Ministernan Plenipotenciario di Aruba, Corsou y St Maarten a atende Prinsjesdag

Ministernan Plenipotenciario di Aruba, Corsou y St Maarten a atende Prinsjesdag

Posted on 09/15/2020 2:23 pm AST | Updated on 09/15/2020 2:24 pm AST

DEN HAAG  – Ministernan Plenipotenciario di Aruba, Corsou y St Maarten a atende Prinsjesdag awe. Asina e mandatario di Aruba a in-forma diamars merdia. Sr. Besaril tabata invitado special pa Prinsjes-dag como miembro di Conseho di Minister di Reino (Rijksministerraad) y ta sinta hunto cu su colega Minister Plenipotenciario di Curaçao y St. Maarten.

E aña aki e apertura di e aña parlamentario tabata otro pa motibo di e situacion cu corona. Pa cuminsa e ceremonia a tuma lugar den De Gro-te Kerk na Den Haag y no den Ridderzaal manera ta e custumber. Tambe no tabata tin e desfile di Rey Willem Alexander y Reina Maxima den koets for di Palacio Noordeinde pa Ridderzaal. E pareha real a bai cu auto na De Grote Kerk. E cantidad di invitadonan a wordo limita – pa mantene e distancia di 1.5 meter – na 270, enbes di 1000 tur aña den e Ridderzaal. 

Na e ocacion aki Rey Willem Alexander a tene un discurso (troonrede) unda e ta elabora riba e plannan di Gabinete Rutte III pa e siguiente aña. Pa loke ta e parti Caribense di Reino, Rey Willem Alexander a bisa cu ta wordo papia cu e paisnan cu e sufri golpi grandi door di e corona vi-rus pa mira ki tipo di sosten lo duna y bou di cua condicion esaki lo wordo brinda. Meta ta pa sostene e poblacion den e paisnan aki y con-tribui na seguridad economico den futuro y tambe stabilidad social. Sosten humanitario semper lo wordo duna na e paisnan, segun Rey Willem Alexander a lesa for di e troonrede.

Riba e potret drpd: Minister Plenipotenciario di St. Maarten Rene Vio-lenus, Minister Plenipotenciario di Aruba Guillfred Besaril, y Minister Plenipotenciario di Curaçao Anthony Begina. Potret cortesia Arubahuis

 

  • Knops: E fiansa local haci no ta den interes di e ciudadano di Aruba

    Knops: E fiansa local haci no ta den interes di e ciudadano di Aruba

    ORANJESTAD – Secretario di estado Hulandes Raymond Knops ta haya cu e hecho cu Aruba a dicidi di subi mercado local pa fia placa, lo por ta mas un problema pa Aruba mes, pasobra segun Knops, si bo fia contra 5.5% di interes envez di 0% (di Hulanda), e ora e ta limita e espacio riba presupuesto di Aruba mes. “No ta den interes di e ciudadanonan di Aruba pa fia placa riba mercado local, si tin un oferta di Hulanda pa hacie contra 0% di interes”. Knops a bisa durante su conferencia di prensa pa periodistanan di Aruba diahuebs mainta. 

  • Knops: Aruba por a haya mas placa si a sigui caminda corecto via CAFT

    Knops: Aruba por a haya mas placa si a sigui caminda corecto via CAFT

    DEN HAAG – Ta parce cu Aruba a atende cu e ‘deficit’ repentino di 138 miyon florin den un forma robez. Asina por compronde di splicacion di secretario di estado Hulandes Raymond Knops durante su conferencia di prensa diahuebs mainta pa prensa di Aruba. Mientras cu e mandatario a refuta (un biaha mas) cu ‘Hulanda lo a adapta e condicionan di nan proposicion unilateralmente’, causando un buraco financiero. Segun Knops, si Aruba a acerca CAFT pa un evaluacion nobo di e situacion cu a surgi (debi na e retraso), lo por a presenta un plan nobo cu RMR lo por a cumpli cu ne, cu por ta mas cu e 204 miyon florin, cu a pone disponibel inicialmente. 

