KVK: Dunado di trabou semper tin e opcion pa pone su negoshi temporalmente 'dormant'

KVK: Dunado di trabou semper tin e opcion pa pone su negoshi temporalmente 'dormant'

Posted on 10/23/2020 4:06 pm AST | Updated on 10/23/2020 4:10 pm AST

ORANJESTAD – Camara di Comercio y Industria Aruba (KvK) a comparti varios biaha su pensamento riba e pasonan cu Aruba mester tuma pa combati e crisis economico. Tin cu tuma varios pasonan pa reduci e “cost of doing business”, optimalisa procesonan cu entrepreneurs mester sigui prome cu nan por lanta un negoshi y ta hopi esencial pa e leynan laboral wordo flexibilisa mas pronto cu ta posibel. 

Tur e pasonan menciona ta importante pa por garantisa e chens di sobrevivencia di mas tanto negoshi posibel. Un recuperacion rapido di nos economia ta solamente posibel si por logra salba negoshinan di bay bancarota. Gastonan fiho di negoshi cu ta inclui mas cu solamente paga salario di e empleadonan lo keda existi, mientras cu e entrada di practicamente tur negoshi a reduci drasticamente. 

E circunstancia actual por conduci na e situacion cu e dunado di trabou ta opta pa para tur actividad economico di su compania. Tin algun opcion si un comerciante ta desea di descontinua su negoshi. 

E procedura pa cera un negoshi ta depende di e tipo di negoshi. Pa eenmanszaak y VOF, e opcion ta pa cancela e compania completamente.

Na momento cu un entidad legal (por ehemplo un NV of VBA) stop di ta economicamente activo, e doño tin basicamente dos opcion. E por opta pa pasa den e procedura di “ontbinding” di e compania, pero e por scoge tambe pa “opheffing” di e compania. 

Den caso cu e doño ta convenci cu e negoshi mester wordo cera temporalmente, pero cu den futuro e compania lo ta activo atrobe, por opta pa opheffing. Esey ta nifica cu ta pone e negoshi riba status dormant (“actief zonder onderneming”), pero e entidad legal mes ta keda existi. E doño ta sigui paga e contribucion anual na KvK y tambe haci declaracion na Departamento di Impuesto (DMP). 

E beneficio grandi di pone un negoshi temporalmente dormant na KvK ta cu esey ta habri e posibilidad pa por reactiva e negoshi na cualkier momento, sin tin cu pasa atrobe door di e proceso di lanta un entidad legal nobo. Tambe ta declara na DIMP cu e ingreso ta nihil.

Si no tin intencion pa reactiva e negoshi den futuro, y no kier tin nada mas di haber cu e compania, e ora mester cuminsa e proceso di ontbinding. E negoshi ta wordo likida, dus no mester paga contribucion anual mas, tampoco entrega declaracion na DIMP. 

Por haci cancelacion via “MijnKvK-account” online, of por haci un cita pa pasa na KvK pa wordo yuda personalmente. E pasonan pa cera un negoshi ta poni detayadamente riba e website di KvK, den e seccion di FAQ. Pa lesa mas tocante ontbinding y opheffing di un compania, por bishita nos website: https://arubachamber.com/pages/faq R3 What to do when I want to discontinue my business?

 

 

  • Ultimo dianan pa ayudo cu inkomstenbelasting pa persona di edad 60+

    Ultimo dianan pa ayudo cu inkomstenbelasting pa persona di edad 60+

    ORANJESTAD – Departamento di Impuesto ta informa cu su campaña pa yuda cu yenamento di e declaracion (aangiftebiljet) di inkomstenbelasting 2019 ta yegando su final. Den e siguiente dianan te cu diabierna, 27 di November, e personanan di edad 60+ cu ta cumpli cu e condicionnan por bin na remarke pa haya ayudo.

  • JetBlue a inaugura buelo for di Newark pa Aruba

    JetBlue a inaugura buelo for di Newark pa Aruba

    ORANJESTAD – Aruba Airport Authority N.V. (AAA) den presencia di Aruba su Minister di Turismo Dangui Oduber, CEO di ATA Ronella Tjin Asjoe-Croes, CEO di AHATA Tisa LaSorte, jetBlue General Manager AUA/CUR Karen King y otro partner y stakeholder a yama bonbini na jetBlue su buelo inaugural for di Newark (EWR) pa Aruba (AUA). 

  • CAft: Spaarmento di 5 miyon mensual den AZV ta sigui den 2021

    CAft: Spaarmento di 5 miyon mensual den AZV ta sigui den 2021

    DEN HAAG/ORANJESTAD – E medida imponi pa conseho di minister di Reino (RMR) na Aruba pa reduci 5 miyon di AZV pa luna ta keda vigente tambe den 2021. Asina presidente di e colegio di supervision financiero CAft Raymond Gradus a contesta den e programa Noticiacla LIVE diahuebs anochi. Por lo menos esey ta e conseho di e colegio na RMR. Ademas el a clarifica cu contrario na pensamento di e sector medico na Aruba, E suma cu CAft a sugeri na RMR pa wordo reduci den AZV, ta enberdad 5 miyon pa luna, y no pa aña. 

  • CBA: E percepcion di negoshi na Aruba ta keda pesimista

    CBA: E percepcion di negoshi na Aruba ta keda pesimista

    ORANJESTAD - Banco Central di Aruba (BCA) recientemente a conclui e encuesta di percepcion di negoshi pa e di tercer trimester di 2020. E encuesta di percepcion di negoshi ta evalua e percepcion economico y confiansa di e negoshinan local, como tambe e impacto continuo causa pa e pandemia di COVID-19 riba condicionnan economico y actividadnan di negoshi.

  • BCA: Encuesta di Corupcion 2020. Corupcion percibi ta persisti den 2020?

    BCA: Encuesta di Corupcion 2020. Corupcion percibi ta persisti den 2020?

    ORANJESTAD – Pa di tres aña consecutivo, Banco Central di Aruba (BCA) lo tene e “Encuesta di Corupcion” cuminsando dia 16 di November 2020. E encuesta digital aki ta inclui, entre otro, preguntanan relata na e nivel di corupcion, e experiencia cu corupcion na momento di haci uso di servicionan particularmente den e sector publico y e necesidad pa medidanan adicional pa combati corupcion.  

  • Awe Lotto di Dia su jackpot ta roll down

    Awe Lotto di Dia su jackpot ta roll down
  • Powered by SETAR