Den dos ora a vacuna 100 hende contra Covid19 na Saba

Den dos ora a vacuna 100 hende contra Covid19 na Saba

Posted on 02/22/2021 4:31 pm AST | Updated on 02/22/2021 4:43 pm AST

THE BOTTOM – Dialuna e prome ciudadanonan di e isla di Saba a haya nan vacuna contra Covid19. Contrario na islanan ABC cu a ricibi e vacuna di Pfizer, nan a haya e vacuna di Moderna. Den apenas 2 ora, e prome 100 personanan a keda vacuna. E prome tres personanan tabata un enfermera, e Gobernador di e isla y un dokter. E intencion ta pa completa e proceso di vacuna na April. Ta premira cu 80 pa 85% di e isla lo keda vacuna. E cantidad di vacuna cu e isla a ricibi ta 1500 y nan a yega Saba via helicopter diabierna. Nan lo vacuna te cu dia 1 di maart proximo cu e prome lote, mirando e cantidad di persona cu ta bin na remarke. E populacion completo ta 1915. Y na maart ora cu nan haya e siguiente lote, lo tur hende haya nan di dos vacuna.  

 

  • Na Bonaire casi mitar cu a test ayera pa Covid19, a sali positivo

    Na Bonaire casi mitar cu a test ayera pa Covid19, a sali positivo

    KRALENDIJK – Na Bonaire, casi mitar di esnan cu a test ayera pa Covid19 a sali positivo. E realidad ta cu di 37 persona cu a test diamars, 16 a resulta positivo. Y un persona mas a fayece cu ta haci e cantidad total di morto pa Covid19 na Bonaire 5. E situacion a pone cu di 25 caso activo, esaki a bula bay te 40 caso. Y tin un persona hospitalisa. Ademas, tin 68 persona den cuarentena.  Informacion no oficial ta cu e fuente di e brote aki tabata debi na un fiesta den un sportsbar, pero esaki no a keda confirma ainda. 

  • Gobernantenan di Bonaire tambe a vacuna awe contra Covid19

    Gobernantenan di Bonaire tambe a vacuna awe contra Covid19

    KRALENDIJK – Awe na Bonaire, e gezaghebber di e isla, esta sr Edison Rijna mes a ricibi su prome vacuna contra Covid19. Hunto cu ne, algun otro miembro di e gobierno insular manera diputado Nina den Heyer y Hennyson Thielman di MPB y James Kroon di UPB. Esaki debi cu mescos cu na Aruba, e comunidad local tabata hopi resistente pa cu e vacuna y tabata bisa mescos cu na Aruba, laga mandatario tuma esaki prome. Pesey e mandatarionan a dicidi awe e ora di tuma e vacuna, y spera cu nan sigui e mesun ehempel y mira cu e ta safe. Esnan cu a tuma e vacuna te awor ta mas tanto e Hulandesnan Europeo, Mericano y Latino cu a meld aan den categoria 60+. E proceso di vacunacion a inicia un siman pasa na Bonaire.  

  • Mega yate a perde control y crash den pier na St Maarten Yacht Haven

    Mega yate a perde control y crash den pier na St Maarten Yacht Haven

    PHILLIPSBURG – E Mega Yate ‘Go’ di casi 77 meter di largura a ‘crash’ den un pier na e St Maarten Yacht Haven diaranson mainta. Informacion cu e portal aki tin ta cu tabatin problema cu e computer, cu a faya y cu a pone cu e yate a perde control. Por a mira con poco poco e tabata drenta y crash den e pier y laga basta cos destrui. E ta un yate hopi conoci, aunke cu no ta conoci ken e doño actual ta. E yate ta uno grandi obviamente cu ta carta 16 invitado y doño y 19 tripulante. E ta manera un mini crucero, completo cu piscina, un helicopter pad, y mas. No ta conoci kico e daño ta bay costa e doño di e yate aki. 

  • E prome persona na Bonaire a ricibi su vacuna contra Covid19

    E prome persona na Bonaire a ricibi su vacuna contra Covid19

    KRALENDIJK – Dialuna mainta zr Henna Winklaar a bira e prome persona na Bonaire cu a ricibi su vacuna contra Covid19. Esaki a bay den presencia di entre otro diputado Nina den Heyer. Bonaire y Aruba a ricibi nan vacuna siman pasa diamars, y awe un siman despues e isla di flamingo a inicia su proceso di vacunacion. Potret cortesia Nina den Heyer. 

  • Saba ta ricibi su vacunanan contra Covid19 awe y ta vacuna dialuna

    Saba ta ricibi su vacunanan contra Covid19 awe y ta vacuna dialuna

    THE BOTTOM – E vacunanan contra Covid19 lo yega e isla di Saba diabierna atardi via helicopter for di St Maarten, y e isla lo cuminsa su proceso di vacunacion dialuna awor. Un total di 1200 persona a preregistra caba pa ricibi esaki. Diahuebs e ultimo entrenamiento a tuma lugar pa enfermeronan y voluntario.  

  • Bonaire a ricibi su prome lote di vacuna contra Covid19 awe

    Bonaire a ricibi su prome lote di vacuna contra Covid19 awe

    KRALENDIJK –Bonaire a ricibi su lote di dos mil vacuna Pfizer for di Hulanda diamars atardi. Cu buelo di KLM, na su yegada, e avion a haya un bon bini cu honor di bombero, y a keda ricibi pa gezaghebber di e isla Edison Rijna y diputado Nina den Heyer. Cu e yegada aki, e isla tambe ta cla pa cuminsa su campana di vacuna. Potret cortesia Nina den Heyer. 

  • Powered by SETAR