Actor Harrison Ford a scohe Bonaire pa pasa su vacacion

Posted on 01/14/2020 10:35 am AST | Updated on 01/14/2020 10:36 am AST

 

 

KRALENDIJK – E actor di cine internacional Harrison Ford, conoci pa peliculanan manera Star Wars, Indiana Jones y mucho mas, ta na Bonaire pa un vacacion di buceo. E mes ta un buceador fanatico y a scohe Bonaire pa su vacacion e aña aki. Mas y mas potretnan ta apareciendo riba rednan social di su bishita. E artista internacional no a sconde pa camera y a saca potret cu varios persona di e isla di Flamingo. Potretnan cortesia di Coraline Snijder y Ana Makaai. No ta inusual cu artistanan grandi asina ta bishita nos islanan den Caribe. 

  • Oficina di impuesto na Bonaire a cera pa motibo di COVID19

    Oficina di impuesto na Bonaire a cera pa motibo di COVID19

    KRALENDIJK – Oficina di impuesto di Bonaire mester a cera su porta awe mainta, debi cu un di su trahadonan a test positivo pa COVID19. Ta resulta cu e ta un pashent di e docter di cas Hermelijn cu recientemente a test positivo tambe pa e virus aki. Cu esaki, e cantidad di casonan positivo activo ta bira 4. Te cu ayera, a raporta cu tabatin 3 caso. E isla tin 1 caso di morto. Potret cortesia Bonaire.nu. 

  • Pasaheronan di buelo humanitario a keda someti na control di COVID19 ora a yega Venezuela

    Pasaheronan di buelo humanitario a keda someti na control di COVID19 ora a yega Venezuela

    LAS PIEDRAS – Dialuna atardi, manera cu noticiacla a raporta caba, e buelo humanitario pa Venezuela for di Aruba a tuma lugar porfin. Finalmente ta 78 pasahero (di 100 cu tabata poni pa biaha), a yega Las Piedras, estado Falcon unda cu nan a keda ricibi pa e.o. Gobernador Victor Clark, y e secretario di salud. Despues di a keda someti pa un control completo medico, a transporta tur pasahero pa nan respectivo residencia, sea fiho of temporal. Manera por mira di e potretnan exclusivo obtene pa e portal aki, unavez cu e avion a yega, a haci un limpiesa total di tanto e avion como ekipahe, y a controla e pasaheronan un pa un. Manera ta conoci hopi di nan, pa no bisa mayoria, tabata personanan cu a keda deporta, debi cu nan estado tabata ilegal riba e isla. Pero debi na e crisis di COVID19, no tabatin buelo pa Venezuela pa cual hopi a keda deteni den e centro di detencion na Guarda Nos Costa. Finalmente cu intento di embahada Hulandes y esfuersonan di gobierno Venezolano, a logra saca un buelo dialuna. A compronde cu tin mas persona cu tin y kier biaha, pero no ta conoci si lo tin mas buelo por lo pronto. 

  • A stabilisa plataforma Nabarima evitando derame di petrolio afectando islanan ABC

     A stabilisa plataforma Nabarima evitando derame di petrolio afectando islanan ABC

    TRINIDAD – E plataforma considera como un tanki flotante di petrolio den Golfo di Paria, a keda stabilisa segun e socio Italiano Eni, na e area unda cu e plataforma Nabarima tabata ubica pa 10 aña. “E condicion di e barco ta stabil y e leak di awa a keda resolve caba. Tabatin miedo inicialmente cu e por a zink, cu consencia cu e petrolio abordo por a derama den laman y cuminsa move direccion pa islanan ABC. E ta situa den e Golfo cu ta entre Trinidad y Venezuela.  A palabra cu lo transferi e 1.5 miyon bari di petrolio pa otro bapor. Inicialmente tabatin miedo cu si nan no lo a yega na tempo, cu e daño lo ta devastador y te hasta tabata papia di problema pa islanan Aruba, Bonaire y Corsou. “Nabarima ta yenando cu awa y ta na riesgo di bolter y derama 1.3 miyon bari di petrolio den nos golfo di Paria” oficialnan di Trinidad a bisa anteriormente. Tabatin un plan di contingencia entre Trinidad y Venezuela. E gravedad di e problema no tabata completamente conoci. Pero debi na falta di añanan di mantenimiento, e FOS Nabarima parce un bari frusto yena cu crudo petrolero diki. E bapor Venezolano ta midi 868 pia largo y ta casi full di petrolio. E cantidad ta 5 biaha e cantidad di e derame di Exxon Valdez na 1989. 

  • Presidente Mericano Donald Trump ta pone Marriott cera na Cuba

    Presidente Mericano Donald Trump ta pone Marriott cera na Cuba

    HAVANA – E cadena hotelero Marriott a anuncia dialuna e cierre di nan operacion na Cuba, despues cu presidente Mericano Donald Trump a nenga pa renoba e licencia di operacion. Esey ta nifica cu entrante diamars 1 september 2020, Marriott lo no sigui opera e hoterl Four Points by Sheraton of La Habana.  

  • Secretario Raymond Knops a inicia bishita na Bonaire dialuna

    Secretario Raymond Knops a inicia bishita na Bonaire dialuna

    KRALENDIJK – Secretario di estado Hulandes Raymond Knops a inicia su bishita na Bonaire dialuna manera propaga siman pasa. E mandatario Hulandes lo ta na Bonaire y Corsou entre 31 di augustus pa 3 di September proximo. Dialuna el a bishita gezaghebber Edison Rijna, cu recientemente a keda prolonga cu 6 aña mas den e funcion. Algo cu segun Knops, ta algo hopi positivo. Fuera di Rijna, e mandatario lo bishita otro mandatario y tambe mas instancia. Mescos ta e situacion na Corsou. E no tabishita Aruba debi cu e isla ta poni como code oranjo cu ta nifica cu na nan regreso pa Hulanda, mester bay 2 siman den cuarentena. Algo cu no ta prudente aworaki cu e schedule cu e mandatario tin (por pensa e.o. riba Prinsjesdag proximamente).  Potret cortesia BZK. 

  • St Maarten tambe a keda confronta cu brote den cas di cuido di anciano

    St Maarten tambe a keda confronta cu brote den cas di cuido di anciano

    PHILIPSBURG – No ta na Aruba so, sino na St Maarten tambe tabatin contagion den cas di cuido di anciano. Por lo menos 2 trahado y un cliente di e cas di cuido na St Martin’s Home, a keda contagia cu e virus. Esey a pone cu 14 enfermero (cuidador) mester bay den cuarentena como medida di precaucion.  E cliente a keda interna den hospital. E cas di cuido ta e unico di e isla y ta wordo maneha pa Wit Gele Kruis. Ta prome biaha desde e pandemia cu tin brote den e cas aki. E origen di e contagio no ta conoci. 

  • Powered by SETAR