Reunion pa baha Marisol Lopez, ta suspendi te proximo aviso

Reunion pa baha Marisol Lopez, ta suspendi te proximo aviso

Posted on 07/31/2020 8:48 pm AST | Updated on 07/31/2020 8:54 pm AST

ORANJESTAD – E reunion di Parlamento diabierna cu mester a bira uno historico, a caba na nada diabierna anochi. Despues cu a suspende e reunion pa algun ora diabierna atardi, partido POR a pidi pa suspende e reunion ‘te proximo aviso’. Informacion cu e portal aki tin ta mustra cu no tabatin suficiente miembro pa aproba e mocion di desconfiansa. Ademas, e informacion cu Marisol Lopez a presenta riba e asuntonan di corupcion, tabatin su efecto. Esaki ta nifica cu Marisol Lopez ta keda minister (por lo pronto), y no ta sigur kico lo pasa aworaki. 

CORUPCION

Loke ta wordo menciona tambe como motibo, ta e contenido di e disertacion di Lopez, unda cu a revela basta practica ilicito cu tabata tumando lugar den su departamento, cu conocemento di coleganan di partido POR y MEP, incluyendo minister-President sin cu a actua contra. Manera cu e portal aki a menciona, Lopez Tromp a papia di proyectonan miyonario cu colega Bikker lo a permiti pasa, sin cu esaki tabata posibel. Tambe e la bisa cu lo tin mas investigacion andando cu lo por envolve otro ministernan tambe. BAHA MARISOL OF BAHA GOBIERNO

Durante e disertacion di parlamentario Alan Howell, el a mustra na final awe mainta, cu sea Marisol Lopez ta baha, of ta baha gobierno. Esaki tabata un declaracion basta fuerte haci, cu Lopez Tromp tambe a menciona durante su di dos biaha na palabra. Mes momento el a pidi pa clarificacion riba esaki.

KICO TA PASA AWO?

No ta conoci kico ta e siguiente paso. Esaki pasobra Marisol Lopez Tromp a bin Aruba bek riba invitacion di Parlamento, mientras cu partido POR tabata todo por todo pa bahe como minister sosteni pa e demas miembronan. Algun ta pensa cu esaki ta un victoria pa Lopez Tromp y cu su decision pa bolbe Aruba tabata esun corecto. Di otro banda, algun ta pensa cu a stroba su biahe pa Hulanda, pa cual un hende of Parlamento lo mester bay responde pe. Keda pendiente pa e desaroyonan den e dianan nos dilanti. Fecha nobo pa e reunion aki no ta conoci.

  • Blok: Eleccion Parlamentario na Venezuela lo no ta liber ni honesto

    Blok: Eleccion Parlamentario na Venezuela lo no ta liber ni honesto

    ORANJESTAD – “Nos sa awor caba cu eleccion Parlamentario na Venezuela lo no ta liber y honesto” ta palabranan di minister Hulandes pa Relacionnan exterior Stef Blok durante su encuentro cu prome minister Evelyn Wever Croes. E ta referi na e eleccion cu ta tuma lugar otro luna na e pais bisiña. E mandatario Hulandes a yega Aruba dialuna merdia den cuadro di reunionan cu lo tuma lugar awe riba tereno di relacionnan exterior cu Aruba, Corsou y St Maarten. Tema tambe lo ta e areglo di visa cu Hulanda kier introduci pa Venezolanonan cu bishita Aruba. Awe mainta mes e mandatario lo a bandona Aruba unda cu e lo a sigui pa Corsou pa despues di merdia tene un conferencia di prensa cu prome minister di e isla, sr Eugene Rhuggenaath. 

  • COVID19 Taskforce: Mehoracion enorme den comportacion di establecimento y cliente

    COVID19 Taskforce: Mehoracion enorme den comportacion di establecimento y cliente

    ORANJESTAD - Dialuna mainta durante conferencia di prensa di Gobierno di Aruba, Prome Minister Evelyn Wever-Croes, a duna di conoce cu e Taskforce a indica un mehoracion enorme especialmente na establecimentonan cu a adapta nan mes na e reglanan pero tambe cu comportacion di clientenan. A nota tambe cu establecimentonan ta acerca Taskforce pa puntra kico por y kico no por y Taskforce ta bay na e establecimentonan pa wak y duna aprobacion. 

  • Wever Croes: Mester delibera hopi, prome cu por habri frontera cu Venezuela bek

    Wever Croes: Mester delibera hopi, prome cu por habri frontera cu Venezuela bek

    ORANJESTAD – Por lo pronto Aruba no ta habri frontera cu Venezuela, no obstante ta habriendo esaki pa otro paisnan Latino Americano otro luna relaciona cu COVID19. Asina prome minister Evelyn Wever Croes a contesta noticiacla.com dialuna mainta durante un conferencia di prensa. E tema di Venezuela ta riba agenda si pa e Consulta di Reino pa Relacionnan Exterior cu ta tuma diamars mainta na Aruba entre e islanan di Reino den forma Virtual. 

  • Crisis team: Aruba ta suavisa medidanan pa COVID19 mañan

    Crisis team: Aruba ta suavisa medidanan pa COVID19  mañan

    ORANJESTAD – Crisis team a anuncia suavisacion di medida di COVID19 entrante diamars proximo. Asina prome minister Evelyn Wever a anuncia dialuna mainta durante conferencia di prensa riba COVID19. Entre nan, e cantidad di famia cu por bishita otro, hende cu por sinta na mesa den restaurant, y cantidad di musico cu por presenta riba scenario den un establecimento paden.

  • Acuerdo di Landspakket a wordo manda pa Parlamento

    Acuerdo di Landspakket a wordo manda pa Parlamento

    ORANJESTAD - Prome Minister Evelyn Wever-Croes, pa medio di un carta dirigi na Presidente di Parlamento, Señor Ady Thijsen, a manda Parlamento e acuerdo di Landspakket cu a wordo firma diabierna 13 di November, 2020 cu Hulanda pa loke ta trata e sosten di likidez pa e di tres tranche. 

  • Otro siman Hulanda por cambia Aruba bek pa codigo geel

    Otro siman Hulanda por cambia Aruba bek pa codigo geel

    ORANJESTAD – Si tur cos ta bon, otro siman Hulanda lo cambia e status di Aruba su codigo di biahe di oraño pa geel atrobe. Asina minister di turismo Dangui Oduber a bisa e portal aki awe mainta. Segun e mandatario, diabierna el a papia cu secretario di estado Hulandes Paul Blokhuis responsabel pa Salud y deporte. Y basa riba e combersacion aki, Hulanda lo ta evaluando pa cambia e conseho di RIVM. E consecuencia ta cu e ta habri posibilidad pa mas hende biaha di Hulanda pa Aruba. Cu e codigo oraño, solamente biahenan esencial ta permiti. 

  • aruba airlines
  • Powered by SETAR