- KVK: Mayoria compania ta pensa cu e scarsedad di trahado lo empeora
- HOH: Ocupacion di cama poco poco ta bek na normalidad na hospital
- Video: Ryçond Santos do Nascimento ta considera su entrada den AVP como un eror
- Mas turista Colombiano ta biahando pa Corsou envez di Aruba den 2024
- Minister a anuncia mando nobo temporal na Cuerpo di bombero
Wever: RMR lo dicidi diabierna si ta acepta proposicion di Aruba
ORANJESTAD – Gobierno di Aruba a contesta Hulanda siman pasa riba e asunto di deadline di 18 di October proximo, y lo tin cu sinta wak kico Hulanda (lesa: Rijksministerraad) ta dicidi. Esta si ta bay di acuerdo cu proposicion di Aruba of ta sigui cu e plan di duna Aruba un ‘aanwijzing’. Despues cu e no tabata na altura di e fecha di un ‘deadline’ pa presenta un alternativa riba ley di CAFt, prome minister di Aruba, Evelyn Wever a confirma den e programa Noticiacla LIVE cu ta apenas dialuna atardi siman pasa, el a ricibi un carta enberdad di secretario di estado Hulandes Raymond Knops cu tin e fecha di 18 di October proximo ( diabierna awor), unda cu lo trata e tema di CAft den RMR y cu Aruba mester duna un contesta riba nan pregunta. E pregunta, si ta propone un alternativa riba ley di LAFt y kico concretamente ta haci cu e ley cu a wordo cambia pero no ratifica.
KICO TA PASA DIABIERNA AWOR
Prome minister Wever no por a bisa noticiacla.com kico lo pasa diabierna awor na Hulanda den RMR. “Loke nos ta bay haci ta manda e advies di DWJZ Directie Wetgeving en Juridische Zaken (lesa paragrafo abou:red) pa Hulanda anto mi ta bay splica nan, cu nan preocupacion di cu e ley ta riba lessenaar y any time mi por mande pa ratifica, no ta corecto” Wever a bisa. Esey ta loke Aruba lo manda, y lo wak kico Hulanda lo bisa. Loke Hulanda a pidi Aruba tambe, Wever a sigui bisa, ta pa Aruba bin cu un ley alternativa. “Y nan a bisa cu nan hendenan ta willing pa yuda nos pensa riba esey. Nos ta bay sinta cu nan hendenan y wak kico ta kico” Wever a bisa. Pues basicamente e bala awor ta bek den scochi di Hulanda.
CONSEHO DI DWJZ
Pa loke ta e conseho di DWJZ cu Wever a referi na dje mas ariba, e ta splica cu e conseho ta bisa cu na momento cu bo no manda e carta di e ley (esun di LAFT) pa ratifica y pone riba bo lessenaar, e wetgevingstrayect ta finalisa. “Pa Aruba, pa nos constitucion, e trayect a finalisa (aki) . Kier men, mi por lague riba mi lessenaar si mi kier, pero mi no por cohe mande parlamento of mande gobernador pa ratifica, pasobra e proceso a caba. E no balor mas. Kier men si mi kier mes pa e ley aki wordo ratifica of wordo cambia, mi mester cana full e caminda bek” Wever a sigura den e programa recientemente.
Segun Wever, decisicion cu gobierno di Aruba a tuma pa no ratifica e cambionan di LAFt, ta un paso hopi grandi, cu no a pasa hopi of nunca ainda na Aruba. E no ta un ‘vertrouwenscrisis) manera cu oposicion ta pretende segun Wever. pasa e ley, Hulanda lo retira CAFt cu tur su consecuencianan cu esaki por tin pa Aruba. Entre otro problema riba mercado internacional.
Video: Ryçond Santos do Nascimento ta considera su entrada den AVP como un eror
ORANJESTAD – Actual parlamentario independiente mr. dr. Ryçond Santos do Nascimento ta considera su decision pa subi lista berde AVP como un di su erornan cu e la comete den su bida. Asina e parlamentario a admiti na e periodista Tito Laclé durante e programa Noticiacla LIVE diamars anochi. E ta splica esaki den un fragment di e programa.
Minister a anuncia mando nobo temporal na Cuerpo di bombero
ORANJESTAD - Cuerpo di bombero temporalmente tin ekipo nobo di maneho. Por lo menos asina minister di husticia Rocco Tjon a anuncia diaranson mainta riba su pagina di Facebook. Esaki despues cu a manda esun cu tabata na cabes, Emilio Geerman cas recientemente. “Awe mainta nos a reuni cu e miembronan nobo di e management team di brandweer. Esaki mirando e ultimo desaroyonan” e minister a cuminsa na bisa.
Acuerdo di colaboracion entre instancianan di salud mental den CAS-BES reforsa
WILLEMSTAD – Recientemente durante un conferencia cu a tuma lugar na Corsou, diferente partner di salud mental (GGZ) den e Caribe Hulandes a logra adelanto den nan esfuerso pa intensifica e acuerdo di colaboracion titula ‘Dutch Caribbean Mental Health’ y a expresa nan deseao di formalisa esaki den un entidad huridico. Meta di ‘Federatie Dutch Caribbean Mental Health’ ta pa promove calidad di cuido di salud mental riba tur e islanan den Reino. E federacion lo facilita intercambionan di experticio di contenido y e parti organisatorio. Principalmente riba e tereno di calidad, desaroyo continuo, ley y regulacion y educacion.
Gobierno y CAFT ta den proceso pa reemplaza actual miembro pa Aruba ora su termino vence
DEN HAAG - E siman aki cu Minister Maduro di Finansa ta na Hulanda, e mandatario a reuni cu Presidente di CAFT, sra. Lidewijde van Olerongen. Minister Maduro a duna un update riba e trabounan pa mehora maneho financiero di Aruba y a repasa e proceso pa yega na un miembro nobo pa Aruba den CAFT ya cu e termino di sra. Helen van der Wal ta bay yega su fin na augustus e aña aki. E mandatario a combersa tambe riba e reglanan presupuestario y e maneho cu ta wordo traha pa trata cu surplus, ya cu pa basta aña Aruba a conoce solamente presupuesto cu deficit y awo Aruba ta trahando cu presupuesto cu surplus.
Oduber: Maneho nobo pa haya permiso pa hotel; Ta permiti solamente Boutique hotels!
ORANJESTAD – Desde awor en adelante, gobiero ta duna permiso solamente pa traha boutique hotel, vs cualkier otro tipo di hotel. Minister Dangui Oduber diamars a anuncia cu a introduci e maneho nobo di otorgamento pa permiso di hotel den cuadro di turismo sostenibel. “E maneho aki ta tene na cuenta cu Aruba no por sigui crece na e velocidad cu e ta bayendo y mester tuma accionan concreto pa frena e cantidad di cambernan cu ainda lo mester construe”.
A prolonga ciere di frontera cu Venezuela cu cuater luna mas
ORANJESTAD – Ora cu a kere cu awor si ta bay habri frontera cu Venezuela pa e parti maritime, manera tabata indica, dialuna anochi gobierno di Aruba a informa cu un biaha mas ta prolonga e ciere di frontera cu Venezuela, te por lo menos augustus di e aña aki. Frontera cu Venezuela ta cera desde aña 2019, na momento cu Gobierno di Venezuela a cera e frontera unilateralmente. Na mei di 2023 a habri e frontera maritimo basa riba palabracionnan haci entre autoridadnan di Aruba y autoridadnan di Venezuela.
Follow NoticiaCla
