PHILIPSBURG- E hunta di supervision di Nagico Insurance a suspende su CEO Detlef Hooyboer. E compania a confirma esaki na The Daily Herald di St Maarten dialuna. Segun e hunta, pa motibo di confidencialidad, nan no por a duna mas detaye of mas informacion ya cu ta trata di un investigacion andando. E corant ta indica cu e suspension ta basa riba e hecho cu Hooyboer lo a duna contractnan lucrativo di Nagico, ora cu Hooyboer tabata sirbi como e gerente ehecutivo di Nagico na Aruba.
Sr Hooyboer tabata gerente di Nagico pa Aruba, Bonaire y Corsou prome na 2019 el a realoca pa St Maarten. Den un reaccion breve pa NoticiaCla, Hooyboer e tempo ey a confirma e informacion pa noticiacla.com pero a bisa tambe si cu aunke pa awor su enfoke ta pa St Maarten, e ta keda activo den region di Caribe, incluyendo Aruba. "Mi localidad lo ta flexible y lo wordo guia pa e necesidad di e grupo y e oportunidadnan cu presenta'. Hooyboer tabata encarga cu Nagico Aruba, Corsou y Bonaire y ta CEO di Nagico’s Life Company y tabata na cabez di e compania for di 2003 na Aruba. E la keda apunta CEO di Life Operations na December 2014. El a keda ta apunta como Group CEO di Nagico pa henter region di Caribe, y esaki tabata debi cu Nagico Group su oficina principal ta na St Maarten.
ORANJESTAD – Conocido presentador di television Hulandes Yvon Jaspers a tende cu e ta un condecorado Real, ora cu e tabata na Aruba e siman aki. E la yega Aruba diahuebs, y a haya e yamada diabierna mainta. Pesey e no por a ricibi e premio personalmente. Tabata alcalde di Loenen aan de Vecht, di su premio, cu e la ricibi pa su trabou di television. E ta enfoca riba e bida di cunukeronan Hulandes entre otro.
ORANJESTAD - Diabierna 26 di april 2024 pa 7’or di mainta (ora local) a publica e edicion special di Staatscourant incluyendo un lista di e personanan na kende a otorga un Condecoracion Real e aña aki. Tradicionalmente e momento festivo aki, tambe conoci como Ocasion General, ta relaciona cu e cumpleaño di Su Mahestad, Rey Willem-Alexander, cu ta e Granmaestro di e condecoracionnan. Por otorga un condecoracion na personanan cu a duna un contribucion special na e sociedad.
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.