Lacle: Ley di samenscholing no ta efectivo y ta mara man di polis

Lacle: Ley di samenscholing no ta efectivo y ta mara man di polis

Posted on 09/16/2020 5:28 pm AST | Updated on 09/16/2020 5:31 pm AST

ORANJESTAD – Un di e medidanan cu gobierno a tuma pa combati samenscholing tin un problema pa ehecuta of mehor dicho, tin efecto. Segun vocero di polis Lito Laclé na e portal aki noticiacla, tin parti di e ley, cu ta pone cu polis no por actua corecto y multa hende cu ta kita henter e efecto di e medida. Esey ta debi cu tin un articulo den e ley cu ta complica e situacion. E caso ta cu awor polis por actua, pero nunca por duna multa of detene un hende pa e violacion di samenscholing pasobra den practica, e personanan no a viola e ley. Laga nos splica.

KICO TA E SITUACION

Manera cu e ley ta poni aworaki segun Laclé, ora cu polis yega na un sitio cu tin mas cu 5 persona of 40 persona mes, e grupo aki de facto no ta ‘violando un ley’. Nan ta viola e ley solamente unabez cu polis duna nan e ordo pa ‘hala’ di e lugar y nan no cumpli cu e orden. Y casi semper, nan ta scucha. Pero, ora cu polis bay, nan por bolbe bin hunto, p.e. un otro caminda, y aki polis atrobe por bin y hala nan. Si nan scucha, nada no ta pasa. Y asina e cos ta sigui den un forma di wega. Pues e regla no tin efecto pasobra e grupo ta sigui forma y ta kibra e esencia di e meta di e ley, cu ta ‘evita cu gruponan ta forma hunto’. 

SOLUCION

 

E solucion manera cu a wordo splica, ta cu mester elimina un di e articulonan aki, esta articulo 4. Pa e ley aki tin efecto, polis mester por actua asina cu nan a yega. Pues si polis yega y haya un grupo di 4 of 40 mes hunto, esey so caba ta motibo pa duna nan un multa of detene nan, pasobra nan a viola e regla di samenscholing. Laclé y otro polisnan ta sinti, cu e ley den su structura actual, no ta yuda cu e proposito y ta ‘tempo perdi’, y pesey polis ta considera nan man mara den esaki. A lo menos cu ta esey ta loke ta e meta di e crisis team.  

  • Denuncia contra Banco Central di Curaçao y St. Maarten a resulta den sepot

    Denuncia contra Banco Central di Curaçao y St. Maarten a resulta den sepot

    ORANJESTAD/WILLEMSTAD - Na juni 2019 Ministerio Publico di Curaçao a pasa e investigacion di Landsrecherche di Curaçao tocante e dunamento di informacion door di Banco Central di Curaçao y Sint Maarten (CBCS) y su presidente-director interino, pa Ministerio Publico di Aruba. 

  • Tres persona a tira atraco na Jucuri y bay cu joyas

    Tres persona a tira atraco na Jucuri y bay cu joyas

    ORANJESTAD - Pa 7.06 pm diaranson anochi, central di polis a haya un yamada cu 3 persona cu a papia papiamento cu accento spaño a drenta un cas na Jucuri caminda tawatin dos dama presente y a bay cu un cantidad di joyas. Arma no a wordo usa den e caso aki. E tres malhechornan masculino a huy for di e sitio den un auto preto.Recherche di Santa Cruz a presenta na e sitio y a tuma e investigacion over. Cuerpo Policial ta pidi pa es cu a wak algo of sa algo jama tiplijn di polis cu ta 11141.

  • Homber ta cay na awa na pier na Savaneta y hoga

    Homber ta cay na awa na pier na Savaneta y hoga

    SAVANETA – Un homber t\a cay na awa na pier na Savaneta y hoga diaranson tardi. Segun vocero policial Lito Laclé, pa 3:06 central di polis ta wordo notifica di un caso di hogamento na e pier pabou di Marinierskazerne. 

  • E pakico ta opta pa test un automobilista pa alcohol of cere pa buracheria

    E pakico ta opta pa test un automobilista pa alcohol of cere pa buracheria

    ORANJESTAD – Un persona cu no a wordo haya ta core iresponsabel of ‘burachi’, no por wordo cera (of deteni) pa e cargo ey e ora. Asina noticiacla a compronde dialuna mainta di autoridadnan competente policial. E pregunta ta bin a raiz di e situacion cu a surgi diasabra anochi envolviendo un ex minister. Semper ora cu ta encera un mandatario, sea den funcion of cu e tabatin e funcion ey, e ta hala hopi atencion, localmente y rond di mundo. E pregunta ta surgi, den e caso aki, pakico a permiti e ex minister aki bay cas y no cere, of no pone blaas. 

  • WardaCosta hunto cu militarnan di defensa lo keda patruya frontera intensivo

    WardaCosta hunto cu militarnan di defensa lo keda patruya frontera intensivo

    ORANJESTAD – Ultimo simanan WarcaCosta cu asistencia di Defensa den Cariba  a intensive e patruyanan na Costa y den awanan territorial. E intensificacion di e patruyanan ta un resultado di e crisis di corona cu ta asotndo henter mundo y tambe nos islanan, e comunicado ta reitera. Segun Warda Costa, e asistencia di militarnan na costa ta encera patruyanan cu ta ser eheucta pa e militarnan na diferente localidad riba tera. E intensificacion di e patruyanan den e periodo di crisis di corona, ta principalmente pa controla e traficacion ilegal di mercancia y personaan cu ta ahci intento pa yega e islanan cu entre otro droga, municion y cu risico cu e personanan por ta infecta cu e virus COVID19. Warda Costa ta haci suplica na habitantenan pa na momento cu mira algo sospechoso of peligroso riba laman of na costa, pa yama Warda Costa riba e number 913. E number aki ta alcansabel di dia y anochi. Barcunan riba laman tamnbe por tuma contacto cu e centro di rescate di Warda Costa via di e canal VHF na momento cu nan mira algo sospechoso of peligroso riba laman.

  • Atraco arma awe mainta na Falal Minimarket

    Atraco arma awe mainta na Falal Minimarket

    ORANJESTAD - Awe mainta  7.12 central di polis a haya un jamada cu un atraco a tuma lugar na Falal Minimarket den Caya Frere Arnold. Na yegada di patruya e persona ta splica cu 2 persona masculino cu arma di candela lo mester a atraca e persona trahando den e minimarket. Durante e atraco un di e atracadonan lo mester a dal e victima cu e arma den su cabes di tal manera cu e mester a wordo transporta pa hospital. Atraco team a presenta na e sitio y a tuma e investigacion over. Cuerpo Policial ta pidi pa es cu a wak algo of sa algo jama tiplijn di polis cu ta 11141.

  • Powered by SETAR