OM: A seponer tanto acusacion di Melvin Tromp y premier Evelyn Wever Croes contra otro

OM: A seponer tanto acusacion di Melvin Tromp y premier Evelyn Wever Croes contra otro

Posted on 11/20/2020 5:16 pm AST | Updated on 11/20/2020 5:17 pm AST

ORANJESTAD - Ministerio Publico a declara acusacion di corupcion contra premier Wever Croes infunda. Asina vocero di ministerio publico Ann Angela a confirma pa noticiacla diabierna. Algun luna pasa oponente politico Melvin Tromp di AVP a entrega keho contra Prome Minister Evelyn Wever - Croes. E keho ta encera corupcion y ‘zelfverrijking’, y cu lo ta haci uso di bufete Croes Wever Ruiz pa e actonan aki. Y den e caso aki e mandatario a haci un contra denuncia pa valse aangifte y smaad. 

E CRITERIA

Segun Angela, Ministerio Publico ta haya cu no tin suficiente den e informacion aporta pa señor Tromp den su denuncia cu tin un sospecho razonable di hechonan castigable di parti di señora Wever. Tambe Ministerio Publico ta haya cu no por conclui cu señor Tromp tabata sa cu su denuncia no ta corecto. Ora di un denuncia falso, ministerio publico tin cu prueba cu esun cu entrega e keho, sa cu e contenido di e aangifte no ta corecto.Pa loke ta e declaracionan di señor Tromp contra premier, berdad nan no ta nechi y ta haci dolor, pero mester wak nan den contexto di politica na Aruba.

REACCION WEVER

Prome Minister Evelyn Wever-Croes semper a nenga e acusacion di sr Tromp den su declaracion y a declara semper cu e no ta hasi uso di servicionan di bufete di abogado. E unico biaha tabata na principio di gobernacion cu abogado Sjiem Fat tocante refineria door cu abogado Sjiem Fat tabata abogado di gobierno anterior. Segun sra Wever, esey no ta e caso cu abogadonan di Croes Wever Ruiz. Premier Wever tambe a entrega un keho contra sr Tromp di valse aangifte y smaad. Ambos keho a keda seponeert y ambos persona a haya un carta di tal. 

CARTA

Segun Wever, den e carta fecha 16 di november ultimo Ministerio Publico a declara e acusacion aki no funda. Cu e acusacionnan di Melvin Tromp no ta duna ningun sospecho di actonan castigable. E mandatario a manda un copia di e carta pa prensa como prueba. E mandatario ta cita tambe e texto: “ “Tevens maak ik van de gelegenheid gebruik om u te melden dat ik op basis van de door de heer Tromp aangeleverde informatie van oordeel ben, dat er geen sprake van een redelijk vermoeden van één of meerdere strafbare feiten.”

Riba esaki e mandatario tabatin e siguiente comentario: ”Cu esaki mi ta spera cu oponentenan politico madura y stop di trece mentira den comunidad, pasobra e berdad toch semper ta alcanza mentira” Prome Minister a declara riba su pagina di Facebook. 

 

 

  • Banco no kier habri cuenta pasobra doño ta sospechoso den caso penal

    Banco no kier habri cuenta pasobra doño ta sospechoso den caso penal

    ORANJESTAD – Den e caso cu Bochincha Container Yard (BCY) a inicia contra Aruba Bank, e banco su abogado mr Theresa Croes a argumenta entre otro awe mainta cu e status actual di e doño Otmar Oduber, ta un motibo cu no ta habri e cuenta.  Ademas,  abogado   Croes (por cierto tabatin representante di Anti Money Laundry Officer di e banco presente) a mustra cu autoridad ta obliga pa haci un investigacion di cliente y si tin risico, cu por tin fraude of labamento di placa, no ta tume como cliente. Banco Central di Aruba (CBA) ta obliga nan pa haci investigacion, y ora cu ta haya e riesgo mucho halto, nan no ta habri cuenta bancario. Ademas no ta compronde e interes di sr Oduber den e caso ami pasobra ta Bochincha Container Yard ta esun cu no por habri cuenta. Y ta bisa cu a tarda 4 luna pa un peticion pa habri cuenta. Ademas ta cuestiona e urgencia di e caso mirando cu a cuminsa un caso despues cu a habri e negoshi (BCY). A cuestiona tambe pakico no a demanda otro banconan y ta solamente Aruba Bank nan ta demanda. A mustra tambe cu prome cos cu tin cu haci, ora cu cuminsa un negoshi, ta habri un cuenta bancario. 

