Ministernan Plenipotenciario di Aruba, Corsou y St Maarten a atende Prinsjesdag

Ministernan Plenipotenciario di Aruba, Corsou y St Maarten a atende Prinsjesdag

Posted on 09/15/2020 2:23 pm AST | Updated on 09/15/2020 2:24 pm AST

DEN HAAG  – Ministernan Plenipotenciario di Aruba, Corsou y St Maarten a atende Prinsjesdag awe. Asina e mandatario di Aruba a in-forma diamars merdia. Sr. Besaril tabata invitado special pa Prinsjes-dag como miembro di Conseho di Minister di Reino (Rijksministerraad) y ta sinta hunto cu su colega Minister Plenipotenciario di Curaçao y St. Maarten.

E aña aki e apertura di e aña parlamentario tabata otro pa motibo di e situacion cu corona. Pa cuminsa e ceremonia a tuma lugar den De Gro-te Kerk na Den Haag y no den Ridderzaal manera ta e custumber. Tambe no tabata tin e desfile di Rey Willem Alexander y Reina Maxima den koets for di Palacio Noordeinde pa Ridderzaal. E pareha real a bai cu auto na De Grote Kerk. E cantidad di invitadonan a wordo limita – pa mantene e distancia di 1.5 meter – na 270, enbes di 1000 tur aña den e Ridderzaal. 

Na e ocacion aki Rey Willem Alexander a tene un discurso (troonrede) unda e ta elabora riba e plannan di Gabinete Rutte III pa e siguiente aña. Pa loke ta e parti Caribense di Reino, Rey Willem Alexander a bisa cu ta wordo papia cu e paisnan cu e sufri golpi grandi door di e corona vi-rus pa mira ki tipo di sosten lo duna y bou di cua condicion esaki lo wordo brinda. Meta ta pa sostene e poblacion den e paisnan aki y con-tribui na seguridad economico den futuro y tambe stabilidad social. Sosten humanitario semper lo wordo duna na e paisnan, segun Rey Willem Alexander a lesa for di e troonrede.

Riba e potret drpd: Minister Plenipotenciario di St. Maarten Rene Vio-lenus, Minister Plenipotenciario di Aruba Guillfred Besaril, y Minister Plenipotenciario di Curaçao Anthony Begina. Potret cortesia Arubahuis

 

  • Rey Willem Alexander na Hulanda: Ta duel nos di a traiciona boso confianza

    Rey Willem Alexander na Hulanda: Ta duel nos di a traiciona boso confianza

    DEN HAAG – Rey Willem Alexander hunto cu su casa Reina Maxima, den un video di casi 2 minuut, a dirigi su mes na e pueblo Hulandes, den un intento pa splica nan fayo di bay vakantie den pleno crisis di Corona. Palabranan manera arepentimento, door di a viola boso confianza, e Rey a splica su decision y e consecuencia di esaki. E ta yama su decision ‘imprudente’ pa no a tene cuenta cu e situacion actual. A mustra cu aunke cu e viahe tabata den margen di tur regla pa cu COVID19, toch e no tabata un bon decision. Na final el a bisa tambe si cu nan ta involucra, pero no infalible. E ta e video mas mira di dia na Hulanda pa awe, diaranzon. 

  • Rey Willem Alexander y famia a bolbe Hulanda despues di critica

    Rey Willem Alexander y famia a bolbe Hulanda despues di critica

    DEN HAAG – Rey Willem Alexander y su famia a bolbe Hulanda diasabra anochi, ora di Hulanda, un dia despues cu nan a biaha pa Grecia pa vacacion. Asina e portal NOS ta raporta. Tabata pa 9’or di anochi cu e Rey y su famia a bolbe cu buelo comercial di KLM. Un rato despues a hisa e bandera real na Palacio Huis ten Bosch, segun regla ora cu e Rey ta bek na su pais. E Rey y su famia a bolbe debi na e multiple critica cu tabatin pasobra cu el a biaha, mientras cu gobierno ta pidi tur hende keda cas y no bay di vacacion debi na coronavirus. E Rey a reacciona bisando cu nan a mira e comentarionan y cu el a afecta nan y pesey nan a bolbe. Parlamento Hulandes tabata basta disgusta cu e decision di e Rey di bay vacacion. 