  • Rey Willem Alexander a toca ayudo financiero pa nos islanan durante troonrede

    Rey Willem Alexander a toca ayudo financiero pa nos islanan durante troonrede

    DEN HAAG – E Cu excepcion di e mencion di Aruba den casi comienso di su discurso, e unico mencion di nos islanan durante e asina yama ‘troonrede’ di Rey Willem Alexander diamars mainta, tabata e referencia na e tipo di ayudo financiero pa nos islanan y e condicion bou di cual nos por haya esaki. Ademas un confirmacion cu e ayudo humanitario ta keda disponibel. E resto tabata dedica na Hulanda. 

  • Premier Rutte: Nos no ta negosha nos proposicion!

    Premier Rutte: Nos no ta negosha nos proposicion!

    DEN HAAG – “Nos no ta negosha nos proposicion”. Na palabra prome minister Hulandes Mark Rutte na e portal Caribisch Netwerk su reportero. E ta un diferente tono cu colega politico Raymond Knops a bisa recientemente (diaranson ainda durante un debate di Tweede Kamer). E declaracionan di Rutte tabata prome cu e la drenta e Rijks Minister Raad diabierna mainta.

  • No a yega na consensus ainda (cu Aruba) pero ta papiando

    No a yega na consensus ainda (cu Aruba) pero ta papiando

    ORANJESTAD – “Nos no a yega na un consensus ainda (cu Aruba), pero nos ta papiando“. Asina secretario di estado Hulandes Raymond Knops a bisa diaranson mainta ora di Aruba, durante e debate cu miembronan di Tweede Kamer riba e fianza pa e sosten di likides pa islanan CAS. “Mi por bisa acerca cu nan ta combersacionan constructivo. Nos no ta di acuerdo semper, pero e ta bayendo riba un forma respetuoso” E  mandatario a referi specificamente riba e combersacionan cu e ta hibando cu premier di Aruba Evelyn Wever Croes. Mientras cu e ta confirma cu nan ta papiando ainda, y cu e por dura algun siman mas (pues no cu e ta keda cla pa diabierna, e la bisa tambe cu esaki no por sigui mas pa largo. Notable tabata cu e miembronan dI Tweede Kamer aunke critico, a bisa tambe cu nan no tin problema cu gobierno Hulandes ta pone condicionan estricto prome cu manda placa den nos direccion. Nan preocupacion mas bien ta cu esnan vulnerabel, cu no tin trabou y cu tin necesidad urgente di haya e paketenan di cuminda. 

  • Tweede Kamer ta debati riba sosten di likides pa islanan CAS awe

    Tweede Kamer ta debati riba sosten di likides pa islanan CAS awe

    DEN HAAG – Awe Tweede Kamer ta trata e asunto di ayudo di sosten di likides pa islanan Aruba, Corsou y St Maarten.  Durante un debate cu ta cuminsa 11:30am ora di Aruba, miembronan di Tweede Kamer lo debati riba e tema. Lo ta interesante pa wak kico nan ta pensa riba e asunto. Un dia prome, secretario di estado Hulandes Raymond Knops a manda un carta di 8 pagina contestando varios pregunta riba e tema. Aruba ainda ta den deliberacion cu Hulanda pa keda cla, pero tanten cu no tin un acuerdo, e tema lo no aparece riba agenda di RMR. Te cu ayera, no tabatin un acuerdo entre Aruba y Hulanda. De hecho e portal aki a raporta cu Aruba a ricibi un contestacion di Hulanda, y awor Aruba ta trahando un contra propuesta. No ta conoci si ta manda esaki prome cu diabierna ainda. Pero por a compronde di Prome Minister Evelyn Wever Croes, cu e intencion ta pa keda cla pa diabierna awor. Principalmente, pasobra placa ta cabando, y mester di e ayudo pa por sigui opera Aruba. Pa esnan cu kier sigui e debate, por click AKI.

  • Powered by SETAR