Wever: Cortamento di salario ta 'tot nadere orde' pa henter sector publico

Wever: Cortamento di salario ta 'tot nadere orde' pa henter sector publico

Posted on 05/22/2020 3:24 pm AST | Updated on 05/22/2020 3:28 pm AST

ORANJESTAD — Cortamento di salario ta tot nadere orde pa henter sector publico. Asina prome minister Evelyn Wever Croes a recorda den un comunicado diabierna. Segun e mandatario, den ultimo dianan tin un discusion riba e cortamento di salario den sector publico di 12.6% pa trahadonan y 25% pa minister y parlamentarionan. Gobierno durante deliberacionnan cu sindicato desde maart y april a presenta un cortamento te cu 31 december 2020. Sindicatonan no a acepta esaki y a entrega un keho na Hulanda. E contesta di Hulanda a bin den un carta den cual ta papia di “tot nadere orde” en bes di 31 december 2020.

NO TIN DIFERENCIA

No tin un diferencia grandi entre e dosnan pasobra realmente ningun hende no sa ki dia e crisis ta pasa. E por ta prome cu 31 december pero e por ta despues tambe y den e caso ey lo mester hala e fecha pa un fecha mas despues anyway. Segun Wever, solamente un Gobierno cu un bola di cristal por anticipa cu exactitud e final di e crisis aki. 

MESTER A ACEPTA 

Gobierno di Aruba mester a acepta e condicion pa asina por haya e sosten di likides necesario pa paga su gastonan, pasobra e realidad ta cu entradanan di Gobierno a baha cu 80% y no ta cubri e gastonan mas.  “Y nos ta hopi satisfecho cu nos a logra haya e placa y por a paga salario di ambtenaar. No tabata tin tempo di perde sino no por a paga salario di ambtenaar e siman aki”, Premier Wever-Croes a duna di conoce. 

TOT NADERE ORDE

E fecha posponi nobo “tot nadere orde” ta conta pa tur hende den sector publico. Ministernan, Empleadonan di gobierno, di fundacionnan subsidia, di empresanan estatal. 

PARLAMENTO

“Pa Parlamento nos no por papia, pasobra Parlamento ta autonomo den e decision aki. Parlamento a pasa un ley pa corta nan salario cu 25% te 31 december 2020 prome cu Hulanda a pone e condicion “tot nadere orde”. Ta logico cu den e ley nan no por a tene cuenta cu ne. Pero mi ta sigur cu Parlamento lo duna sosten na esaki pa asina ta solidario cu pueblo”. 

PREOCUPA CU CORTAMENTO DEN AZV

Gobierno ta mas preocupa cu e condicion cu mester corta 5 miyon florin den AZV hustamente memey di e crisis di salud. Pero mirando e necesidad di 113.3 miyon florin pa paga salario di sector publico y salario y sosten financiero di 35 mil hende di sector priva e luna aki, ta logico cu a acepta e fiansa di 113.3 miyon y acepta pa corta 5 miyon florin. Awor tin estudionan ta wordo haci pa yega na e forma con lo por corta e suma aki sin causa daño na calidad di cuido di salud. 

EMPATICO CU 35 MIL PERSONA 

Premier Evelyn Wever-Croes a indica na sindicatonan cu tene cuenta cu wowo di henter Aruba y henter Reino ta riba nan. Nos mester ta mas empatico cu e 35 mil persona cu a perde entre 40% y 100% di nan entrada. Locual Premier ta haya bunita ta cu e mayoria di nos comunidad ta realisa cu esaki ta tempo pa mustra solidarismo y no egoismo. Lesa e carta di gobierno pa trahadornan riba e tema AKI

  • Premier Wever Croes: Di dos parti di reunion no por continua si Lopez Tromp no tey!

    Premier Wever Croes: Di dos parti di reunion no por continua si Lopez Tromp no tey!

    ORANJESTAD – E reunion di Parlamento cu a tuma lugar diabierna ultimo unda cu mester a atende cu e ‘confiansa of no contra e minister’, a para abruptamente diabierna anochi riba peticion di partido POR. E reunion no por continua, si e minister no tey. Por lo menos esey ta e opinion di premier Evelyn Wever Croes. Asina e la bisa durante un conferencia di prensa dialuna mainta. “Mi ta haya cu e tweede ronde mester bay ora cu e minister tey” e mandatario a bisa. E ta na altura cu tur fraccion den Parlamento a bisa cu nan kier pa e reunion continua tambe. 

