Cuater aeroliña mericano cla pa cuminsa bula pa Aruba

Cuater aeroliña mericano cla pa cuminsa bula pa Aruba

Posted on 05/22/2020 4:07 pm AST | Updated on 05/22/2020 4:17 pm AST

ORANJESTAD – No spera pa wak un sin fin di rabo di avion para na aeropuerto di Aruba asina e frontera di Aruba habri proximamente. Y si antes p.e. den un fin di siman por a mira un sin fin manera e potret acompañante, esaki lo no ta e caso. Por lo pronto no, por lo menos. Ora cu e frontera habri ‘porfin’, ‘apenas’ 10 aeroliña internacional (incluyendo Aruba Airlines) a indica cu nan lo cuminsa bula pa Aruba atrobe. Di e 10 nan aki 4 ta di Merca. Asina autoridad di turismo a informa nos recientemente. “Nan ta entusiasma pa cuminsa bula pa Aruba” a wordo bisa. E cantidad por zona ‘poco’, pero e ta mas cu nada. Pero, no spera avionan yen ni e frecuencia cu nos tabatin (p.e. compara cu februari 2020) di avionan yegando nos isla. Den e raportahe aki, noticiacla.com ta enfoca riba e mercado mericano. 

FRECUENCIA MERICANO TA MENOS CU 30%

Mientras cu nos a wordo informa cu por spera 10 pa 20% di loke nos tabata haya antes di tur aeroliña cu ta(bata) frecuenta nos isla, for di data cu noticiacla.com tin y a calcula, ta mustra cu pa loke ta mercado mericano, ‘apenas’ un 29% di e frecuencia di buelo normal por wordo spera. Y esaki vigente pa e proximo lunanan nos dilanti. E ta comprendibel, y mester tene cuenta cu tur esaki por cambia ainda si. 

MERCADO MERICANO

For di autoridad di aeropuerto, a informa nos recientente cu por lo menos 4 aeroliña mericano (di 7: red) a compromete nan mes pa cuminsa bula bek pa Aruba. Nan ta American Airlines, Delta, United y JetBlue. Tur hunto, lo bula pa luna, 128 buelo pa Aruba compara cu cifra di februari 2020 (data di AAA), unda cu e 4 aeroliñanan aki a bula 440 biaha pa Aruba. Esaki ta pues apenas 29% di e total cu lo cuminsa bula bek, si nan cumpli cu nan intencion otro luna. 

SPECIFICO

American Airlines tabata bula 137 biaha pa luna, y awor lo tin 56 buelo. Delta tabatin 73 buelo pa luna y lo reduci esaki te na 12 pa luna (3 pa siman). United Airlines a bula 101 biaha pa Aruba y awor lo bula apenas 4 biaha pa luna (1 biaha pa siman). Y JetBlue cu a bula 129 biaha pa luna na februari 2020, awor lo bula 56 biaha pa luna. Atrobe, tur esaki si e plan materialisa. Tambe mester tene na cuenta cu februari ta den temporada halto y awor nos ta caba den temporada ‘abou’. Esey tambe tin su efecto. Potret ta cortesia di www.arubaairport.com

  • RDA: A resulta cu tin hopi interes pa opera refineria di Aruba

    RDA: A resulta cu tin hopi interes pa opera refineria di Aruba

    ORANJESTAD - Awe diabierna pa 11’or di mainta e proceso pa interesadonan entrega documentonan relaciona cu REOI1 y REOI-2 a cera oficialmente. Pa 3’or di atardi Managing Director, señor Rennie Arends den compania di Notaris Chamila Tromp, asisti pa su Compliance Officer a efectua apertura di e Dropboxnan digital.

  • Lotto ta laga bo gana 800 mil florin diabierna awor

    Lotto ta laga bo gana 800 mil florin diabierna awor
  • Varios taxista ta reclama cu mester ‘hustle’ oranan largo pa 10 dollar

    Varios taxista ta reclama cu mester ‘hustle’ oranan largo pa 10 dollar

    ORANJESTAD – Algun taxista na Aruba no ta contento con autoridad di turismo ta haci como si fuera situacion ta ‘hopi mas miho cu a anticipa’ na Aruba debi na COVID-19, awor cu frontera a habri. Nan ta referi na e hecho cu e siman aki p.e. ATA a bisa cu envez di 2 mil turista, a haya hopi mas cu a spera, pues cu cos ta bayendo hopi mas miho cu a kere.  Segun algun taxista, ta haci como si fuera esey ta drecha e situaicon. Segun un taxista en particular, Linda Orman cos no ta nada bon. Asina e ta bisa e.o. riba su pagina di Facebook. Hunto cu ne, tin varios otro taxista cu tambe ta reclama. Mientras cu frontera a habri, awor nan tin cu warda 5 pa 6 ora pa gana 10 dollar di un turista. Otro nan ta warda 4 ora pa gana 30 dollar. 

  • The [email protected] In na Aruba ta habri diaranson otro siman cu concierto

    The Movies@Drive In na Aruba ta habri diaranson otro siman  cu concierto

    KIBAIMA – Drive In na Aruba ta habri bek dia 29 di juli proximo. Asina e compania a anuncia diabierna riba nan facebook page. E lo habri cu un concierto cu Jeon y mas artista sorpresa. E evento lo ta di 6:30pm pa 10pm. A informa cu tur loke cu haya na entrada, lo bay pa e dos instancianan Fundacion Pa Nos Comunidad y Fundacion Pa Hende Muhe Den Dificultad. E potret ta momento cu a anuncia e intencion na mitar di mei (13 di mei 2020), manera cu a keda raporta pa e portal aki. Mientrastanto e pantaya a bay halto y tur cos ta cla pa otro siman e reapertura tuma lugar, bou di otro nomber. 

  • AHATA: Ocupacion na hotel ta na nivel di perdida financiero

    AHATA: Ocupacion na hotel ta na nivel di perdida financiero

    ORANJESTAD - Ocupacion di hotel na Aruba ta na nivel di perdida financiero. Asina Aruba Hotel & Tourism Association (AHATA) ta raporta diahuebs. AHATA ta bisa di a haci un encuesta cerca hotelnan pa midi progreso den ocupacion y expectativa pa recuperacion di turismo.  E resultado a demostra cu recuperacion ainda ta pocopoco.  

  • Gremionan kier gobierno comparti contra propuesta haci na Hulanda

    Gremionan kier gobierno comparti contra propuesta haci na Hulanda

    ORANJESTAD – Por lo menos tres gremio comercial di Aruba, den e caso aki AHATA, ATIA y SNBA a pidi gobierno (lesa: prome minister Evelyn Wever) pa comparti e contra proposicion cu Aruba a manda  Hulanda siman pasa. Ademas kier pa gobierno comparti detayes di e desaroyonan nobo di negociacion. Y tambe nan kier copia di e master plan prepara pa e plataforma nacional, y tambe cua parti di e reformanan sugeri, ya a wordo poni den ehecucion. 

  • Powered by SETAR