Turkia a inicia atake aereo den norte di Siria diaranson

Turkia a inicia atake aereo den norte di Siria diaranson

Posted on 10/9/2019 2:49 pm AST | Updated on 10/9/2019 2:50 pm AST

ANKARA – Turkia a inicia atake aereo den parti norte di SIria diaranson. Presidente Turko Erdogan a anuncia e comienso di e operacion militar algun rato prome. E accion a bin despues cu presidente Mericano Donald Trump a dicidi pa retira e trupanan Mericano cu tabata sostene e trupanan Kurdo den parti norte di Siria. E grupo Sirio (SDF) a confirma cu Turkia a inicia cu e atakenan. “Tin hopi panico entre e hendenan”, nan a bisa. E motibo di e atake ta pasobra gobierno Turco kier tene e militia Kurdo riba distancia, cu segun Turkia, ta consisti di terorista. Banda di esey Erdogan kier crea un area unda cu por acapara 2 pa 3 miyon di refugiado Sirio. Actualmente nan ta den Turkia. Presidente Mericano Donald Trump a laga sa cu 50 militar Mericano a bandona e area cu nan tabata vigila.

 .

 

  • Greta Thunberg a bira persona di aña 2019 pa Time Magazine

    Greta Thunberg a bira persona di aña 2019 pa Time Magazine

    NEW YORK - Greta Thunberg (16), e teenager Sueco cu a crea un conciencia global pa cambio di clima y activismo di medio ambiente, a bira e persona di aña di e revista popular mundial Time Magazine pa 2019. E anuncio a keda anuncia diaranson den e programa Today di mainta. Segun Time Magazine, Thunberg a bira e voz mas grandi riba e asunto di planeta e aña aki, for di practicamente nada pa lidera un movimento mundial. Segun e hefe di redaccion Edward Felsenthal ta bira e persona mas hoben nombra como persona di aña. 

  • Un avion militar Chileno cu 38 persona a disparse na caminda pa Antartica

    Un avion militar Chileno cu 38 persona a disparse na caminda pa Antartica

    SANTIAGO – Un avion militar cu 38 persona a bordo a disparse en ruta di Chile pa Antartica, segun forza aereo Chileno. E avion tipo C-130 Hercules a lanta buelo di Punta Arenas y operadornan a perde contacto cu e avion dos ora despues. Esnan cu ta perdi ta 17 tripulante y 21 pasahero. Nan tabata biahando pa prove sosten logistico pa un base militar riba King George Island di Antartica. Un mission di buskeda y rescate ta tumando lugar aworaki.  

  • Cantante di Roxette Marie Fredriksson a fayece na Suecia

    Cantante di Roxette Marie Fredriksson a fayece na Suecia

    STOCKHOLM – E cantante principal di e grupo popular Roxette, Marie Fredriksson (61) a fayece despues di un malesa largo. E tabata un di e voznan mas conoci den pop di añanan 80. Na 2002 el a haya un ataca den baño y a fractura su craneo. Un MRI a revela cu e tabatin un tumor y a dune 25% chens di bida. El a sobrevivi pero a keda cu problema di salud. Na 2016 el a retira completo debi na su situacion di salud. “Listen to your heart” y “It must have been love” ta canticanan cu a haci Roxette hopi popular den e decada di 80.     

  • Finlandia ta haya e premier mas hoben di mundo e siman aki

    Finlandia ta haya e premier mas hoben di mundo e siman aki

    HELSINKI – Minister Finlandes Sanna Marin ta poni pa bira e premier mas hoben di mundo na edad di 34 aña. E minister di transporte a keda scohi pa su partido Social Democrata despues cu su lider Antti Rinne, a retira como premier. E lo keda huramenta e siman aki. E lo lidera un gobierno di coalicion di 5 partido, tur lidera pa hende muher di cual tres ta bou di 35 aña di edad. Rinne a retira despeus di un voto di desconfiansa, pa e forma con el a maneha e welga postal. Despues di Marin, tin e premier di Nueva Zelandia di 39 aña aunke cu e premier di Ukraine tin apenas 35 aña. 

  • Zozibini Tunzi di Sur Africa ta Miss Universo 2019

    Zozibini Tunzi di Sur Africa ta  Miss Universo 2019

    ATLANTA - Zozibini Tunzi (26) a keda corona como Miss Universo 2019 diadomingo anochi na Atlanta. For di comienso, el a bira un faborito despues di varios declaracionan fuerte cu el a haci durante e curso di e certamen. E ta un activista y hopi apasiona riba violencia basa riba e genero di sexo. Di tur e declaracionan haci, esun cu mas a resona, tabata su ultimo. “Mi a crece den un mundo unda cu un hende muher cu tin mi apariencia, cu mi color y mi tipo di cabey, nunca tabata considera pa ta bunita. Mi ta kere cu ta tempo pa esaki stop awe!”. Na di dos lugar a keda Madison Anderson di Puerto Rico y despues Sofía Aragón di Mexico,  . Ambos tambe candidatonan fuerte. Aruba su representante Dana Garcia, aunke a haya un mencion di referencia general di e anfitrion Steve Harvey, no a cay den premiacion e anochi ey. 

  • Russia prohibi den Olimpiada 2020 y Copa mundial di Futbol 2022

    Russia prohibi den Olimpiada 2020 y Copa mundial di Futbol 2022

    LAUSANNE – Russia a keda probibi di tur evento importante deportivo, pa WADA (World Anti-Doping Agency. Esey ta nifica cu e bandera Ruso y e himno lo no ta permiti pa eventonan manera Olimpiada 2020 na Tokyo y e Copa mundial di futbol 2022 na Qatar. Pero atletanan cu por proba cu nan no ta afecta pa e scandal di dopahe, por participa bou di un bandera neutral. WANDA su commission ehecutivo a tuma e decision unanime den un reunion na 

  • Powered by SETAR