(ADVERTORIAL)
ORANJESTAD – E di dos edicion di e programa ‘Riba Caminda…’ edicion Garage Cordia Aruba ta dialuna anochi 9’or riba e plataformanan di Noticiacla.com. Esaki ta un programa ‘nobo’ unda cu e moderador/periodista Tito Laclé ta entrevista un persona riba un of otro tema, mientras conduciendo auto. E no ta un concepto nobo, pero uno si hopi popular. E prome edicionan lo ta un edicion special commercial cu cooperacion di Garage Cordia como un di e casnan commercial di noticiacla.com.
TEMA
Durante e programa di dialuna, lo enfoca riba e tipo di auto pickup, e Toyota Hilux. E biaha aki e invitadonan ta Franklin Oduber y Joylene de Nobrega (e ta bolbe di e prome programa) di Garage Cordia y nan lo papia riba e cualidad di e auto, y tambe carnaval. No perde e programa interesante aki cu lo pasa awe nochi 9’or riba e plataformanan di noticiacla.com, esta e pagina di Facebook di Noticiacla, e app y e website (pa e ultimo dos plataformanan, busca e button ‘LIVE’).
ORANJESTAD - Horacio Oduber Hospital ta comparti cu comunidad di Aruba e cifranan pa loke ta luna di maart 2024. E cifranan aki banda di brinda transparencia y informacion ta duna comunidad di Aruba un indicacion di cuanto pashent Hospital ta atende mensualmente, cuanto operacion ta tuma luga, pero tambe cuanto donacion di sanger a tuma luga na Bloedbank y mas.
ORANJESTAD – Departamento di Impuesto ta su oficina principal na Camacuri lo ta cera pa publico diaranson, dia 24 di april 2024. Esaki ta debi na trabounan di mantencion necesario na e edifico. Mientrastanto Departamento di Impuesto kier sigura cu ta sigui brinda servicio na publico sin interupcion. Siguientemente ta sigui un skema di e servicionan.
ORANJESTAD – E organisacion independiente di conservacion di naturalesa conoci como Fundacion Parke Nacional Aruba (FPNA) ta usa e ocacion mundial di Dia di Mama Tera pa revela su transformacion pa Aruba Conservation Foundation (ACF). E transformacion akinan ta encera un nomber nobo, un logo, y identidad visual nobo cu ta alinea na e direccion strategico di e organisacion como un organisacion moderno di maneho di conservacion y alavez ta alinea na e necesidad actual pa conserva naturalesa di Aruba. Asina, e organisacion ta despedi di ta un organisacion tradicional di maneho di parke cu hopi a bin ta conoce pa mas cu 20 aña.
ORANJESTAD – Parlamentario independiente Ryçond Santos Do Nascimento ta e invitado den e programa Noticiacla LIVE diamars anochi pa 9’or. Recientemente a cumpli un aña cu e parlamentario a distancia su mes di e partido berde AVP y a declara su mes independiente. Un aña despues ta toca temanan general y specifico cu e parlamentario. Un programa sigur interesante y al caso, cu periodista Tito Laclé. No perde!. Esaki riba tur Plataforma di Noticiacla, manera e Facebook page, website y e app.
ORANJESTAD - Organo Ehecutivo AZV a informa tur asegurado inscribi cerca dentista Mayra Rosales pa tuma nota cu e contracto entre OE AZV y dentista Mayra Rosales ta finalisa 30 di april 2024. Den caso cu tin un cita despues di 30 di april 2024, lo e asegurado mester tene cuenta cu e cita aki no ta wordo cubri mas door di OE AZV. Ta gradici dentista Rosales pa su añanan di servicio cu el a brinda na e aseguradonan di AZV. Tur clase di exito tambe ta e deseo di OE AZV pa dentista Mayra Rosales cu e continuacion di su practica priva.