CAFt a bishita Gobernador di Aruba Alfonso Boekhoudt

CAFt a bishita Gobernador di Aruba Alfonso Boekhoudt

Posted on 02/13/2020 2:49 pm AST | Updated on 02/13/2020 2:50 pm AST

ORANJESTAD – Gobernador di Aruba SE Alfonso Boekhoudt riba diahuebs 13 di februari a reuni cu e Colegio di Supervision Financiero di Aruba (CAft). E delegacion a consisti di Sr. Raymond Gradus (presidente di CAft), Sra. Hellen van der Wal (miembro nombra pa Aruba) y Sr. Henk Kamp (miembro nombra pa Hulanda). E delegacion tabata acompaña pa e Secretario di CAft, Sr. Ray Thuis. Manera ta conoci, e conocido no ta bira publico. Diabierna CAft ta duna un conferencia di prensa pa relata nan bishita di 2 dia na Aruba. 

  • Oduber: Aruba tin su propio plan nacional di prevencion!

    Oduber: Aruba tin su propio plan nacional di prevencion!

    ORANJESTAD – Dialuna mainta a tuma lugar e lansamento oficial di e plan nacional multisectoral pa cu prevencion di malesanan no contagioso (non-communicable diseases NCDs) na Marriott Ballroom. Aki Minister di Salud Publico Dangui Oduber a hiba un discurso den presencia di representantenan di di PAHO/WHO Dr. Erica Wheeler y Dr. Taraleen Malcolm. Tambe tabata tin varios miembro di Parlamento, Directie Volksgezondheid Aruba y demas stakeholders presente e mainta aki.

  • Maduro: CAFT ta positivo riba e resultado financiero di pais Aruba

    Maduro: CAFT ta positivo riba e resultado financiero di pais Aruba

    ORANJESTAD – “CAFT ta positivo riba e resultado financiero di Pais Aruba”. Asina e comunicado di gobierno di Aruba riba e reunion cu e colegio di supervision financiero CAFt ta bisa. Ta specifica esaki asina, pasobra e colegio mes a manda su propio comunicado riba nan interpretacion di e bishita. Y den e comunicado ey, ta un frase so ta positivo di e comunicado. Ta custumber si cu cada partido ta duna su interpretacion di e bishita di e colegio di supervision. 

  • Wever: No a logra firma terminacion di contract cu CITGO ainda

    Wever: No a logra firma terminacion di contract cu CITGO ainda

    ORANJESTAD – Gobierno di Aruba no a logra firma terminacion di contract cu CITGO ainda. Durante conferencia di prensa di Gobierno diahuebs mainta, Premier Evelyn Wever-Croes a elabora riba e situacion di Citgo cu actualmente ta un topico di hopi interes den comunidad.” E negociacionnan entre Gobierno y Citgo pa yega na un terminacion di contract ainda ta andando” Wever a bisa. Mirando cu e acuerdo firma entre Gobierno di Aruba y Citgo na aña 2016 ta uno grandi y hopi elabora, ta dificil pa defini un bon momento pa terminacion. Segun Wever-Croes su persona no ta altanto di tur e detayenan cu tin den e contract pero e sa si cu na final Gobierno mester bay Parlamento prome cu firma pa terminacion mescos cu a bay Parlamento pa e contract aki wordo aproba.

  • Maduro: Lo por cuminsa trata presupuesto 2020 na maart

    Maduro: Lo por cuminsa trata presupuesto 2020 na maart

    ORANJESTAD – Parlamento lo por cuminsa cu tratamento di presupuesto 2020 na comienso di maart di e aña aki, envez di e palabracionan anterior di januari y despues februari (esta e luna aki). Asina minister di finanza Xiomara  Maduro a bisa noticiacla.com diahuebs. Motibo di e tardansa ta cu e presupuesto ta ‘’pega’ na Raad van Advies ainda. Hulanda mientrastanto a duna Aruba te februari (segun Evelyn Wever Croes na e portal aki) pa trata e presupuesto, despues no a logra haci esaki na januari 2020 segun palabracion anterior. 

  • Parlamento a trata proyecto di gobierno anterior esta ‘Bo Aruba’

    Parlamento a trata proyecto di gobierno anterior esta ‘Bo Aruba’

    ORANJESTAD – Parlamento a trata e rapport ‘Bo Aruba’ awe diahuebs. Un proyecto di gobierno anterior, ehecuta entre 2010-2016 cu a costa 1 biyon florin. E intencion tabata pa gobierno splica kico tur ta haciendo ‘pa e abusonan aki no pasa nunca mas’, segun gobierno a informa den un comunicado.  

  • Segun e ultimo UR pa 2019, gobierno lo paga casi 80 miyon na PPP pa 2020

    Segun e ultimo UR pa 2019, gobierno lo paga casi 80 miyon na PPP pa 2020

    ORANJESTAD – E mandatario di finanza Xiomara Maduro a sigura cu e ultimo rapport financiero di gobierno pa 2019, esta e  di cuater y ultimo Uitvoerings Rapportage pa 2019, ta cumpli cu e exigencianan conforme planificacion pa cu e colegio di supervision financiero CAFT. Gobierno e aña aki lo tin cu paga casi 80 miyon florin na proyectonan PPOP (Private Public Partnership), cu ta encera e proyecto di renobacion y expansion di Hospital Horacio Oduber, Green Corridor y Watty Vos Boulevard, y e edificionan MFA. Asina e mandatario di finanza Xiomara Maduro a bisa durante e conferencia di prensa. Fuera di esaki, tin gastonan cu tin cu paga manera 12 miyon na AZV, 50 miyon na interes riba debenan canando, mientras ta keda cu 20 miyon pa inversionan cu tin cu haci. Tur e informacion aki a keda publica e siman aki den e uitvoerings raportahe final pa 2020. Unabez cu e rapport aki keda presenta na e colegio di supervision financiero CAFt y parlamento, e documento financiero aki ta bira publico y por wordo comparti cu comunidad, segun e mandatario a sigura e portal aki, noticiacla.com. 

  • aruba airlines
  • w.c enero
  • Powered by SETAR