Implementacion di Codigo di Proteccion den sector hudicial

Implementacion di Codigo di Proteccion den sector hudicial

Posted on 11/20/2020 4:29 pm AST | Updated on 11/20/2020 4:29 pm AST

ORANJESTAD - Codigo di Proteccion ta un di e proyectonan grandi di Sociaal Crisis Plan cu ta den pleno preparacion pa wordo implementa oficialmente y cu ta ancra den Ley den e sectornan di Husticia, Enseñansa, Social y Salubridad publico. Den e ultimo lunanan a tuma luga diferente trayecto, training, workshop y tayer den tur 4 sector como parti di e preparacionnan pa e trayecto di implementacion di e Codigo di Proteccion.

E enfoke ta pa ekipa tur profesional den e sectornan cu ta traha directamente cu hoben y mayor, pa asina nan por maneha un caso di sospecho di abuso si mucha debidamente, uzando e Ley di Codigo di Proteccion. 

“Den sector di husticia a cuminsa traha cu e instancianan y stakeholdersnan cu ta traha directamente cu mucha, hoben y mayornan na prome luga. A tuma un “top-down approach” pa asina sigura e cooperacion di parti di e directivanan di e instancianan den sector di husticia pa cu e trayecto di implementacion di e Codigo di Proteccion cana e caminda corecto. Den e trayecto aki a cuminsa cu un analisis intensivo un “nul-meting” riba e procesonan y proceduranan actual di cada instancia ora ta trata di señala y pasonan cu ta wordo tuma pa maneha casonan di abuso di mucha. Parti e trayecto aki ta cu e profesionalnan ricibi training pa cu e metodo central di “Signs of Safety” cu lo wordo uza den e Ley di Codigo di Proteccion ” - Dorilis Werleman, Lider di Proyecto di Husticia a elabora. 

E meta principal di e Codigo di Proteccion aki ta pa percura pa tur mucha na Aruba por crece den un ambiente di siguridad y fortalece e structura di cuido y trahamento hunto entre e profesionalnan dentro di e instancianan esencial, cu ta forma un parti hopi importante den e bida di un mucha y un hoben. Den e etapa final di aña 2020 y comienzo di aña 2021 lo bay tuma luga diferente accion concreto y determinante dentro di e 4 sectornan pa asina finaliza e preparacion di implementacion di e ley di Codigo di Proteccion. 

Pa mas informacion tocante e Ley di Codigo di Proteccion por tuma contacto cu Coordinador Nacional di Proyecto sra. Sue Ann Lacle-Ras via email [email protected] 

  • Aeropuerto di Aruba ta ricibi “Airport Carbon Accreditation Level 2”

    Aeropuerto di Aruba ta ricibi  “Airport Carbon Accreditation Level 2”

    ORANJESTAD – Aruba Airport Authority N.V. (AAA) compania cu ta maneha y opera Aeropuerto Internacional Reina Beatrix (Aeropuerto di Aruba) orguyosamente a anuncia su logro mas recien, e “Airport Carbon Accreditation Level 2”. 

  • Encuesta: Partidonan politiconan mester haya e kiezersregister dia di eleccion?

    Encuesta: Partidonan politiconan mester haya e kiezersregister dia di eleccion?

    ORANJESTAD – E pregunta cu si partidonan politico mester por haya e asina yama ‘kiezersregister’ cu ta contene informacion di ciudadanonan, a keda trata den corte awe. Diaranson merdia huez lo dicta e sentencia,.  Noticiacla y Doc Opleiding kier sa kico bo ta pensa di e asunto. Como tal a traha un encuesta pa asina haya sa bo sentiment riba e asunto. Manera semper, bo participacion ta keda anonimo y e resultado ta wordo usa netamente pa motibo noticioso. Pa participa, click AKI. 

  • Aruba a registra 4 caso positivo nobo di Covid19 awe

    Aruba a registra 4 caso positivo nobo di Covid19 awe

    ORANJESTAD - Segun resumen di awe  , a registra total 4 caso nobo di Covid-19, di cual tur ta residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 364 test. 'Positivity rate' entre nos residentenan ta 7% y 3 persona a recupera.

  • Encuesta politico di Noticiacla y Doc Opleiding riba debate #2 di KvK

    Encuesta politico di Noticiacla y Doc Opleiding riba debate #2 di KvK

    ORANJESTAD – Manera tabata e caso biaha pasa, despues di e dos debate di Camara di Comercio diahuebs anochi, Noticiacla y Doc Opleidingen ta presenta su encuesta pa su usuarionan pa asina midi e resultado di e debate aki. Manera semper, e participantenan di e encuesta ta keda anonimo y e contestanan ta wordo usa pa metanan noticiero so. E debate lo keda habri pa 48 ora y lo presenta e resultado despues. Pa participa na e encuesta, click AKI. 

  • DOW: Tur cos ta cla pa opera e incinerator na Parkietenbos

    DOW: Tur cos ta cla pa opera e incinerator na Parkietenbos

    ORANJESTAD – Tur cos ta cla pa cuminsa opera e incinerator na Dump, y mes momento a purba clarifica tur mal informacion cu ta circulando ultimo tempo den medionan di comunicacion. Director di e departamento Marlon Croes diahuebs den un conferencia di prensa a splica e.o. e motibo cu DOW a haya e operacion den su man for di Serlimar. Si esaki no a sosode, e ekipo lo a keda para sin uso cu ta capital vernieteging. refuta e.o. e suma di placa cu ta wordo menciona di e operacion y un cantidad di otro asunto. Segun Croes, DOW a haci tur ahustacion necesario conforme un sentencia di huez di aña pasa cu a pone cu nan a haya tur permiso necesario (hindervergunning) pa por cuminsa opera e incinerator. Tambe DOW a cumpli cu tur e rekisitonan stipula pa corte, manera un bandera ora di opera, un windvaan, pa check e direccion di biento. Tambe mester un monitoring system pa e emicionan cu e incinerator lo por produci. Tur ta cosnan cu DOW a inverti pa por a cumpli conforme e sentencia.  A splica cu debi cu e compania CTC ta e unico cu ta certifica pa opera esaki, a ‘outsource’ e trabou na nan y ta e supplier di e ekipo aki. AWor ta bay pa e asina yama site acceptance test pa wak si e incinerator ta cumpli cu tur rekisito. E intencion segun DOW ta pa procesa cadaver, desperdicio medicinal, y slip cu ta wordo produci. Tur e componentenan aworaki ta wordo kima den aire liber, cu ta malo pa salud.     

  • Casonan positivo diario di Covid19 na Aruba a subi atrobe

    Casonan positivo diario di Covid19 na Aruba a subi atrobe

    ORANJESTAD - Segun resumen di awe a registra total 10 caso nobo di Covid-19, di cual1 ta no-residente. E cantidad total di testnan ehecuta ayera na e diferente localidadnan na Aruba, entre otro laboratorio di hospital, laboratorionan priva y aeropuerto ta 356 test. 'Positivity rate' entre nos residentenan ta 14% y3 persona a recupera. 

  • Powered by SETAR