Encuesta: Coalicion actual no mester bolbe despues di eleccion 2021

Posted on 10/29/2020 9:59 am AST | Updated on 10/29/2020 3:39 pm AST

ORANJESTAD – E coalicion actual (MEP, POR y RED) no mester bin bek despues di e proximo eleccion pa Parlamento di Aruba na 2021. Por lo menos esaki mayoria di esnan cu a participa den e encuesta mas nobo di noticiacla.com e siman aki ta opina. Nan kier un otro coalicion, cu partidonan nobo. Y cu otro partido, no ta referi na esnan den oposicion actualmente, pasobra nan (oposicion: red) tambe a haya mal punto. Tambe ta notable cu e grupo di hende cu ainda no sa pa ken nan vota, ta basta halto. Y finalmente, segun esnan encuesta, tanto gobierno como Parlamento a maneha e topico hopi actual ainda esta e ‘caso’ di mocion contra awor ex minister Marisol Lopez ‘hopi malo’.

SI ELECCION TABATA AWE

Un di e preguntanan principal di e encuesta ta cu si en caso eleccion pa Parlamento di Aruba tabata awor, envez di otro aña (2021), kico lo tabata e preferencia di esnan encuesta. Aki e grupo mas grandi cu a yena e parti aki cu a participa (47.05%), a rechaza e gabinete actual den su constelacion actual y kier algo totalmente diferente, sigui pa un gobierno di un solo partido cu tabata 26.48%. E siguiente opcion cu a haya basta voto, tabata e grupo cu no sa ainda pa ken nan vota. E cantidad persona cu a scoge e opcion aki tabata 19.90%, cu ta pone nan na di tres lugar. E dos gruponan cu a sali na ultimo lugar ta e opcion pa laga e coalicion manera cu e ta aworaki (MEP, POR y RED) bolbe despues di e proximo eleccion. Un 3.81% a scoge e opcion aki sigui pa e grupo cu no ta interesa ni den un coalicion di e partidonan di oposicion actual, cu ta 2.76%. E encuesta ta mustra pues cu entre esnan cu a participa, ta cla pa aire nobo, cu partidonan nobo den un forma di coalicion.

MANEHO DI CRISIS

E encuesta ta plantea tambe varios situacion cu gobierno a haya su mes y ainda ta aden, y a puntra esnan cu a participa, con nan ta haya cu gobierno (y uno pa Parlamento) a maneha of ta manehando esaki. Aki tambe gabinete actual no a sobresali, cu excepcion di un crisis, cu ta esun di COVID19. Aki nan a score miho, esta 3.22 for di un escala di 5 unda 1 tabata hopi malo y 5 Hopi. Gobierno no a score bon tampoco cu e situacion di awor ex minister Marisol, unda cu e average cu esnan cu a participa, a duna gobierno un average 1.93 punto di un total maximo di 5 cu tabata posibel. Parlamento tambe a score abou cu un average di 1.68 punto for di un escala di 5 unda 1 tabata hopi malo y 5 hopi bon. Pa loke ta e ultimo situacion, cu ta e negociacion cu Hulanda, Gobierno a score un average di 2.30 punto y for di un escala di 5 unda 1 tabata hopi malo y 5 hopi bon. Pues no mucho bon tampoco. E cantidad di persona cu a participa tabata 1052 y e encuesta tabata habri pa 3 dia.

Corda participa den encuesta di Noticiacla: Con abo lo vota si tin eleccion awe?
ORANJESTAD – Gabinete Wever-Croes II ta na mitar caminda di su gobernacion. E proximo eleccion Parlamentario ta programa pa ta na 2025. Pero si tabatin eleccion Parlamentario nobo awe, con abo lo vota? Pa cua partido abo lo vota? Abo lo vota? Noticiacla ta curioso pa sa dibo, kico bo lo haci. E resultado ta wordo usa netamente pa metanan noticioso. Esaki no ta un encuesta cientifico y ta totalmente anonimo. E ta un forma digital pa midi e pensamento di e siguidornan di noticiacla. Si bo kier participa, e ta dura 1 minuut di bo tempo. Pa participa, click AKI.
Mas Local
Lesa Mas
DOW: Ta habri caminda bek na Palm Beach fin di October!
PALM BEACH – DOW a anuncia diaranson cu e proyecto di pasada di awacero, esta Regen Water Afvoer na Palm Beach ta keda completa awor pa fin di October. Por lo menos, esaki ta nan pensamento. Un proyecto cu mester a keda cla algun luna pasa pero a conoce un retraso gigantesco.
Mas Local
Lesa Mas
TOPA a duna gobierno ultimatum pa trata prestatiemanagement
ORANJESTAD – Gobierno di Aruba a haya 3 siman pa reactiva e negosacionan riba ‘Prestatiebeoordeling Overheidspersoneel” sino e tin cu asumi e consecuencianan cu por ta un welga di parti di e sindicato. Asina sindicato TOPA a informa e prome mandatario Evelyn Wever Croes diaranson mainta. Un grupo di delegado y directiva di e sindicato a entrega e mandatario e manifiesto dilanti Bestuurskantoor awe mainta 8’or y mei. “Sindicato TOPA conhuntamente cu su delegadonan lo keda den espera di sinta cu gobierno pa haya un contesta encuanto e manifiesto. A compronde cu e ‘buchi’ di e sindicato a yena y como tal a opta pa tuma e paso mas drastico aki awe mainta. Segun e sindicato, ta mustra cu gobierno no tin interes mas pa papia riba e tema y a laga esaki un banda.
Mas Local
Lesa Mas
Telefon pa Hubentud: I Stopped It, Committed to stop Violence!
(VIDEO ADVERTORIAL)
Mas Local
Lesa Mas
Wever: Driekel na rotonde di Eagle Beach ta representa resiliencia, forsa y amor pa Aruba
ORANJESTAD - Dialuna atardi, Prome Minister Evelyn Wever-Croes a bishita e retondo na Eagle Beach pa aprecia e obra di arte ‘driekiel’ cu a wordo instala, como recordatorio di ta e prome habitantenan di pais Aruba. Hopi ta esnan cu ta pasa riba e retondo pa admira e obra aki, y hasta baha pa por saca potret.
Mas Local
Lesa Mas
DPL ta anuncia numbernan nobo di contacto.
(ADVERTORIAL)
Mas Local
Lesa Mas