Mama di hobencita na Corsou accidenta pa mal wega, buscando husticia pa su yiu

Mama di hobencita na Corsou accidenta pa mal wega, buscando husticia pa su yiu

Posted on 02/13/2020 11:33 am AST | Updated on 02/13/2020 11:34 am AST

WILLEMSTAD - Mama di un hobencita di 9 aña na Corsou ta luchando pa husticia pa loke a tuma lugar cu su yiu muher na comienso di e siman aki den cura di scol. E mama a informa cu no ta su intencion pa cera ningun mucha, pasobra e tambe ta mama y e sa di e dolor ey. Pero e kier pa e scol para responsabel pa loke a pasa cu su yiu. Asina e portal Extra Curacao ta raporta. Segun e mama ta sigui conta, e tabata haciendo un diligencia ora cu el a wordo yama di scol cu su yiu a haya un accident na scol. Debi cu tabatin un blackout e momento ey na scol, luz di traficonan no tabata traha, a pone cu el a tarda un poco pa yega scol. Finalmente el a yega Divi Divi Scol unda cu su yiu ta bay y a haye cu un bolombonchi y drumi riba un mesa. A hiba e yiu docter di cas cu na su turno a busca ambulance pa e yiu bay hospital. Eynan a bin saca afor cu e tin sanger den su cabez sea pa un ader principal of un otro cos. A confirma cu e mucha lo a haya un ‘heftige hersenschudding’. E mucha a pasa nochi na hospital y a compronde cu e por a bay cas. Aparentemente scol su version no ta cuadra pa cual a pone abogado riba e caso aki pa persigui e scol y a bin compronde mientrastanto cu no por haci nada cu e mucha responsabel di 12 aña pasobra segun ley no por persigui un mucha bou di 12 aña. Segun e mama, e scol ta gañando y e kier sa e berdad di e caso. Cortesia Extra Curacao. 

 

 

 

 

 

  • Sinterklaas posiblemente lo no bin Corsou e aña aki

    Sinterklaas posiblemente lo no bin Corsou e aña aki

    WILLEMSTAD – Tin chens cu Sinterklaas y su pietnan lo no bishita Corsou e aña aki. A lo menos cu un otro fundacion of organisasacion tuma e evento over.  Fundacion pa nos muchanan cu ta responsabel pa organisa e evento di yegada, a dicidi cu no ta hacie e e aña aki. Motibo ta e situacion di COVID 19, problema financiero y e situacion di rasismo continuo cu no kier bay. A purba modernisa e situacion di piet, pero nada cu a cambia a trece e diferencia. Lo pensa algo otro pa bin cu un otro tipo di celebracion di mucha. Si no tin otro organisacion, esaki por nifica cu no tin yegada di Sinterklaas e aña aki pa Corsou. Potret cortesia Persbureau Curacao. 

  • Trahadonan di hotel cu a cera na Corsou, ta den shock y a papia cu sindicato

    Trahadonan di hotel cu a cera na Corsou, ta den shock y a papia cu sindicato

    WILLEMSTAD – Trahadonan di Santa Barbara Beach Resort & Golf Resort ta den shck despues cu nan a ricibi nan carta di retiro e siman aki. Asina e portal Extra na Corsou ta raporta. Esaki sigur despues cu a haya un carta positivo anteriormente cu lo a habri e hotel na juli pa localnan so. A compronde cu a acerca nan sindicato Sentral Solidaridat Sindikal. A yama un reunion central cu un grupo di 10 trahado pa splica nan e situacion laboral y nan derecho. A splica cu tanten cu e departamento di labor no caba cu e proceso di cesantia, e trahadonan pa ley, ta keda den servicio di e hoteo. Nan a keda babuca con bon e hotel tabata draai. Pues nan no ta compronde e situacion y ta den shock ainda. 

  • E popular Campo Alegre na Corsou a keda declara bancarota

    E popular Campo Alegre na Corsou a keda declara bancarota

    WILLEMSTAD – E conocido lugar conoci na Corsou Campo Alegre unda cu por haya servicio di ‘dama di anochi’,  a keda declara den estado di bancarota diamars ultimo. Esaki ta e resultado ora cu dos compania a pidi bancarota di e lugar y huez a dicta esaki mesora. Un di e companianan ta uno di limpiesa cu for di December 2019 a entrega facture pero no a ricibi pago. Otro cuater companianan tambe a entrega factura pero no a ricibi nada.   Abogado di Campo Alegre, Loth den corte a confirma cu mester a cera Campo Alegre na maart ultimo debi na coronavirus su medidanan. Nan tin un debe di impuesto di 6.9 miyon florin tambe. Como tal a declara e compania cu ta maneha e facilidad, Rectour Corporation den estado di bancarota. A nombra curator pa atende ku tur e debenan di Campo Alegre. E facilidad a habri su porta na 1949 pa evita criminalisacion di prostitucion. 

  • Muher trahando na Warda Costa na Corsou deteni pa labamento di placa

     Muher trahando na Warda Costa na Corsou deteni pa labamento di placa

    WILLEMSTAD - Koninklijke Marechaussee na Corsou a detene dos muher di 34 y 25 aña di edad, riba sospecho di labamento di placa. E muher di 34 aña cu tabata traha na Warda Costa, ta wordo mira como e sospechoso principal den e investigacion. Asina marechaussee a anuncia diaranson. E investigacion bou di mando di ministerio publico, ta wordo ehecuta pa  marechaussee, a inicia riba peeticion di autoridad local. E sospechosonan a keda interoga despues di nan detencion.   

  • Gerstenbluth: No habri frontera pa Colombia, Merca y Republica Dominicana ainda

    Gerstenbluth: No habri frontera pa Colombia, Merca y Republica Dominicana ainda

    WILLEMSTAD – Diaranson Corsou a raporta su di 21 caso positivo di coronavirus COVID-19. Mescos cu e ultimo 4 casonan, e ultimo aki tambe ta importa di un yiu di Corsou cu a bin di afo. Dr Izzy Gerstenbluth a confirma cu e ultimo 5 casonan tabata procedente di e.o. Republica Dominicana (2), Colombia (2) y Merca (1). Mes momento a sugeri pa mirando e situacion, no habri frontera ainda pa paisnan manera Merca, Republica Dominicana, Colombia y Brazil. Esaki ta paisnan cu ainda no tin e virus bou di control. 

  • Corsou ta haya un presidente di Parlamento nobo

    Corsou ta haya un presidente di Parlamento nobo

    WILLEMSTAD – E actual lider di fraccion di partido politico PAR, Ana Maria Pauletta ta bira e proximo presidente di Parlamento di Corsou. Asina medionan di Corsou ta raportando diaranson. E motibo di e cambio ta pasobra e actual presidente William Millerson ta biaha pa Hulanda e siman aki pa tratamento medico. No ta conoci ki tempo e ta bin bek. Stephen Walroud ta reemplaza Pauletta como lider di fraccion. 

  • Powered by SETAR