Asosacion di dentista preocupa pa medidanan di AZV cu por ta devastador

Asosacion di dentista preocupa pa medidanan di AZV cu por ta devastador

Posted on 06/29/2020 3:24 pm AST | Updated on 06/29/2020 3:24 pm AST

ORANJESTAD – (E asosacion di) Dentistanan na Aruba ta hopi preocupa cu e ultimo informacion di AZV caminda cu mas medida ta ser introduci pa corta gasto cu consecuencianan devastador pa cuido oral. AZV kier corta tur cuido dental pa esnan riba 17 an?a, cual ta resulta den e percentahe mas grandi di nos poblacion.

Pensa riba:

- consulta di dolor (incluso ora di dentista na warda) - potret ora di dolor

- tratamento di dolor di djente

- receta prescribi door di dentista

- biopsia

- trauma of accidente

- plancha (djente falso)

- ranca djente

Tambe lo saca orthodoncia for di e pakete pa esnan bou di 18 an?a.

E pashent mes lo mester paga pa e servicionan aki for di su propio cartera.

Pashentnan ta ser perhudica pa cuido basico durante di crisis, e tratamento nan menciona ta un necesidad, no un luho. E cambionan drastico aki lo afecta precisamente esnan mas vulnerabel (cu menos recurso) den nos comunidad.

Ademas dentistanan ta lamenta e falta di transparencia di AZV.

AZV a impone tur medida a corto plazo y sin pensa riba e consecuencianan cu ta fatal pa e pashent y tambe pa AZV.

Problemanan dental ta trese complicacion pa e salud en general: - problema pa kauw

- interaccion cu regulacion di diabetes

- problema pa curason/pulmon/stoma

- crea isolacion social

- problema (psycho)social (por ehempel ta bira mas dificil pa han?a trabou)

Si un pashent no tin e manera pa paga pa e cuido necesario por spera cu un pashent:

- ta keda innecesariamente largo cu dolor

- lo tuma mas medicamento cu necesario y/of sin bon indicacion

- mas ziekmelding na trabou

- y ademas otro instancianan medico lo ser sobrecarga (un pashent cu pa motibo financiero no por permiti su mes di bai dentista lo bai hospital of su dokter di cas y na final di dia sin por ricibi e cuido adecua)

- ta bai bishita 'dentistanan' ilegal cu por forma un peliger pa su mesun salud, paso no lo tin regla di hygiena, garantia di diploma, etc.

Tur esaki lo tin un impacto negativo riba e calidad di bida di e pashent y ultimamento por ta hopi peligroso pa su salud.

Cu e medidanan aki e sosten cu Aruba a brinda mas cu 50 an?a pa e cuido basico aki ta desaparece por completo, sin previo aviso. E ta trese un situacion hopi preocupante.

AZV ta boga pa accesibilidad di cuido, calidad di cuido na un prijs rasonabel.

Kitando e pakete basico di cuido oral pa adulto ta exactamente lo contrario di e mision y vision di AZV. Sin e ayudo adecuado e desvio lo trese retraso y costonan mas halto pa AZV y Aruba mes. Asina e asosacion di dentista na Aruba ta pensa. 

  • NGO conoci Rainbow Warriors ta manda carta pa gobierno Hulandes

    NGO conoci Rainbow Warriors ta manda carta pa gobierno Hulandes

    ORANJESTAD – E organisacion no gubernamental (NGO) conocio, Rainbow Warriors International cu su presidente Milton Ponson a manda un carta pa gobierno Hulandes, desaprobando e accion di Hulanda pa dentro di 4 dia, pone gobierno di Aruba, Corsou y St Maarten, tuma un decision sin consulta cu gremionan, riba medidanan cu tin impacto grandi riba maneho di nos pais. “Como organisacion di derecho di hende, cu tambe por medio di Corruption Watch Aruba a bringa contra corupcion, nos por constata cu tanto RMR, y Tweede Kamer ta traiciona e espirito, e intencion, y contenido di e statuut di Reino Hulandes”. Segun RW, e aprobacion cu Hulanda ta purba impone riba 10 di juli proximo, Hulanda ta elimina tur apariencia cu riba e islanan, conforme e intencion di e Sustainable Development Goals di Nacionan Uni, y ta hiba tur e stakeholdernan hunto den e proceso di decision cu ta afecta e desaroyo ecologico, duradero y economico di e islanan. Lesa e carta completo AKI. 

