Reduccion di velocidad pa 100 km na Hulanda ta otro aña maart

Reduccion di velocidad pa 100 km na Hulanda ta otro aña maart

Posted on 12/2/2019 12:26 pm AST | Updated on 12/2/2019 12:26 pm AST

DEN HAAG – E reduccion di velocidad maximo di trafico na Hulanda di 130 of 120 km pa or ate na 100 km pa ora, ta drenta na vigor mitar di luna di maart di 2020. Asina minister Van Nieuwenhuizen ta bisa Tweede kamer. “Tin mester di tempo pa por adapta tur borchi” e mandatario a bisa. Mas prome gabinete a dicidi cu lo cambia e velocidad solamente den dia pa 100 kn, pa asina reduci e emission di nitrogeno, cu ta un problema pa agriculturonan. Cu esaki por crea espacio pa crece e sector di construccion atrobe. Esey tabata necesario pasobra asegun Raad van State, a dicidi cu e acercamiento Hulandes contra nitrogeno no ta cumpli (cu rekisito). Debi na e cantidad di nitrogeno cu ta keda emito pa e parti di agricultura y trafico, e bioversidad den areanan afecta di Hulanda, ta bou di presion. Lo haci e cambio di boric entre 12 y 16 di maart 2020. Esey ta nifica cu desde 16 di maart mainta 6’or, e velocidad nobo ta drenta na vigor na Hulanda. Unda cu antes despues di 7’or por a core 120 of 130 km pa ora, esaki ta sigui normal. Fuente y potret cortesia NOS.nl

  • NOS: Miles di Hulandes ta wordo spiona digitalmente door di nan ex via telefon

    NOS: Miles di Hulandes ta wordo spiona digitalmente door di nan ex via telefon

    AMSTERDAM – Miles di Hulandes ta wordo spiona digitalmente door di nan ex partner. Asina e portal Hulandes NOS ta raporta. E telefon di e Hulandesnan afecta ta infecta cu e asina yama ‘stalkerware’. E ta un forma di software malign cu cual ex partners por lesa mensahe di nan ex pareha di whatsapp y wak potret. Segun NOS, RTL Nieuws a pidi 15 compania di antivirus pa cifras di e infeccion di stalker ware. Si na 2018 tabatin un par di shen infeccion, na 2019 esaki a aumenta te na mas di 6500. Probablemente e cantidad ta hopi mas halto mirando cu no tur hende tin un programa anti virus riba nan telefon. 

  • ‘Doño’ di cartanan cu bom na Hulanda a exigi bitcoins

    ‘Doño’ di cartanan cu bom na Hulanda a exigi bitcoins

    AMSTERDAM – E bomnan den carta cu a explota na Amsterdam y Kerkrade awe, ta trabou di un ‘chantagista’, segun polis. E persona cu a ‘manda’ e cartanan ta exigi un suma den bitcoins. A menasa cu si no paga, lo manda mas carta cu explosivos. E bomnan awe mainta a explota na un lugar di sortia post na ABN Amro na Amsterdam y na un lugar na Kerkrade. Ningun hende a keda lesiona cu e incidente. 

  • Matthijs van Nieuwkerk ta stop cu programa De Wereld Draait Door

    Matthijs van Nieuwkerk ta stop cu programa De Wereld Draait Door

    HILVERSUM – E conocido presentador Hulandes di television Matthijs van Nieuwkerk (59) ta stop di presenta e programa popular De Wereld Draait Door. E ta caba e temporada aki si, cu ta 27 di maart, pero despues e ta retira di esey. E ta keda si activo cu e canal NPO y ta bay traha un programa pa diasabra anochi pa BNNVARA cu ta cuminsa otro aña januari.  Segun van Nieuwkerk, ta tempo pa pone un fin tras di e programa aki. 

  • Bisiñanan Hulandes absolvi di contrabanda di droga di Aruba

    Bisiñanan Hulandes absolvi di contrabanda di droga di Aruba

    DELFZIJ – Dos bisiña Hulandes di Delfzijl keda absolve di contrabanda di cocaina for di Aruba. Asina e portal RTV Noord ta raporta. Nan a keda sentencia si pa traficacion den drogha y methadone. Na 2018 douana na Schiphol a intercepta un paki di Aruba, den cual tabatin 400 gram di cocaina, y algun regalito.  

  • Corte na Hulanda a absolve e ‘tattookillers’ di asesinato di Onno Kuut

    Corte na Hulanda a absolve e ‘tattookillers’ di asesinato di Onno Kuut

    ROTTERDAM – Corte na Hulanda a absolve 4 sospechoso di e caso di ‘tattookillers’, osea matadornan cu tattoo. Nan tabata sospecha di e morto riba e Hulandes Onno Kuut. Un caso cu a haya hopi publicidad. Kuut a wordo haya morto dia 25 di maart 2009 den e duinen di Hoek na Hulanda. Segun Corte, tin hopi indicacion cu e 4 personanan tabata envolucra cu e morto, pero no suficiente prueba pa condena nan. Ministerio publico a pidi castigo di bida largo di prison. E nomber tattookillers ta debi na e tattoos riba nan curpa (riba lomba) cu e mensahe ‘sea decisivo’ den simbolo Chines.  

  • Minister Besaril a coregi su declaracion riba Soca Contest riba social media

    Minister Besaril a coregi su declaracion riba Soca Contest  riba social media

    DEN HAAG  – Minister plenipotenciario pa Aruba na Hulanda Guilfred Besaril a coregi su declaracion riba Soca Contest riba social media. Asina su oficina ta aclarea pa medio di un comunicado. Esey ta bin despues cu el a haci algun declaracion fuerte riba Facebook, y despues a nota cu esaki porta no tabata e miho forma di actua.   

  • Powered by SETAR