  • Rey Willem Alexander a cancela su vakantie despues di critica

    Rey Willem Alexander a cancela su vakantie despues di critica

    DEN HAAG – Rey Willem Alexander y Reina Maxima a cancela nan vacacion pa Grecia diabierna. Esaki despues di e ola di critica cu nan a haya den medionan social na Hulanda. Gabinete Rutte ta pidi hende pa no bay vakantie y e monarchanan mes a dicidi di bay riba vacacion. Algo cu pues no a cay nada bon cerca e pueblo Hulandes. “Nos ta wak e reaccion di hende den media, y nan ta pisa. Y nan a afecta nos” e mensahe di Rey a bisa.  

  • Arubahuis ta conseha futuro di Aruba pa busca vivienda na tempo pa studia

    Arubahuis ta conseha futuro di Aruba pa busca vivienda na tempo pa studia

    DEN HAAG – Tur aña Arubahuis ta informa riba e importancia pa futuro studiantenan cu kier bin studia na Hulanda pa tuma accion na tempo pa regla e asunto di vivienda. E studiante cu tin pensa di bay studia na Hulanda mester tene cuenta cu mester inscribi pa camber sigur un of dos aña di antemano, dependiendo e ciudad. Esaki ta e mensahe fuerte cu Minister Plenipotenciario Guillfred Besaril na e studiantenan. ‘Arubahuis ta keda enfatisa riba e importancia di regla vivienda na tempo mirando e scarcedad grandi cu tin den diferente ciudad. Mas tempran bo orienta y inscribi, mas grandi bo chens-nan ta pa haya un lugar di biba ora cu bo bin studia na Hulanda. Arubahuis hunto cu e mentornan tin e tarea pa duna e informacion y conseho necesario con por yega na vivienda. Nos ta enfatisa cu e studiante mes ta keda responsabel pa haya y regla su vivienda na Hulanda,’ segun minister Besaril.

  • Hulanda a registra casi 8 mil caso positivo di COVID19 diabierna

    Hulanda a registra casi 8 mil caso positivo di COVID19 diabierna

    BILTHOVEN – Hulanda a registra casi 8000 caso positivo diabierna di COVID19, cu ta un otro record. E cantidad exacto ta 7997 caso. Diahuebs, Rijksinstituut voor Volksgezondheid en Milieu (RIVM) a registra 7825 test positivo. E tabata 7833 pero a coregi esaki diabierna. E situacion como tal ta keda hopi alarmante na Hulanda. Na Amsterdam so tabatin 676 test positivo, 330 na Rotterdam, 263 Utrecht. Y na Tilburg, Almere, Enschede y Zaanstad a registra mas di 100 test positivo. E ultimo 7 dianan a registra algo mas cu 50 mil caso positivo. Desde e comienzo di e brote, Hulanda a registra casi 212 mil caso positivo. Den apenas 2 luna, e cifra a multiplica cu tres.  

  • E medio Hulandes NOS ta kita logo riba nan vehiculonan di raporta, debi na menasa

    E medio Hulandes NOS ta kita logo riba nan vehiculonan di raporta, debi na menasa

    HILVERSUM – E vehiculonan satelital cu cual e medio di comunicacion Hulandes NOS ta trafica na Hulanda pa haci raportahe, lo no tin nan logo di compania mas. Esaki debi na e cantidad di menasa den direcion di e trahadornan, incluyendo periodistanan di e compania. Asina e compania ta raporta riba nan portal. Practicamente tur dia tin periodista y techniconan cu ta riba caminda pa raporta, cu ta wordo confronta cu menasa, insulto cu dede mei mei. Tambe ta tira sushi riba nan y of ta blokea e autonan. Hopi biaha ora cu ta trahando den e auto, esaki ta bira dificil ora cu hende cuminsa bati riba e auto of te hasta, den caso extremo, pishi riba dje. Y no ta loke ta solamente sosode, sino e miedo di kico por pasabo, segun e hefe di redaccion di NOS Nieuws Marcel Gelauff ta bisa. Como tal tin basta tempo cu no ta manda periodista sin proteccion pa manifestacionnan publico. Ta papia di un derota pa NOS pero tambe pa periodismo en general. “Periodismo ta bou di presion di hende y gruponan cu kier pa solamente nan mundo wordo refleha, y ta stroba cualkier otro perspectiva di wordo presenta, y ta atacha asina e libertad di prensa”. 

  • Powered by SETAR