- Aruba ta conoce otro morto di COVID19 y 54 caso positivo awe
- Durante entrada hudicial polis a detene 21 persona ilegal
- Knops: E fiansa local haci no ta den interes di e ciudadano di Aruba
- Knops: Aruba por a haya mas placa si a sigui caminda corecto via CAFT
- ATIA kier pa confiansa entre Aruba y Hulanda keda restaura
Hospitalisacion pa COVID19 a bira cos di tur dia na Aruba
ORANJESTAD – E cantidad di personanan cu ta drenta hospital pa dia, ta keda relativamente halto. Esaki ta varia entre 5 pa 6 hende average, mientras cu e cantidad di persona cu ta bandona hospital, tambe ta sigui mes un cantidad. Ideal lo ta si e cantidad baha of stop mes (pa loke ta hospitalisacion). Aki ta unda cu por midi si e situacion ta bou di control of no, manera prome minister Evelyn Wever Croes a bisa.
E CANTIDAD
E cantidad di hospitalisacion pa COVID19 a keda awe na 35 persona total, di cual 11 ta den ICU (uno mas cu ayera), mientras cu 5 nobo a drenta y 6 a sali. Pues ta sigui e fenomeno di draaideur, unda cu e cifra ta keda casi mescos, pero tin un fluho constante di persona cu ta keda interna. Potretnan cu ta acompaña e articulo ta di un caso di e siman aki. A tapa e pashent pa su privacidad.
Aruba ta conoce otro morto di COVID19 y 54 caso positivo awe
ORANJESTAD – Aruba ta conoce otro morto awe diahuebs di COVID19 pa un total di 23 morto awor. Mientrastanto e casonan positivo pa awe tabata 54, di cual 1 ta no residente. Total di activonan awo ta 1617, total di testnan haci ayera ta 349, di cual 280 test a wordo haci na laboratorio di hospital bou residentenan. Mientrastanto 66 persona mas a recupera.
ATIA kier pa confiansa entre Aruba y Hulanda keda restaura
ORANJESTAD - Gobierno te ainda no a yega na un acuerdo cu Hulanda. Al contrario, a pospone e decision di firma un acuerdo por medio di un fiansa pa por cumpli cu su obligacionan finaciero pa proximo luna. Sinembargo, loke algun ta considera un logro pa gobierno, ta parse di ta mas bien un posponemento di loke parse inevitabel.
Gobierno evaluando pa introduci Ley Seco y Shelter in Place pa weekend
ORANJESTAD – Gobierno ta evaluando pa re-introduci Shelter in Place e weekend aki, y tambe ley seco. E decision lo cay pa diabierna y lo anuncia esaki e dia ey. Asina prome minister Evelyn Wever Croes a bisa durante e briefing di COVID19 diaranson anochi. Motibo ta cu medidanan cu a tuma recientemente, no a funciona aparentemente y a pone cu e siman aki atrobe e cifranan di caso positivo a aumenta den forma alarmante, y a ‘logra’ yega un record awe atrobe di 176 caso riba un solo dia.
Aruba a kibra record atrobe di caso positivo riba un dia di COVID19
ORANJESTAD – Aruba diaranson a kibra otro record di casonan positivo di COVID19 pa un solo dia, ora cu a registra e cantidad halto di 176 caso. Di esaki, tin 1 so cu no ta residente. Cu esaki, e total activo te cu awor ta pasa 1600 bay y ta bira 1630. Apenas un dia prome, nos a pasa 1500 caso activo. Apenas un siman pasa, a kibra e record pa prome biaha cu 141 caso riba un solo dia. Esaki awor a wordo surpasa cu 35 caso.
Debi na contagio di personal pa COVID19 Arubus a cera su oficina principal
ORANJESTAD – Despues cu dos trahado di Arubus a test positivo pa COVID19, a dicidi cu entrante diaranson merdia, ta cera e oficina principal na Sabana Blanco. Den un comunicado, e compania a confirma e situacion actual y e pasonan cu nan a tuma. A bisa tambe cu mientras cu ta cera e oficina, e operacion di bus no ta para.
Discurso di representante di Hulanda na islanan CAS relaciona cu Prinsjesdag
ORANJESTAD/WILLEMSTAD – Representante di gobierno Hulandes na Aruba, Corsou y St Maarten, Erwin Arkenbout a tene su discurso relaciona cu apertura di aña Parlamentario di Hulanda. Manera ta conoci e di tres diamars di September tur aña, ta tuma lugar e asina yama Prinsjesdag. E biaha aki, gran parti di e presentacion tabata rond di e crisis di COVID19.
Follow NoticiaCla
