Asosacion di dentista preocupa pa medidanan di AZV cu por ta devastador

Asosacion di dentista preocupa pa medidanan di AZV cu por ta devastador

Posted on 06/29/2020 3:24 pm AST | Updated on 06/29/2020 3:24 pm AST

ORANJESTAD – (E asosacion di) Dentistanan na Aruba ta hopi preocupa cu e ultimo informacion di AZV caminda cu mas medida ta ser introduci pa corta gasto cu consecuencianan devastador pa cuido oral. AZV kier corta tur cuido dental pa esnan riba 17 an?a, cual ta resulta den e percentahe mas grandi di nos poblacion.

Pensa riba:

- consulta di dolor (incluso ora di dentista na warda) - potret ora di dolor

- tratamento di dolor di djente

- receta prescribi door di dentista

- biopsia

- trauma of accidente

- plancha (djente falso)

- ranca djente

Tambe lo saca orthodoncia for di e pakete pa esnan bou di 18 an?a.

E pashent mes lo mester paga pa e servicionan aki for di su propio cartera.

Pashentnan ta ser perhudica pa cuido basico durante di crisis, e tratamento nan menciona ta un necesidad, no un luho. E cambionan drastico aki lo afecta precisamente esnan mas vulnerabel (cu menos recurso) den nos comunidad.

Ademas dentistanan ta lamenta e falta di transparencia di AZV.

AZV a impone tur medida a corto plazo y sin pensa riba e consecuencianan cu ta fatal pa e pashent y tambe pa AZV.

Problemanan dental ta trese complicacion pa e salud en general: - problema pa kauw

- interaccion cu regulacion di diabetes

- problema pa curason/pulmon/stoma

- crea isolacion social

- problema (psycho)social (por ehempel ta bira mas dificil pa han?a trabou)

Si un pashent no tin e manera pa paga pa e cuido necesario por spera cu un pashent:

- ta keda innecesariamente largo cu dolor

- lo tuma mas medicamento cu necesario y/of sin bon indicacion

- mas ziekmelding na trabou

- y ademas otro instancianan medico lo ser sobrecarga (un pashent cu pa motibo financiero no por permiti su mes di bai dentista lo bai hospital of su dokter di cas y na final di dia sin por ricibi e cuido adecua)

- ta bai bishita 'dentistanan' ilegal cu por forma un peliger pa su mesun salud, paso no lo tin regla di hygiena, garantia di diploma, etc.

Tur esaki lo tin un impacto negativo riba e calidad di bida di e pashent y ultimamento por ta hopi peligroso pa su salud.

Cu e medidanan aki e sosten cu Aruba a brinda mas cu 50 an?a pa e cuido basico aki ta desaparece por completo, sin previo aviso. E ta trese un situacion hopi preocupante.

AZV ta boga pa accesibilidad di cuido, calidad di cuido na un prijs rasonabel.

Kitando e pakete basico di cuido oral pa adulto ta exactamente lo contrario di e mision y vision di AZV. Sin e ayudo adecuado e desvio lo trese retraso y costonan mas halto pa AZV y Aruba mes. Asina e asosacion di dentista na Aruba ta pensa. 

  • Servicio di DVG pa solicita test di Covid19 online tin problema technico!

    Servicio di DVG pa solicita test di Covid19 online tin problema technico!

    ORANJESTAD - DVG su servicio pa solicita test di COVID online ta confrontando problema tecnico. Asina e departamento a anuncia diasabra mainta. Na e momentonan aki ta trahando riba esaki. Ta pidi tur persona cu sintoma di COVID pa permanece isola y evita contacto cu otro persona te ora cu bo por test. E casonan di COVID ta aumentando drasticamente y ta pidi tur persona pa proteha nan mes na tur instante y na e miho forma posibel haciendo uso di tur e recomendacionnan ya duna. 

  • DVG: Casonan di Covid19 na Aruba ta sigui aumenta drasticamente!

    DVG: Casonan di Covid19 na Aruba ta sigui aumenta drasticamente!

    ORANJESTAD- E cantidad di casonan di Covid19 na Aruba ta sigui aumenta drasticamente, manera cu Directie Volks Gezondheid (DVG) mes a bisa diasabra mainta.  Segun resumen di awe un total di 79 caso nobo di COVID-19 a keda registra cual 13 ta turista y 66 ta residente. E cifranan aki ta representa un 'Positivity rate' bou di nos residentenan di 32%. Cantidad di casonan activo di COVID-19 pa awe ta 460 y cantidad di fayecidonan relaciona cu COVID-19 ta 110.

