Minister Knops sumamente impresiona cu trabou di FHMD

Posted on 01/14/2020 10:03 am AST | Updated on 01/14/2020 10:06 am AST

ORANJESTAD – “Mi tabata sumamente impresiona riba e manera cu ta wordo traha eynan”. Palabra di minister Hulandes pa relacionan exterior Raymond Knops durante su bishita na Fundacion pa Hende Muher den Dificultad. E mandatario a bishita e facilidad ey dialuna durante su bishita, den cuadro di fondonan cu Hulanda a pone disponibel pa esaki. E ta contento di mira con esaki ta wordo atendi door di e grupo. “Tanto di e recepcion di hende, particularmente muher y muchanan cu ta afecta, pero tambe informacion duna na scolnan pa evita cu cosnan asina (violencia domestico) sosode”. E mandatario ta contento cu debi na e contribucion di Hulanda, por expande e capacidad di recepcion, y cu tin plan pa realisa e expansion e aña aki tambe. “Mi tin tur confiansa cu esaki ta sosode positivamente tambe” e mandatario a bisa, elogiando e directora tambe di e facilidad y tur hende cu ta traha eynan. Potret cortesia Gabinete Wever Croes. 

  • Dos pashent cu coronavirus na Aruba ta hospitalisa

    Dos pashent cu coronavirus na Aruba ta hospitalisa

    ORANJESTAD – Tin dos caso positivo di coronavirus na Aruba cu ta hospitalisa. Asina vocero di Departamento di Salud DVG Jurette Croes a confirma dialuna merdia durante e briefing riba e crisis di coronavirus. Esaki kier men cu un di e casonan a empeora di tal forma cu e ta rekeri atencion medico hospitalisa. Asina mes, Croes a sigura cu ambos ta hospitalisa berdad, pero nan condicion ta stabil. Tur e otro casonan ta na cas den isolacion. E cifra di 50 caso positivo no a cambia tampoco desde diadomingo. 

  • Gobernador Boekhoudt: Awor ta tempo pa mustra solidaridad

    Gobernador Boekhoudt: Awor ta tempo pa mustra solidaridad

    ORANJESTAD – Gobernador di Aruba, SE Alfonso Boekhoudt a sigui paso di Rey Willem Alexander diadomingo ultimo y a dirigi su mes na comunidad di Aruba pa loke ta e crisis di coronavirus. E ta compara e situacion cu un pelicula di suspenso, y con nunca antes den tempo di paz, nos libertad di move y biba un bida normal a wordo limita manera awor. E referi tambe na e deber civido pa tuma e responsabilidad di cuida nos mes na serio y no neglisha instruccionan ricibi. Tambe cu mester demonstra nos cordialidad manera nos himno ta describi’e, y pa no crea panico ‘pa metanan dudoso’. A referi na crisisnan anterior manera di ciere di Lago y e crisis financiero di 2008, y con esun aki ta mas grave. E crisis actual no por pone nos bira egoista sino mester tene cuenta cu bienestar general. A pidi pa tene cuenta cu nos grandian, muchanan y pa resa pa esnan den prome liña di defensa y tur esnan cu ta duna servicio esencial. Lesa e discurso completo AKI.

  • Simar ta protesta riba carta di minister Lampe cu a laga nan ‘babuca’

    Simar ta protesta riba carta di minister Lampe cu a laga nan ‘babuca’

    ORANJESTAD – Tumando nota di un carta di minister di Enseñansa Rudy Lampe na esnan den enseñansa, anunciando cierto corte den nan salario e.o, sindicato di maestro SIMAR a reacciona diadomingo atardi cu un carta pa prome minister Evelyn Wever.

  • Hospital ta intensiva regla y no ta permiti bishitante mas

    Hospital ta intensiva regla y no ta permiti bishitante mas

    ORANJESTAD - Pa minimalisa riesgo di contagio Dr. Horacio E. Oduber Hospital recientemente a tuma medida pa loke ta bishitante en conexion cu coronavirus.

  • Update: Cifra di caso positivo di coronavirus pa Aruba ahusta na 50

    Update: Cifra di caso positivo di coronavirus pa Aruba ahusta na 50

    ORANJESTAD – E cantidad di caso positivo pa coronavirus a keda adapta diadomingo merdia, debi na dos caso cu a resulta ‘inconclusivo’. Asina vocero di DVG Jurette Croes a informa diadomingo merdia durante e briefing di coronavirus. Como tal a opta despues pa ‘re-test- e dos personanan, y cambia e number di 52 pa 50. 

  • Noticiacla.com ta transmiti discurso di Gobernador riba coronavirus

    Noticiacla.com ta transmiti discurso di Gobernador riba coronavirus

    ORANJESTAD - Riba diadomingo 29 di maart 2020, Gobernador di Aruba, S.E. Alfonso Boekhoudt lo duna un discurso, tocante e situacion dificil cu nos Pais ta confronta door di e brote di Coronavirus (COVID-19), via e canalnan di television local. NoticiaCla.com lo transmiti e discurso aki pa su siguidornan pa 7’or di anochi riba su plataformanan, manera e Facebook page, e website y e app.

  • windcreekmar5
  • Powered by SETAR