Entrante mañan tur biahero di Corsou mester test pa COVID19 ora yega Aruba

Entrante mañan tur biahero di Corsou mester test pa COVID19 ora yega Aruba

Posted on 11/20/2020 4:13 pm AST | Updated on 11/20/2020 5:12 pm AST

ORANJESTAD - Crisis Team Covid-19 ta informa cu mirando e desaroyonan di COVID-19 na nos hermana isla Corsou Gobierno di Aruba a dicidi pa suspende e exoneracion di test pa biaheronan procedente for di Corsou entrante diasabra 21 november 2020. For di algun siman caba, biaheronan procedente for di Corsou no mester a test, mirando cu e situacion di riesgo entre e dos islanan tabata similar, y pa facilita biahamento entre e dos islanan.Sinembargo, e situacion di contagio na Corsou a conoce un aumento, treciendo como consequencia cu no ta keda otro opcion pa descontinua e exoneracion aki. Entrante diasabra 21 di November 2020, tur pasahero procedente for di Corsou mester haci un test di COVID-19 prome cu e biahe pa Aruba, of na yegada na aeropuerto di Aruba, mescos cu ta conta pa pasaheronan cu ta yega for di otro destinacionnan cu Aruba ta habri pa nan. Pasaheronan cu ta biaha den e proximo tres dianan, cu a registra na e online ED system caba y no a test ainda, lo haya e oportunidad pa haci e test na yegada na nos aeropuerto (riba propio gasto) of por opta pa bay pa 10 dia den quarantena. Pasaheronan por acudi cerca nan aerolinea of na www.aruba.com pa mas informacion. Compara cu Aruba cu tabatin apenas 5 caso positivo, Corsou a conoce 60 y Bonaire 2. 

  • Centro pa Hoben y Famia a ricibi bishita di Parlamento di Aruba

    Centro pa Hoben y Famia a ricibi bishita di Parlamento di Aruba

    ORANJESTAD - Siman pasa tabata tin e apertura virtual oficial di Centro pa Hoben y Famia. En conexion cu esaki, Centro pa Hoben y Famia a invita Parlamento di Aruba pa un bishita pa asina nan sera conoci cu e centro aki y tambe e servicionan cu esaki ta ofrece na e comunidad di Aruba. 

  • Nagico Insurance a suspende su CEO Detlef Hooyboer

    Nagico Insurance a suspende su CEO Detlef Hooyboer

    PHILIPSBURG- E hunta di supervision di Nagico Insurance a suspende su CEO Detlef Hooyboer. E compania a confirma esaki na The Daily Herald di St Maarten dialuna.  Segun e hunta, pa motibo di confidencialidad, nan no por a duna mas detaye of mas informacion ya cu ta trata di un investigacion andando. E corant ta indica cu e suspension ta basa riba e hecho cu Hooyboer lo a duna contractnan lucrativo di Nagico, ora cu Hooyboer tabata sirbi como e gerente ehecutivo di Nagico na Aruba. 

  • Colombiano acusa di asesinato, a keda extradita for di Aruba

    Colombiano acusa di asesinato, a keda extradita for di Aruba

    ORANJESTAD – E Colombiano Hector Enrique V. (20) a keda extradita e siman aki di Aruba pa Australia y na su yegada na e pais Australiano diamars (ora di Australia), keda acusa formalmente di asesinato di e muher di Coogee, Kimberley McRae mas prome e aña aki. Despues di un investigacion internacional, polis local (di Aruba) a detene e Colombiano na Februari di e aña aki. El a keda transporta e siman aki y a ateriza diamars na aeropuerto di Sydney diamars mainta. A hibe warda di polis di Surry Hills, unda cu a acuse formalmente di e morto. E curpa di e victima a wordo haya na januari di e aña aki. E noticia di e traslado for di Aruba a domina medio internacional diamars. 

  • Hilton Aruba Casino ta haci donacion di oranan boluntario na FPNC

       Hilton Aruba Casino ta haci donacion di oranan boluntario na FPNC

    PALM BEACH – Miembronan di e team di Hilton Aruba Caribbean Resort & Casino a contesta e peticion pa trabaonan boluntario y haci un donacion di hopi ora di trabao na e isla su banco di cuminda durante luna di November 2020, trahando conhuntamente cu miembronan di e resort.

  • Hobennan di Aruba den debate cu hobennan di Bonaire y Curacao

    Hobennan di Aruba den debate cu hobennan di Bonaire y Curacao

    ORANJESTAD - Den cuadro di dia Nacional y Internacional di Derecho di mucha y den cuadro di e proyecto #MyNewWorld di Unicef Nederland, hobennan di Aruba a debati cu hobennan di Bonaire y Curacao tocante diferente ponencia. 

  • AHATA: “Excellence in 2020 Awards” ta reconoce empleadonan ehemplar

    AHATA: “Excellence in 2020 Awards” ta reconoce empleadonan ehemplar

    ORANJESTAD -  Aruba Hotel & Tourism Association (AHATA) ta organiza e ‘AHATA Excellence Awards’ anualmente pa honra e empleadonan excepcional di nos industria turistico. Debi na e pandemia di COVID-19, e anochi especial no por tuma luga e aña aki. Sinembargo, ta importante pa reconoce e empleadonan cu den un aña devastador manera 2020 a mantene un nivel halto di motivacion y productividad. E crisis ta exigi un compromiso renoba di un y tur pa reconstrui nos economia, y mas cu nunca AHATA ta determina pa honra e personanan cu a contribui extraordinariamente durante e temporada sin precedente cu Aruba su turismo a enfrenta.

  • Powered by SETAR