  • Si Marisol Lopez Tromp baha como minister, POR no ta haya otro minister

    Si Marisol Lopez Tromp baha como minister, POR no ta haya otro minister

    ORANJESTAD – Si resulta cu minister Marisol Lopez Tromp retira di su function (voluntariamente) of e wordo retira (door di Parlamento) y bin un vacatura di e respectivo ministerionan, no ta bay  bin un di 8 minister bek. Esaki ta e posicion di partido MEP, segun su lider Evelyn Wever Croes na e portal aki dialuna mainta durante un conferencia di prensa. “Ta keda goberna cu 7 minister” e mandatario a sigui bisa. E motibo ta gastonan extra. 

  • Otmar Oduber a desmenti insinuacion cu e ta lidera POR for di ‘pafor’

    Otmar Oduber a desmenti insinuacion cu e ta lidera POR for di ‘pafor’

    ORANJESTAD – Durante un conferencia di prensa dialuna, despues di 7 luna di ta keto, ex lider di partido POR Otmar Oduber a dicidi di clarifica y mas bien desmenti tur acusacion cu tin den su contra, particularmente relaciona cu e presentacion recien di actual minister Marisol Lopez Tromp den Parlamento. Un pa un, pa mas di un ora, y varios biaha cu documento pa mustra esaki, Oduber tabata repasa e lista di loke e ta yama ‘mentira y insinuacionan’ cu Lopez Tromp a lansa diabierna ultimo y prome den su direccion. Dado momento e la compara su ex colega di partido cu un actor di e organisacion teatral Mascaruba, elogiando Lopez Tromp cu e un bon actor.  

  • Evelyn Wever Croes ta considera AVP un universidad di corupcion

    Evelyn Wever Croes ta considera AVP un universidad di corupcion

    ORANJESTAD – “Ora cu bo ta papia di corupcion y bo ta papia di integridad, mi no ta kere bo por traha cu partido AVP”. Asina Evelyn Wever Croes den su calidad di lider di partido MEP a declara dialuna mainta durante un conferencia di prensa di gobierno. “Mi ta considera partido AVP un Universidad di corupcion” Wever Croes a sigui bisa. Ora cu e portal aki a puntre si e ta bisa esaki como cabez di gobierno, el a bisa cu no, cu e ta bisa esaki como opinion personal y lider di partido MEP. “Mi no ta kere cu ami lo lidera un partido cu ta traha cu partido AVP”. Segun Wever Croes, dia cu MEP traha cu partido AVP, ta ora cu e no ta lider mas di e partido geel. “Mi tin cu bisa tambe cu mi no a bin pa hopi tempo. Mi tin 10 aña den politica caba, y ta yega un momento cu mi ta cuminsa pensa. Pero traha cu partido AVP no ta riba mi lista” Wever a bisa cu hopi siguransa. E contesta ta basa riba pregunta di un periodista cu a puntra kico e ta pensa di traha of forma un posibel gobierno cu partido AVP. 

  • Wever Croes: Intermediacion cu minister Lopez no por a cuminsa ainda

    Wever Croes: Intermediacion cu minister Lopez no por a cuminsa ainda

    ORANJESTAD – E intermediacion cu minister Marisol Lopez Tromp manera anuncia den fin di siman, awor ta resulta cu no por a cuminsa ainda. Asina premier Wever Croes a informa dialuna mainta den un comunicado. Segun e comunicado, den un carta dirigi na Presidente di Parlamento sr. Ady Thijsen diadomingo,  Wever-Croes a informa sr. Thijsen cu e esfuersonan pa intermediacion den e asunto interno di POR no por a tuma luga ainda pasobra Minister Marisol Lopez-Tromp a biaha.

  • Parlamentarionan a pidi reunion pa haya claridad riba presentacion di Minister Lopez Tromp

    Parlamentarionan a pidi reunion pa haya claridad riba presentacion di Minister Lopez Tromp

    ORANJESTAD – Fraccion di MEP y fraccion independiente di Parlamentario Daphne Lejuez a urgi presidente di Parlamento pa yama un reunion basa riba presentacion di minister Marisol Lopez Tromp. Rocco Tjon kier pa prome minister Evelyn Wever presenta pa un reunion unda cu mester trece claridad riba informacion cu a keda lansa diabierna ultimo den Parlamento. Segun e lider di fraccion Rocco Tjon, minister Marisol Lopez Tromp durante e reunion ultimo, a trece un cantidad di informacion riba casonan di corupcion ‘cu nunca a yega oido di Parlamento’. Mientrastanto Lejuez kier pa Marisol Lopez Tromp bolbe den Parlamento pa continua cu su presentacion y presenta pruebanan di loke el a bisa riba e.o casonan di corupcion. Por lesa e carta di Tjon AKI y di Lejuez AKI.

  • aruba airlines
  • Powered by SETAR