Wever: Prome cu reces, lo huramenta minister y parlamentario nobo

Wever: Prome cu reces, lo huramenta minister y parlamentario nobo

Posted on 12/12/2019 4:40 pm AST | Updated on 12/12/2019 4:43 pm AST

ORANJESTAD – Prome minister Evelyn Wever a informa noticiacla.com diahuebs durante un conferencia extraordinario, cu su persona mes lo asumi e carteranan di minister saliente Otmar Oduber. “Pa e siguiente oranan, ami ta tuma encargo di e cartera te ora cu nos finalisa cu nos parlamento ta completo bek, cu sra Marisol Lopez Tromp ta bek for di Hulanda, y nos por finalisa pa e tambe huramenta” Wever a bisa e portal aki. El a sigura e portal aki cu tur esaki (e cambionan) lo sosode prome cu reces di pasco otro siman. “Tur cos ta bay tuma lugar prome cu reces” Wever a bisa. 

STOELENDANS

Ora cu na september ultimo Otmar Oduber a anuncia su retiro pa december 2019 como minister, a surgi e pregunta ken ta reemplasa Oduber. A bira conoci hopi liher cu lo 'reshuffle' den e partido POR, y actual parlamentario Marisol Lopez Tromp lo reemplasa Oduber como minister, mientras cu Dellanire Maduro, ta bira e parlamentario nobo pa e partido tambe. Maduro tabata riba e lista di partido y a profila su mes como un experto riba tereno medico. E lo bira e parlamentario mas hoben di Parlamento di Aruba. 

  • Diamars minister tin cu duna cuenta na Parlamento riba imigracion

    Diamars minister tin cu duna cuenta na Parlamento riba imigracion

    ORANJESTAD – Diamars awor minister Glenbert Croes mester duna cuenta na Parlamento riba e asunto di imigracion na Aruba. E reunion ta solicita riba peticion di parlamentario Marisol Tromp cu a haci e peticion for di februari 2025. “Porfin Minister a haña un buraco den su agenda cu yen di biahe pe bin di transito Parlamento Di Aruba pe reunion publico publico” Tromp a reaccion bisando. “Ya ta 1 aña y 2 luna pasa cu nos a pidi pa Minister Glenbert Croes bin Parlamento tocante su  maneho ineficiente, intransparente y frustrante riba immigracion aki na Aruba. Nos a pidi pa un reunion publico, fei 15 di Februari 2023” Tromp a sigui bisa. 

  • Oduber: Aki dos luna ta cuminsa scucha testigonan specifico den caso Flamingo

    Oduber: Aki dos luna ta cuminsa scucha testigonan specifico den caso Flamingo

    ORANJESTAD – Aki dos luna ta Huez Comisario ta cuminsa scucha testigonan specifico den caso Flamingo. Ta trata specificamente di e.o. miembronan di RST, BCI y otro autoridadnan cu lo a haci declaracionan falso den e caso aki. Asina ex minister Otmar Oduber a bisa durante un conferencia di prensa dilanti corte. Segun Oduber, e la bisa cu den luna di juni, e interogacion ta cuminsa tras di porta cera. Oduber a bisa cu e lo a desea pa esaki keda transmiti pero pa ley, esaki no ta posibel. E kier haci peticion tambe pa ora cu e caso mes tuma lugar, esaki keda transmiti tambe en vivo via prensa pa pueblo scucha tur loke a sosode. Oduber a bisa cu e lo campa dilanti Corte como protesta si esaki no sosode lugar. E la repasa un biaha mas e odisea di 5 aña cu e ta pasando aden, desde cu nan a drenta su cas, cera algun luna den prizon y persigui su persona y purba caba cu su persona. Ministerio Publico ta acusa Oduber y 7 otro persona di entre otro estafa, maluso di poder, corupcion (activo y pasivo) y falsificacion di documento. NOTA: E potret cu ta acompaña e articulo aki ta di archivo di noticiacla. 

  • Embahadora di Reino Hulandes na Merca a informa su mes riba trabou di CMO na Aruba

    Embahadora di Reino Hulandes na Merca a informa su mes riba trabou di CMO na Aruba

    ORANJESTAD - Embahadora di Reino Hulandes staciona na Merca Birgitta Tazelaar durante su bishita na Aruba, a haci un bishita na oficina di CMO pa asina conoce e trabou di CMO y con ta prepara pa cualkier eventualidad di crisis.

  • Wever: Realidad tristo: 99% di abuso sexual di mucha, e abusado ta famia of conoci!

    Wever:  Realidad tristo: 99% di abuso sexual di mucha, e abusado ta famia of conoci!

    ORANJESTAD - E ta un berdad hopi tristo cu e problematica aki di abuso sexual di mucha ta cuminsa hopi cerca di cas mes, di esnan hopi cerca di un mucha. Asina prome minister Evelyn Wever Croes ta bisa den un comunicado. Segun e prome mandatario, for di un estudio haci, ta alarmante e cifra y informacionnan obteni di casonan di abuso di mucha. 99% di casonan na unda muchanan ta wordo abusa sexualmente, ta wordo abusa door di personanan cu e victima conoce. E por ta un amigo di cas, of amiga of amigo di mama y tata, pareha nobo, door di omo, door di welo, of padrastro. Esakinan ta personanan cu ta cerca di e muchanan y kendenan e muchanan ta confia. Personanan kendenan a mayornan a confia pa laga nan yiunan den nan cuido. 

  • Parlamentario di MEP ta bisa minister di Raiz drecha RWZI of hala tras!

    Parlamentario di MEP ta bisa minister di Raiz drecha RWZI of hala tras!

    ORANJESTAD – Parlamentario di MEP Alvin Molina den un comunicado basta directo dirigi na e minister di partido RAIZ, Ursell Arends a mande ‘drecha’ e situacion na RWZI of hala atras. E la usa un palabra ingles mas ‘netchi’ pa expresa su mes, cu traduci na Papiamento kier men pupu. E parlamentario ta usa e expression ingles ‘Get your sh*t together’ pero enbez di usa e palabra sh*t, cu kier men pupu, e ta usa e otro palabra, manure cu ta mest (pupu di bestia bruha cu hooi cu ta wordo usa pa yuda fertilisa e tera).

  • Arends: Destino di e (ex) doño di cacho Khaleesi ta den man di Ministerio Publico

    Arends: Destino di e (ex) doño di cacho Khaleesi ta den man di Ministerio Publico

    ORANJESTAD – Destino di e doño di cacho Khaleesi ta den mano di Ministerio Publico. Asina minister di Naturalesa Ursell Arends a duna como update riba e caso cruel unda cu un cacho debi na maltrato severo di su doño, a bin fayece recientemente. E la duna e ultimo update den e programa Noticiacla LIVE na periodista Tito Laclé e siman aki. Por wak e segmento ey di e programa AKI. 

  • Zulo
  • Varadero
  • Postobon
  • Powered by SETAR