  • Bochincha Container Yard a hiba banco corte pasobra no kier habri cuenta bancario

    Bochincha Container Yard a hiba banco corte pasobra no kier habri cuenta bancario

    ORANJESTAD – Contrario na otro banconan comercial, ta te na final Aruba Bank a bisa cu nan no ta habri cuenta bancario pa Bochincha Container Yard. No manera otro banconan cu a bise no mesora ora cu el a bay eynan despues. Pues Aruba Bank a duna un impresion te final cu el lo a habri e cuenta. Asina e ex minister awor empresario Otmar Oduber a bisa huez awe mainta den Corte entre otro. Manera relata caba, awe mainta tempran Corte a cuminsa tratamento di e caso cu Bochincha Container Yard (BCY) di ex minister Otmar Oduber a inicia contra Aruba Bank pa motibo cu e instituto financiero no kier habri cuenta di banco pa e compania nobo cu ta opera comercialmente como Bonchincha Container Park. Den e prome puntonan presenta awe mainta, e abogado pa BCY mr Alan Kuster a argumenta cu ningun banco, incluyendo Aruba Bank kier habri un cuenta bancario. E motibo duna, ta cu e ‘escandalo cu e ta envolvi den dje, por trece publicidad negativo pa e banco’. A cuestiona e hecho pakico no ta cuestiona otro companianan. 

  • BCY a hiba banco corte pasobra no kier habri cuenta bancario

    BCY a hiba banco corte pasobra no kier habri cuenta bancario

    ORANJESTAD – Awe mainta tempran Corte a cuminsa tratamento di e caso cu e compania Bochincha Container Yard (BCY) di ex minister Otmar Oduber a inicia contra Aruba Bank pa motibo cu e instituto financiero no kier habri cuenta di banco pa e compania nobo cu ta opera comercialmente como Bonchincha Container Park. Den e prome puntonan presenta awe mainta, e abogado pa BCY mr Alan Kuster a argumenta cu ningun banco, incluyendo Aruba Bank kier habri un cuenta bancario. E motibo duna awe mainta segun e abogado di e banco, ta cu e ‘escandalo cu e (Oduber) ta envolvi den dje (e ta sospechoso den caso Flamingo), por trece publicidad negativo pa e banco’. A cuestiona e hecho pakico no ta cuestiona otro companianan. A resulta den corte cu e compania tabata haci transaccionan cu a lanta sospecho di e banco, unda cu lo ta violanto regla di Banco Central. Keda pendiente pa resultado di e caso.

  • Petra Smit a huramenta como abogado y uni cu bufete DKLegal

    Petra Smit a huramenta como abogado y uni cu bufete DKLegal

    ORANJESTAD - Petra Smit a huramenta como abogado y join bufete DKLegal.  Petra a gradua di Universidad di Aruba riba 13 di november 2019 y ta trahando na DKLegal desde augustus 2019 caba. Petra ta naci na Aruba y a bai studia na Hulanda despues cu ela slaag VWO na Colegio Arubano. Ela bai Hulanda pa studia criminologie, pero a ripara hopi lihe cu e trabao no ta uno 'riba caya' manera ela kere, sino lo ta den oficina henter dia ta lesa file tocante sosodidonan y traha rapport a base di esakinan. Ela disidi di stop cu e estudio criminologie y a bai studia algo completamente diferente, technische wiskunde. Petra semper tabata tin e 'exact paket' na Colegio y semper a gusta wiskunde. E ta mirele manera hunga puzzel, caminda cu mester busca un solucion pa un problema. Debi cu e materia tabata hopi avansa, lastimamente Petra mester a stop cu e estudio y no a logra haal su diploma. Na 2013 Petra a regresa Aruba sin diploma den man. Pa casualidad ela haja e chance di haci e curso di arbeidsrecht di Enseñansa pa Empleo. Di eynan Petra su interes pa studia ley a cuminsa y el a disidi di bai p’e y a logra su master diploma na november 2019. Petra ta mira su mes como un ehempel cu nunca ta laat pa cuminsa un reto nobo pa mehora bo mes, asta despues cu bo a faya den pasado. 

  • OM: A haci entrada hudicial awe atrobe relaciona cu caso Avestruz

    OM: A haci entrada hudicial awe atrobe relaciona cu caso Avestruz

    ORANJESTAD – Ministerio Publico diaranson merdia a confirma cu awe mainta trempan Landsrecherche bao guia di huez-comisario y den cooperacion cu Cuerpo Policial di Aruba y RST (Recherche Samenwerkingsteam), a tene huiszoeking na seis diferente sitio. 

  • A detene dama cu 35 mil dollar biahando pa Republica Dominicana

    A detene dama cu 35 mil dollar biahando pa Republica Dominicana

    ORANJESTAD - Aduana a detene ayera durante un control na aeropuerto internacional Reina Beatrix un pasahero femenino cu tabata viahando pa Republica Dominicana. E pasahero aki a keda sin meld cu e tabatin mas cu 35.000 Dollar den su posesion. E placa a wordo tuma den beslag y e persona a wordo entrega na Polis. E ta wordo sospecha di labamento di placa y keda sin meld un suma grandi di placa. 

  • Powered by SETAR