adulto di 20 aña of mas, ta sufri di obesidad. Esaki ta 1 den cada 3 adulto. Bo tin obesidad na momento cu bo tin un acumulacion abnormal of exceso di vet cu ta forma un peliger pa salud. Un di e metodo mas uza pa determina obesidad ta e Body Mass Index (BMI). Personanan cu ta biba cu obesidad tin mas riesgo pa haya malesanan cronico manera diabetes (malesa di sucu), malesa di curason y ader y cierto tipo di cancer. Tambe obesidad ta un factor di riesgo pa haya complicacion cu COVID-19.

  • Wever: Medidanan contra Covid19 lo keda na vigor por lo pronto

    Wever: Medidanan contra Covid19 lo keda na vigor por lo pronto

    ORANJESTAD – E presencia di e variante Britanico di Covid19 (a raporta 7 caso extra diahuebs pa un total di 21 caso total di variante nobo), cantidad halto di hospitalisacion y morto pa e virus, ta e motibo(nan) cu no por papia di suavisacion di e medidanan actual contra e virus. Asina prome minister Evelyn Wever Croes a contesta noticiacla diahuebs durante un conferencia di prensa. Segun e mandatario, no ta bay anuncia cada bez manera otro islanan ta anuncia updates, pero ta dicidi un biaha pa siman y ora cu tin cambio, lo anuncia esaki. 

  • Dos protesta awe mainta dilanti di Bestuurskantoor

    Dos protesta  awe mainta dilanti di Bestuurskantoor

    ORANJESTAD – Docentenan di Emma School kier un carta prome cu 9 di maart proximo di gobierno cu no tin fusering cu otro scol, sin participacion di sindicato Simar y e docentenan di e respectivo scol. Docentenan di Emma School y trahadornan di Stichting Ambiente Feliz a protesta diahuebs mainta dilanti Bestuurskantoor, mientras cu nan lidernan a entrega manifiesto na prome minister Evelyn Wever Croes,. Emma School su problema ta e future di e scol (fusering y mas asunto) y Stichting Ambiente Feliz ta pago di bashi premie di januari 2021 cu ainda no a wordo paga. Ambos grupo a wordo priminti pa minister di asuntonan social cu lo regla e asunto, pero nada ainda. 

  • Powered by SETAR