Aruba Airlines ta suspende buelonan pa y di Riohuacha

Posted on 02/13/2020 3:47 pm AST | Updated on 02/13/2020 3:48 pm AST

ORANJESTAD - Aruba Airlines lo suspende buelonan pa Riohuacha, entrante 21 di februari 2020. E accountable manager Frank Arendsz a confirma esaki pa www.noticiacla.com. “Nos tabata tin te cu 21  di februari pa opera Riohacha y dos siman atras nos a compronde di DCA (Directie Luchtvaart Aruba)  cu no ta bai prolonga e permit mas pa awor aki y ku e ta keda ariba un hold” Arendsz a bisa. “Gobierno no a mira necesidad pa prolonga e permiso di charter” un comunicado di gobierno a bisa diahuebs riba e tema. “Segun gobierno di Aruba, vuelonan di e compania aereo concerni no tabata un ruta coriente, sino basa riba permiso temporario di charter cu ta mara na condicionnan y lo termina den luna di februari. “E motibonan ta conoci na e compania”. For di Arendsz a compronde cu hopi Venezolano tabata yega riba e buelonan aki. Pues esaki por ta un di e motibonan. 

 

  • Feliz Ganado di Lotto a cobra su premio cu wega di Zodiac

       Feliz Ganado di Lotto a cobra su premio cu wega di Zodiac
  • Peter Staal a bira e Director General nobo na Aruba Bank

    Peter Staal a bira e Director General nobo na Aruba Bank

    ORANJESTAD – Aruba Bank tin un Managing Director  (Director general) y Chairman of the Management Board nobo. Diamars mainta e instituto financiero a anuncia cu Peter Staal a reemplasa Michiel Helfrich cu a retira. Staal su funcion a drenta na vigor for di 15 di februari 2020. 

  • SETAR su Business Event a enfoca riba Cyber Security

    SETAR su Business Event a enfoca riba Cyber Security
  • Aunke Aruba no a cumpli cu palabracion, CAFt no ta papia di ‘aanwijzing’

    Aunke Aruba no a cumpli cu palabracion, CAFt no ta papia di ‘aanwijzing’

    ORANJESTAD – Aunke cu gobierno di Aruba ainda no tin un presupuesto aproba pa 2020, e colegio di supervision di Aruba CAFt no ta papia di conseha RMR (Rijksministerraad) pa duna Aruba e aanwijzing (instruccion) cu tin riba mesa desde aña pasa november. RMR tin e aanwijzing ‘wanta’ pendiente e aprobacion di e presupuesto aki. Si e contenido no ta cuadra cu palabracion haci, RMR a informa Aruba caba (via minister Raymond Knops) di lo otorga Aruba e aanwijzing. Mientras cu e presidente di CAFt Gradus no ta mustra di tin ‘pura’ cu e aanwijzing, el a duna indicacion si cu e mester ta cla pa 1 di april proximo pa gobernador firma. Riba insistencia di prensa pakico si tin regla, ta sigui duna Aruba tanto ‘chens’, Gradus a bisa cu nan ta warda e producto final y djey lo dicidi. 

  • SER: Falta di cumplimento di pago di impuesto ta alarmante

    SER: Falta di cumplimento di pago di impuesto ta alarmante

    ORANJESTAD – Tin 1.6 biyon na impuesto di 2019 riba caya sin cobra. Esaki ta nifica cu tin un falta di cumplimento di pago di impuesto na Aruba cu ta alarmante. Asina Sociaal Economisch Raad (SER) ta señala den su ultimo rapport ‘Het gebrek aan compliance’. Specificamente SER ta referi na e 1.6 biyon florin cu ta riba caya sin cobra na 2019. E suma sinembargo tabata aun mas grandi na 2015 di 2.2. biyon florin. E suma habri di 2019 ta mas grandi cu tur presupuesto di tur ministerio di gobierno hunto, y ekivalente na 30% di e PIB (Producto Interno Bruto) di e isla. Esaki ta pone cu Aruba tin un comportacion considerable di ‘no cumplimento’. Nan ta relata e puntonan di preocupacion den e rapport di 33 pagina. 

  • CAft: Presupuesto 2020 di pais Auba no ta hustifica suficiente

    CAft:  Presupuesto 2020 di pais Auba no ta hustifica suficiente

    ORANJESTAD – Presupuesto 2020 di pais Aruba no ta suficientemente hustifica ainda. Asina e colegio di supervision financiero CAFt ta bisa den un comunicado diabierna. E colegio a finalisa su bishita di dos dia na Aruba y despues a tene su conferencia di prensa. Tambe riba pregunta di e noticiacla, e colegio a admiti cu nan ta en espera di e presupuesto 2020 su version final pa wak si e instruccion riba mesa, mester wordo usa si of no. “Esey bo tin rason”, presidente di e colegio Raymond Gradus a bisa e portal aki. E presupuesto proyecta di Aruba pa aña 2020 ta cera cu un surplus di 0,6% di e Producto Interno Bruto (PID/GDP), esta e balor monetario di tur e bienes y servicio produci den pais durante un aña. Esaki ta cumpli cu e norma pa un surplus presupuestario for di e protocol acorda cu Hulanda. 

  • Powered by SETAR