  • Encuesta: Mayoria kier pa Aruba acepta ley di reino sin mas,di Hulanda pa fia placa

    Encuesta: Mayoria kier pa Aruba acepta ley di reino sin mas,di Hulanda pa fia placa

    ORANJESTAD – Mayoria di esnan cu a participa riba na e encuesta di NoticiaCla riba Facebook, a scohe pa Aruba acepta e ley di Reino manera cu Hulanda a present’e aworaki pa fia placa. Esey ta 56% di e 2800 personanan cu a participa na e encuesta. E grupo cu a bisa no, tabata menos (44%) di e cantidad di participantenan. E encuesta riba Facebook tabata duna solamente dos opcion, esta un si of no y a keda haci pa 24 ora. 

  • DVG a inicia investigacion riba tiramento di caha di morto afo

    DVG a inicia investigacion riba tiramento di caha di morto afo

    ORANJESTAD – Departamento di salud DVG a reacciona riba un video cu ta circulando riba rednan social, di un caha di morto cu ta wordo tira den un bin di sushi na e agencia di funeraria Aurora. “Minister encarga cu Salud Publico y tambe servicio di Warenkeuring en Hygiene di Departamento di Salud Publico a tuma nota di e imagen aki y lo cuminsa cu un investigacion inmediato”, e comentario di DVG ta bisa. Mientrastanto riba un otro portal di noticia, e director di e agencia, Anthony Latham ta bisa cu no tin nada straño na e practica aki, y ta admiti cu DVG a pasa cerca dje caba y cu el a duna nan e splicacion. 

  • Encuesta: Aruba mester cumpli cu Hulanda pa sigui haya placa ?

    Encuesta: Aruba mester cumpli cu Hulanda pa sigui haya placa ?

    ORANJESTAD – Den cuadro di e situacion cu gobierno di Aruba a haya su mesa den cu Hulanda, pa loke ta condicion pa prestamo pa placa pa cubri COVID-19, Noticiacla.com a pone un encuesta chikito riba su pagina di Facebook, unda cu ta haci un solo pregunta, esta cu si Aruba mester acepta Ley di Reino sin mas di Hulanda pa por fia placa. E contesta ta si of no. E encuesta ta pa 24ora y ta pues riba e pagina di Facebook di noticiacla.com. E resultado lo wordo publica ora cu e encuesta termina. Pa bay na e pagina, click AKI. 

  • Preso Colombiano acusa di asesinato ta wardando extradicion pa Australia

    Preso Colombiano acusa di asesinato ta wardando extradicion pa Australia

    ORANJESTAD – Cinco luna despues cu el keda deteni na Aruba, e preso Colombiano Hector V. (20) ta wardando su extradicion pa Australia, unda cu e tin cu responsabilisa su mes pa posibel asesinato di un persona cu tabata traha como prostituta, Kimberly McRae. Asina e  portal Southern Courier ta raporta. Polisnan aparentemente no ta posibel pa acusa e studiante Colombiano formalmente, sino te ora cu e yega Australia. Segun e caso, K, a huy di Australia pa Aruba, despues di a bay Colombia 5 luna pasa unda cu na su yegada na Aruba el a keda deteni na februari di e aña aki. Nunca antes Aruba a extradita un persona pa Australia. 

  • Koolman: Corsou no ta considera Aruba un risico halto ainda pa cera frontera cu nos

    Koolman: Corsou no ta considera Aruba un risico halto ainda pa cera frontera cu nos

    ORANJESTAD – No ta asina cu e otro islanan di Reino Hulandes, ta evaluando di nan banda, specificamente Corsou, con lo atende cu e hecho cu Aruba ta habri frontera cu Merca diabierna. Asina miembro di e Crisis Team, Sharlene Koolman a contesta un pregunta di noticiacla.com dialuna anochi. Esaki basa riba informacion cu tanto Corsou como Bonaire lo a anuncia cu ta cera nan frontera cu Aruba diabierna ora cu nos habri cu Merca. 

  • Powered by SETAR