RDA: A resulta cu tin hopi interes pa opera refineria di Aruba

RDA: A resulta cu tin hopi interes pa opera refineria di Aruba

Posted on 07/31/2020 6:23 pm AST | Updated on 07/31/2020 6:27 pm AST

ORANJESTAD - Awe diabierna pa 11’or di mainta e proceso pa interesadonan entrega documentonan relaciona cu REOI1 y REOI-2 a cera oficialmente. Pa 3’or di atardi Managing Director, señor Rennie Arends den compania di Notaris Chamila Tromp, asisti pa su Compliance Officer a efectua apertura di e Dropboxnan digital.

Mester remarca cu ful e proces tabata uno digital, pues ningun documento fisico a wordo entrega. E proceso aki tambe ta algo completemente nobo pa Aruba. Cada interesado den e proceso aki tabata tin su propio Dropbox den cual e tabata por a suministra tur documento cu tabata wordo pidi. Ningun otro persona fuera di e interesado y notario tabata tin acceso na e Dropbox. Esaki tabata pa garantisa integridad di cada Dropbox. Den cuadro di transparencia den e habrimento di e Dropboxnan, tur interesado a haya e linknan via cual nan por a sigui e proceso di habrimento di e Dropboxnan. Prensa tambe por a presencia e acto aki.

Señor Rennie Arends na comienso a duna un splicacion breve di kico tanto REOI-1 como REOI-2 ta encera. Seguidamente Notario Tromp a pasa pa habri cada Dropbox individual. Na final di e acto a resulta cu tabata tin un total di 57 interesado den REOI-1, 38 a cumpli cu nan Due Diligence y 29 a manda nan Respondent Form. Pa REOI-2 tabata tin 44 interesado, 34 a cumpli cu nan Due Diligence y 25 a manda nan Respondent Form.

Awor cu e proceso aki ta tras di lomba, RdA y su Advisory Committee lo mester a scrutina cada un di e documentonan cu a wordo entrega pa e interesado y for di eynan traha un short list cu lo haya un invitacion pa haci un Binding Proposal.

Cu e proceso aki lo cuminsa un era nobo pa refineria di Aruba. Sea lo tin un refineria moderno ta wordo establece cu e tecnologia state-of-the-art cu lo ofrece empleo cu ta paga bon pa e ciudadano di Aruba of nos lo conoce un industria nobo cu lo reemplasa e refineria actual. Den e ultimo caso aki nos ta cera un capitulo di economia di Aruba cu a dura casi 100 aña. 

 

 

  • Reapertura di frontera cu Latino America por ta na November 2020

    Reapertura di frontera cu Latino America por ta na November 2020

    ORANJESTAD – Mientras cu no tin fecha ainda pa Aruba cuminsa ricibi buelonan for di Latino America e.o. Colombia, tin indicacion cu esaki por ta pa 1 di December 2020 proximo. Por lo menos e aeroliña Avianca ta cla pa pone Aruba riba itinerario pa e fecha ey. Interesante ta cu CEO di ATA Ronella TjinAsjoe a bisa e portal aki algun dia prome ainda, cu ta purbando pa Aruba habri e frontera cu Colombia bek pa 1 di November 2020 proximo. Pero, e situacion di COVID19 mester duna pa esey por sosode. 

  • AHATA: Recuperacion di turismo ta menos di loke a proyecta

    AHATA: Recuperacion di turismo ta menos di loke a proyecta

    ORANJESTAD - Recuperacion di turismo ta menos di loke a proyecta. Asina Aruba Hotel & Tourism Association (AHATA) ta raporta diamars atardi. E gremio hotelero, ta acumula e cifranan di ocupacion y prijs di hotelnan tur luna, y di cifranan por nota cu recuperacion ta poco poco.

  • Prijs di gasoline ta bolbe subi diaranson na Aruba

    Prijs di gasoline ta bolbe subi diaranson na Aruba

    ORANJESTAD – Prijs di gasolin ta bolbe subi diaranson awor. Minister di Finansas, Asuntonan Economico y Culturata anuncia e prijsnan nobo di benta di combustibel entrante 9 di september 2020:

  • Hospital ta stop cu investigacion di plasma contra Covid-19

    Hospital ta stop cu investigacion di plasma contra Covid-19

    ORANJESTAD - Hospital ta stop cu investigacion di plasma contra Covid-19. Asina vocero di hospital Charlaine Huntington a informa dialuna atardi. Motibo ta fondo y falta di interes.  Dr. Horacio e Oduber na luna di April a anuncia cu lo start cu un investigacion di transfusion di plasma di pashentnan cu a recupera di Covid-19 pa mira si e lo ta uno efectivo pa recuperacion di pashentnan admiti cu Covid-19. 

  • AZV: A ricibi placa pa cumpli cu pago di dunadonan di cuido

    AZV: A ricibi placa pa cumpli cu pago di dunadonan di cuido

    ORANJESTAD – AZV a confirma e primicia di e portal aki di diaranson cu nan a ricibi placa pa paga dunadonan di cuido. Sinembargo mes momento nan ta bisa cue situacion ta keda dificil.  A ricibi placa pa cumpli cu pago di dunadonan di cuido

  • DIMP: Tin 8.274 plachi di number cu no tin nada paga di 2020

    DIMP: Tin 8.274 plachi di number cu no tin nada paga di 2020

    ORANJESTAD – Un total di 14.615 plachi di number na Aruba sea no ta full paga of ta paga mitar aña so. Esey ta 21% di e total di numbernan di auto registra. Asina vocero di Departamento di impuesto Meverly Romano a bisa un grupo di prensa diamars. Aunke cu di e grupo ey, 6.341 plachi ta paga mitar aña, nan ta den incumplimento pasobra no tin chens mas pa paga. Antes por a paga esaki pa cuartal, pues te ultimo cuartal por a paga esaki. Pues e grupo aki de facto den cierto forma aunke a paga mitar aña, tambe ta cay den e grupo di incumplido. E grupo mas grandi di 8.274 ta esunan cu no a paga nada ainda mes! E categoria di number cu mas ta den incumplimento ta esnan di plachi A, cu ta 12.796. For di e grupo aki tin 5296 cu a paga e prome mitar di aña so, y e otro parti cu ta 7500, no a paga nada mes ainda. Romano ta considera e situacion uno serio, mirando cu tabatin 9 luna pa paga, y a haci tur lo posibel pa hasta den temporada di COVID19, ‘come across’ cu tur hende pa entrega numbernan (estilo drive thru) sin cu e ta peligroso pa automobilistanan. Pero ni asina esaki no a yuda. Di otro banda, tin 79% cu si a cumpli cu sigur ta un elogio pa e grupo mas grandi. Manera cu DIMP a anuncia anteriormente, entrante 1 di september 2020, polis a haya notificacion cu por cuminsa duna boet pa esnan cu no a paga nan number di auto ainda. Ademas a manda cobra esnan cu no a paga ainda, completo cu multa di 50% pa incumplimento. Potret ta di archivo di noticiacla.com 

  • Powered by SETAR