  • Director financiero di WEB ta negoshando su pakete di retiro

    Director financiero di WEB ta negoshando su pakete di retiro

    ORANJESTAD – Contrario cu e director di WEB Aruba NV Luis Oduber, Utilities NV,- compania donjo di WEB-, no a yega na acuerdo ainda pa un pakete di retiro cu e director financiero Randolph Ruiz. Asina su abogado mr David Kock a confirma pa noticiacla diasabra. Segun mr Kock ‘Semper (nan) por dicidi di approach nos cu un miho oferta”. Nan ta negoshando varios dia pero ainda no a haya otro riba termino cu e cliente di mr Kock por acepta. Como tal sr Ruiz te awor, si lo presenta na e reunion cu Utilities dialuna mainta awor, pa asina wak si partidonan por yega na un pakete di retiro aceptable. Sr Oduber a logra su pakete diabierna pa cual awe diasabra ta su ultimo dia di trabou oficial. Sr Ruiz tin cu negosha un poco mas pa logra esaki. Mescos cu sr Oduber, Sr Ruiz tambe tabata riba e lista di persona pa wordo ‘retira’ debi cu no tin mas confiansa den su persona pa motibonan ainda ‘desconoci’. Tabata siman pasa cu e director di Utilities Richard Eman a confirma durante un conferencia di prensa cu e tin problema cu e dos personanan menciona, pa cual ta practicamente sigur cu lo sigui retiro di nan dos. Awor ta resulta cu tin uno cu a cera deal caba y e otro ta negoshando ainda. Sr Eman a bisa noticiacla awe mainta cu mucho e no por bisa y cu tin cu warda dialuna mainta despues di e reunion cu ta tuma lugar. 

  • Director di WEB Luis Oduber a acepta pakete di retiro

    Director di WEB Luis Oduber a acepta pakete di retiro

    ORANJESTAD – Awe diasabra ta ultimo dia di trabou di ing Luis Oduber como director di Web Aruba NV. Asina su abogado mr Chris Lejuez a confirm diasabra na noticiacla.com. Segun e abogado, diabierna (ayera) su cliente a yega na acuerdo cu Utilities NV pa un pakete di retiro cu sr Oduber a dicidi di acepta. Cu esaki tambe, sr Lejuez a confirma cu awe ta e ultimo dia di trabou como director di su cliente. Esey kier men tambe cu e no ta necesario mas pa presente na e reunion di dialuna proximo, unda cu Utilities a keda di ‘atende’ e situacion delicado di ‘posibel retiro’ di sr Oduber. Segun sr Lejuez ta varios dia caba tabata negoshando y diabierna partidonan a haya otro y cu sr Oduber a acepta e deal. E abogado no por a divulga detayes ya cu esaki ta informacion ‘confidencial’. Pero por compronde cu ta trata di un ‘golden handshake’,cu ta nifica cu sr Oduber ta bandona WEB cu un suma di placa cuantioso, conforme palabra den e negosacion cu a termina diabierna. A compronde cu sr Oduber tabata gana 22 mil florin pa luna y cu su 15 anja di servicio, por spera un suma basta grandi cu e ta bandona WEB cu ne.  Den combersacion cu e director di Utilities sr Richard Eman, e no por a bisa noticiacla mucho cos awe mainta y a pidi pa warda te despues di e reunion di dialuna mainta. 

  • Mata grandi a cay riba parti di caminda di Avenida Milio Croes stroba trafico

    Mata grandi a cay riba parti di caminda di Avenida Milio Croes stroba trafico

    ORANJESTAD – Diabierna atardi den Avenida Milio Croes un mata a kibra y cologa riba un banda di caminda completo, strobando trafico. Polis mester a bin y cu un ekipo di limpiesa, mester a kita e mata y snoei esaki di tal forma cu e no tabata forma peliger pa trafico. Mirando e ora cu esaki a sosode y e ruta, e tabata un poco inconviniente pa trafico riba un diabierna atardi. Danki Dios e mata no a haci daño na ningun auto. 

  • Cantidad record di studiante ‘nobo’ ta biaha pa Hulanda

    Cantidad record di studiante ‘nobo’ ta biaha pa Hulanda

    ORANJESTAD – Diadomingo ta sali e prome grupo di 421 studiante di Aruba pa Hulanda pa cuminsa cu nan estudio avansa. Segun repesentante di Arubahuis James van der Linden, esaki ta un cifra record di studiante cu ta bayendo Hulanda. Di e grupo aki sinembargo tin tambe 35 cu no ta bay cu fiansa sino cu ta bay si cu e grupo y a pidi pa ta hunto cu nan. E di dos grupo ta biaha pa Hulanda dia 8 di augustus proximo.

  • Powered by SETAR